2012年3月11日星期日

原來何伯個孫都係傻嘅

網上圖片:傻孫話:寧投鐵頭,不予狼英
特首選戰,早逝男誓要登上寶座,於是懶理對老婆不忠已成習慣,懶理掘窿建地宮知法犯法,懶理自己口齒不清智商近零,誓要在一眾有錢人的支持下,黃袍加身,好去光宗耀祖,也好繼續向支持他的大孖沙利益傾斜。

上代大慈善家何伯個孫,對早逝男情有獨鍾,不斷在自己控制的媒體撻伐早逝男的對手,特首大戰就變成媒體挖料抹黑大戰。本來編輯自主就是謊話,老細唔  likey 邊個,編輯仲唔識  do 咩,記協姓麥的婆娘為甚麼又不出來嚴正呼籲一下,要同業謹守編輯自主,維護敢於向老細 say no 嘅新聞從業員核心價值了?

話說回來,大慈善家何伯大隱於市,卻向貧苦施惠無數,但個孫似乎沒繼承這種俠骨仁心,反過來愛站在台前與權貴聚攏,早前款待香江阿一已招話柄,今日死撐早逝男,甚至用自己控制的媒體衝鋒陷陣,甘願做一隻富貴爛頭卒。

今日看電視新聞,何伯個孫話點都會投票給早逝男,說早逝男係正直嘅 .......


,知法犯法,感情缺失屢,無腰骨無膊頭的早逝男叫正直?於是我相信,繼超人個仔之後,原來何伯嗰孫都係傻嘅!

傻人辦報?幸好我已十年八載沒花過一文錢去買他的報紙,打後更不會。至於那份號稱發行量最高的免費報紙,都不想看咯,給他賺錢去款待權貴擁抱白痴早逝男? no 喇,我歎多杯奶茶好過!
.
.
.

14 則留言:

the inner space 說...

我常去的網誌,網友顯然分成挺梁和忌梁兩派!

而忌梁派也分開 anyone but CY 和 忌梁不代表挺唐!

嗜悲一向悲觀是對的 2047都未必有真普選,
所以 I am none of the above!

laulong 說...

香港未 ready for 普選, 甚至未 ready for 自治. 你看這些所謂香港精英, 白癡如此, 怎能治好香港!

naruto 說...

佢份報紙早幾年dayday都有佢紅顏(二奶?)撈麗沙嘅唱好新聞。。。編輯自主,哼~

laulong 說...

對對,根本就係老細作主!

魔術師 說...

我每次見到姓麥的婆娘都想作嘔.

laulong 說...

哈哈,真係好少女人咁惡頂!

hollycowplanet 說...

香港疯了!傳媒有知識水平的,就应帶领市民分析两營政綱,而非天天挖黑材料抄作。

laulong 說...

冇喇,牛牛,傳媒操守,記者天職,直筆不隱,早已臣服在老細要賺錢,要黨同伐異嘅原則之下!

香港真係死緊喇!

佛爺 說...

校長:

任何選舉也有「挖污垢」的情形出現,但只是挖污垢,傳媒連政綱理念也久奉,市民就只在發洩怨氣,香港普選真是會一敗塗地。

laulong 說...

佛爺:

實際上連港人治港都一敗塗地,富商治港唔掂、公務員治港唔掂,揾個不見經傳嘅草根人才咩?鬼識佢咩,而且一樣唔見得掂。最終都係揾個京官治港罷,正如以前揾個英官治港,就掂喇!

Ebenezer 說...

坦白講,我開始對香港傳媒死心!

好似生果方向呢d報紙都算喇,人家行出嚟擺明老作嘩眾!但發現依家連信報都出個老紀(據講係集體創作),日日出十幾篇打手文章,在信壇俾讀者係咁鬧一於少理!佢d打手文章寫得水準高d都算,當佢有立場啫,但日日隻打手講d野白白痴痴,真係望住信報個金漆招牌,欲哭無淚!

eric 說...

都喺中央派個人嚟做好喇攪咁多嘢真喺勞民傷財,反正再喺咁虛耗遲早俾其他內地城市趕上,到時喺咁意派一個香港市長嚟做就OK。早啲適應都好吖。

hollycowplanet 說...

Eric, 中央派個人嚟做凸手是一定的, 但今天太早, 四年后港人自动要求, 中央就顺理成章。反正今天的祖国大把人才。

laulong 說...

Eben:

我有一段時間見圖書館份信報冇乜人睇,便叫圖書館抽起幾日唔買,睇吓有冇人問喇,結果真係冇人問冇人抗議,哈哈,可見哩份報紙真係冇乜市場。但最後我都叫圖書館買番,算咯,爛果東方入唔到圖書館,咪濫竽充吓數,唔係個報紙架就太凋零喇!




Eric:

香港正在落後緊喇,啲政客、搞屎棍仲唔知死,成日要香港自絕於中國,哈哈,正一係鼠目寸光。不過香港有番咁上下,要死都可能要三幾+年至死得清清楚楚,到時班友又話唔関佢地事咯!




牛牛:

就算今次順利選到凸手,香港嘅多頭話事,利益群體傾軋都唔會改變,再加埋泛民班友搞局,香港想掂都難。所以最終五十年不變,分分鐘等唔到咯!