2012年3月25日星期日

選戰過後

網上圖片
一切都在算中,本已沒甚麽懸念。

只是香港不講邏輯,不重思考的膠人真也不少,終日苦著臉的劉紹銳繼續發表他的歪論,自訂標準說不足 700 票就是低票當選,梁振英日後管治將會很困難。2000年台灣選舉陳水扁只得39.3% 選票,2004年得 50.1%2008年馬英九得58.5% 選票,2012年得 51.6%,夠低了罷,又沒多人說台灣難以管治了。

再說美國罷,2004年喬治布殊只取得 50.7% 選舉人票,也沒有人說他是低票當選,認受性低了。

一個有三位參選人的選舉,你能寄望當選者可以輕易拿得七八成選票嗎?你當其餘兩人是廢人或是花瓶嗎?過半數就是贏,日後管治如何就要看當選者的本事。

如此評論員,收檔去罷!



悻然的富貴黨

最好笑是富貴黨幾個頭頭,化行了粧的劉主席難掩其灰頭土臉,在麥克風前面胡扯兩句就落荒而逃。愈來愈像男人的周梁也顯出一臉不忿。梗係,條氣唔順嘛,上等人輸了俾中下等人,真是情何以堪!叫得震天價響的白票潮原來只是天真得要 yap 尿片的傻話。

形勢說明,中央已然改變倚重香港資本家的策略,富貴黨將會日漸邊緣化,田大少的特首夢早已碎如飛灰,幾個跑龍套的富太更沒有行情了,去行街打牌買名牌罷!



真搞笑的販民

令人意外的是手執 205 票的販民,大蕃薯只得 76 票,扣除廢票白票 82  (其中有4張肯定來自富貴黨),換句話說最少有52 張販民票轉投了,都去了狼英處?哈哈,販民英烈,都投共了?無間道又在上演了嗎?

想來網民用老夫子漫畫來二次創作選戰真有智慧,大蕃薯從來只是個陪玩搞笑角色,入型入格的鐵頭又怎會不優為之呢?




寫完,下午茶去了,又可以享受食店裏的秀色可餐!
.
.
.

46 則留言:

Hana 說...

校長,你講緊的台灣選舉得票率係我都有份選的全民一人一票的選舉喎!而奸英的得票好似我哋呢度冇一個人有權投票架喎!係哇?

laulong 說...

吓?那一個膠人?

你指唔出邊度好笑,係又笑唔係又笑,見到空氣都喺到笑,咁我幫唔到你,過主喇,多謝!

laulong 說...

花花:

請循其本。劉紹銳從得票講我就從得票這平台講。

如果佢係高嘅,就應該話小圈子選舉,無論高票低票都唔反映佢嘅整體認受性。

就好似蔡子強尋日話最新民調梁振英只得 35%, 支持率之低在近代選舉是罕見的。

因為今次不是普選,所以只能夠用民調去勉強同近代嘅普選做比較。這才是靠譜的。

咁 35% 係低嘅,低過阿扁 2000 年 4% 咯!

Hana 說...

小圈子選舉竟然同普選拉埋同一平臺來講???恕我不能頭同。

eric 說...

終於搞完喇!塵埃落定。不過真喺意外:何先生咁少票嘅!
睇得太多互揭瘡疤,都喺去飲下茶𥄫下女養下眼好過。

laulong 說...

花花:

冇辦法喇,劉銳紹要咁講嘛。佢真係退化喇,三個人落場,而且係真正競爭,不是做樣。基本每人起碼有 150 張提名票。那任何一人按常理最高只可以得到 75%, 但這只是絕對數字,現在狼英得票 60.9%, 仲低?唔低喇!

laulong 說...

Eric:

何生話販民無跳票喎,咁就奇怪啲票點解會唔見咗,真係變咗鬼票喎!

哈哈,我頭先養眼完喇 ^^

Terence Yun 說...

撇除普選同現行機制是否適合港人,因為會有過人意見,但用普選來比較,其實並不能比較,因為制度不同。

基於校長話劉退化,咁唔好用劉的想法,用另一種方法去比較罷。

其實係咪應該用現時國內人大或者黨團制度去比較會唔會較好呢?因為制度上是較為類似。

佛爺 說...

校長:

這裡中文電視以衛星轉播投票過程。我昨晚一時多才睡,十二時三十四分已經知道梁振英當選。

西方認同的投票方式,得票超過50%就叫「多數」,少過50%才叫「少數」。

eric 說...

哈哈咁人又喺販民鬼又喺販民嘛!咁佢哋喺俊傑嘛,所以會識時務囉,哈哈。

唔講咁多啦,我以前俾人話過喺海外逃兵,冇資格講喎。

喂邊度咁養眼,有機會我又去𥄫吓!今年應該都會返香港一趟。

laulong 說...

鹿米:

也是不能比較。國內黨團選拔係在同一個集團內,不似 1200 人裏來自不同的界別和利益板塊。

用蔡子強的比較方法會近一啲。




佛爺:

60.9% 當然不是低票喇。基本法特首產出方法原則在候選人要回應不同界別的訴求;不像普選要回應不同階層群眾要求,構思有別但仍是有根據的。




Eric:

吓?海外逃兵,不是說係普世價值,眾人之事嗎?

呵呵,那只是個很活潑的女孩,唔算好靚,不過睇得我暢快 :p

SKII 說...

我都想講這個,白票只得 82,扣了四票來自自由黨的,即是我 78,泛民總共有 203,即係...

SKII 說...

btw,我也會用你這個照片,嘻嘻,省了上網找的時間! ^_^

laulong 說...

好的,就用啊!

另外,我就是百思不得其解,為甚麼民調裏大蕃薯總是這麼低的支持率,販民不是說有六成市民支持嗎?

火鶴 說...

佛爺,

「西方認同的投票方式,得票超過50%就叫「多數」,少過50%才叫「少數」。」

西方的投票方式, 多數嘅定義係議席, 唔係選票. 有時某一黨嘅選票少過50%, 但都可以得多過半數議席. 政治架構唔同, 不能相題並論.

hollycowplanet 說...

昨晚看衛星轉播,今早才看到老夫子大蕃薯秦先生三个選完結果的台詞!

http://hollycowplanet.wordpress.com/2012/03/25/%E8%80%81%E5%A4%AB%E5%AD%90%E5%A4%A7%E8%95%83%E8%96%AF%E7%A7%A6%E5%85%88/

Ebenezer 說...

昨晚販民仲誓神劈願話傾掂晒數,開埋記者會話會有二佰幾票過俾大蕃薯,然後流咗個會等下次玩離場,講到個個都已經為巿民兩䝱插刀喎!

㸃解?㸃解大蕃薯結果得76票?販民係唔係有誠信問題呢?你地話?

Terence Yun 說...

人大可以作為參考,因為人大是國家最大的權力機關,也是透過人民選出來的代表的。

laulong 說...

鶴哥兒:

得票少過 50%,卻有可能是最高得票的政黨,於是取得較多的議席,哩個放喺議會選舉都有可能發生。




牛牛:

但今日隻狼個样 OK 喎,好似冇之前咁核突。




Eben:

該係咯,裏面一定有二五仔,我讚成販民執行家法,揪出來斬手剁腳 XDDD




鹿米:

你是說選人大嗎?港區人大的選舉方法不同內地的,這個可比特首選舉更小圈子罷。

魔術師 說...

有某博客的facebook因「香港熄燈」的照片被無理投訴而被封掉,就走去賴「言論禁制」,反而唔向facebook投訴點解會接受「無理投訴」喎!

搞到我都唔知驚邊個好了!

the inner space 說...

325投票,梁振英以689票,當選下屆行政長官,另外兩名候選人唐英年及何俊仁,分別獲285票及76票落敗。

1200-689-285-76(合格票)=150

150-82(白票不合格票)=68 有 68人沒有去投票。

有朋友提到:白票只得 82,扣了四票來自自由黨的,即是 78,泛民總共有 203,即係 ...

76+78+68=222 多過203,咁即是有些不是泛民選委,都投了白票或是沒有出席投票。

我不是泛民擁躉,不過條數喺咁,我是 EX 疴秩佬,習慣了覆核。689+285+76+82+68=1200

並懇請 以便兄再覆核一次,請請!

laulong 說...

魔術師:

香港熄燈?啲人真係太誇張喇,想是一般人都鍾意戲劇化。好似司徒華回歸後話唔會離開香港,怕番唔到黎,結果佢去領完個乜乜人權獎咪又番到黎!




inner:

實則 1200 個中有身份重疊的,所以好像只有 1183 個真實選委,咁又扣多十幾個。

匿名 說...

222 和 203 difference 19
1200 和 1183 difference 17

相差 2,不過我又讀到泛民有 205 不是 203
想差也是 2. 將 222-205=17 OK reconciled !

以便兄請 audiit 一吓,泛民有冇二五仔!

sPace

匿名 說...

相差不遠了,劉朗兄真的好記性!
【AM730】1,193名選委中,有1,132名選委投票,投票率為94.9%,較上屆少4.2個百分點,當中有75張白票及7張廢票。1,132張有效選票中,梁振英獲689票。。。。。。。。今次與梁振英競逐的唐英年和何俊仁,則分別獲得285票及76票。

sPace

匿名 說...

【明報專訊】莫乃光在facebook指出,可能有泛民選委響應前政務司長陳方安生呼籲,投票給唐英年,以在唐梁之間「兩害取其輕」,但數字上看來應該不多。至於過票給梁振英,莫表示「不擔心」,因梁以不足700票當選,得票已較中聯辦預期少,「梁根本不需要我們的票」。

sPace
重申:我不是泛民擁躉,不過條數喺咁,我是 EX 疴秩佬,習慣了覆核。

佛爺 說...

火鶴:

我知道這個道理,但得票超過50%就叫「多數」,少過50%才叫「少數」是一個通用的準則。

1932年,德國納粹黨贏取了超過過半數國會議席,成了德國第一大政黨。1933年,八十多歲高齡、德高望重的德國元老兼總統「興登堡」,委任希特勒為總理。1934年,興登堡逝世,希特勒為他舉行盛大國葬,跟著希特勒便再沒有後顧之憂,可以為所欲為了。

歷史學者質疑希特勒並沒有真正得到德國人民的支持,因他沒有取得50%以上的多數票,而只是40%左右的選票。

前些時看信報的一篇文章說希特勒只取得37.5%的選票,但我曾在一位歷史學家、他曾經是第二次世界大戰前的一名美國駐歐記者的重要著作「納粹德國的興亡」一書中,閱過希特勒是取得了44%的選票。但他也質疑希特勒權力的合法性,因他沒有取得超過50%的票數。

因此,我感覺西方選舉制度,是認同50%為「多數」的準繩。

順便一提,希特勒從街頭集會,躍身成為德國總統,是得到德國工業家的支持。而且他上台後,血洗支持他取得政權的衝鋒隊裡的同性戀者,也贏得了保守派和教會的支撐。西方不少歷史學家否認希特勒是受到德國人民支持而上台的觀點,我個人認為是不對的。

新鮮人 說...

說什麼也没有用,
雖然特首不是直選出黎,
三人中亦没有一個太像樣,
在我們没有選擇權下,
唯有記望梁生能真正為香港人服務,
不要為權力心魔為阻,
創出一番新氣象吧!

用眼看,
無需再作口舌之爭了!

匿名 說...

講開納粹 Nazi,Pastor Martin Niemöller the inactivity of German intellectuals following the Nazi rise to power and the purging of their chosen targets 。。。。。。Niemöller is perhaps best remembered for the quotation:

First they came for the Socialists, and I did not speak out --
Because I was not a Socialist.

Then they came for the Trade Unionists, and I did not speak out --
Because I was not a Trade Unionist.

Then they came for the Jews, and I did not speak out --
Because I was not a Jew.

Then they came for me -- and there was no one left to speak for me.


posted by
sPace

火鶴 說...

佛爺,

第一, 1200票中攞689票, 數學中叫多數呢個道理, 我明. 但相對全港七百幾萬人, 多數呢個詞, 我個人就認為, 嘿! 得啖笑.

第二, 你所講嘅歷史, 係對你自己之前所講「多數」嘅補充. 西方國家中, 多數政府同少數政府嘅定義, 無需要再解釋, 更不必要誤導其他人, 尤其那些未曾真正嘗試過民主普選的人.

Armadillo 說...

小圈子選舉,高票當選唔代表有民意支持,低票當選又唔代表大財團會對著幹。呢個世界冇永遠嘅敵人,亦冇永遠嘅朋友,只有利益最實際,睇吓鄭翁極速變臉就知啦!所謂建制派撕裂,只係傳媒同某啲有心人煲出嚟嘅啫,利之所在,你慌班友唔會歸隊?!另外,嗰位烏蠅鏡哥哥又真係好鬼死型啫!

佛爺 說...

火鶴:

我沒有誤導其他人,只是有人話60%的票數不是多數,我才基於這個邏輯來解釋。

我認知道這是一個小圈子選舉,但我認為民主進程應該循序漸進。香港未有成熟政黨,民智跟西方選民有相當遠的距離。

況且,西方議會有上議院或參議院作制衡,香港立法會沒有上議院,普選很容易變成派錢政府,盈餘很快變成龐大赤字。

普選要有很多問題先要解決。西方民主國家的政府,大部份也是負債累累的,我不希望香港出現這個情況。

eric 說...

計乜鬼咁多數,何生啲票始終都係比當初少咗一大截喎。真喺好肉酸囉。

死,又多嘴添。我呢啲「真正嘗試過民主普選的人」,喺「無需要再解釋, 更不必要誤導其他人」。都喺快啲收嗲。

laulong 說...

inner:

我是數學白癡,會考取得及格已是萬幸。至於販民,既然民都可以販,自己人更可以販咯,呵呵!

至於姓莫的推測,準確的機會不太高,那個民主陳婆的影響力正在褪色。不過更可悲的是販民的非理性,真正的大害是無能的唐唐。他做了特首只能是個昏君庸君,最終那班貪婪的既得利益者只會繼續宰割香港。




佛爺,鶴哥兒, inner:

你們都深知歐史,我無從置喙咯!




新鮮:

對,聽其言,觀其行。不過若你看他勝選後的記招,就可見到他的才,這是董、曾、唐都難望其項背的。




鶴哥兒:

民主普選可需要一個進程,反觀現在高叫民主的販民,卻毫不民主,又不守法,更不懂尊重抱持不同看法的人士,這又叫人不恥和不安的。

laulong 說...

Arma:

好耐冇見喇,又去咗玩?

如果說小圈子選舉高票無意義,咁低票一樣無意義。踩狼英低票,只是販民奸狗膠人的策略,繼續去策反特區管治威信罷了。

至於那烏蠅鏡?九十幾年前咯,只係一張冇咁醜嘅相 :)




佛爺:

我同你看法一樣,香港政黨政治未成熟,選民未成熟,普選帶來的只是一煲煑唔熟的三及第。而且販民心存大欲,想透過普選控制香港施政,向西方靠攏,香港,在中國史裏是從來沒有這麼多漢奸的。




Eric:

從你反應,可見香港啲販民盲杉係幾排他呢!佢地會誓死保護別人的發言權利?嘿嘿,佢剝奪你權利就真!

Hana 說...

我呢啲唔需要用括號嘅真正嘗試過民主普選的人就真係有自信唔會誤導其他人了,嘿!如果自認會誤導其他人唔多咀快啲收嗲就最啱了。

Hana 說...

很多人都不記得狼自爆搭過鄭家純私人飛機架喎!一早經已勾結啦!勝利宣言有鄭站台冇夢熊份,冇利用價值,用完即棄!鄉紳的票係黑金下最終都係過咗畀狼營,點解冇人再提呢?

laulong 說...

花花:

狼搭鄭家純私人飛機時係行政會議成員罷,立會議員係咪又唔可以搭人地嘅私人飛機哩?真麻煩,又要睇吓啲例。

至於劉夢熊冇上台,係佢自己意思還是梁嘅意思,冇人問過冇人答過,亦唔知真相。

鄉紳票過咗俾梁,該可信。但黑金之金喺邊度呢?有幾大銀碼?中間未經查證嘅仲有好多好多。

Hana 說...

問題咪係呢度囉!未查證嘅仲有好多就畀佢上台,咁仲有邊個可以查落去呢?

laulong 說...

咁老婆懷疑老公走私就唔同佢行房,仲黎手話要離婚,懷疑咋,未查明,咁個老公都好慘啫!

講番現實,阿扁未落任前有刑事豁免權,香港特首該無罷,咁哩家嘢未有普選嘅香港就贏台灣咯!

火鶴 說...

校長, 你知我同你一樣, 覺得香港要推行普選, 以現在的時機及政治架構嚟講, 一切尚未成熟. 呢點, 無需言明.

Eric, 唔怕喎, 呢度無分唐營, 梁營, 何營, 咱們都係香港營嘛.. 你我都係真正嘗試過民主普選的人, 我俾信心你, 同佛爺講, 西方國家所謂嘅「多數」政府, 「多數」是指選票還是議席? 講咗你所認知嘅事情出嚟後, 咩自信都返晒嚟啦, 咁就唔使再怕誤導其他人囉, 對不對?

唔好意思, 唔得記咗呢度校長係主場添.

the inner space 說...

泛民沒有人才2017就算有真普選都是過場份子繼續做為反對而反對黨不成氣候。

laulong 說...

鶴哥兒:

肯亮出招子,擺事實,講道理,重斯文,有質素,哩度就係大家嘅主場。

我喺大家到學唔少嘢!




inner:

販民那吔招層出不窮,背後有美英兩支大水,仲有搞分化嘅高手霍德,都唔好睇少哩班友。就以今次 323 活動,就知道班友手段真係好高。

the inner space 說...

前港英霍德當然是高手,不過在這五年內泛民有咩新星出來呢?現在個啲暫時沒有一個似樣!

laulong 說...

真正嘅人才沒有。

也很正常。只抱著美英一套,不懂就港情國情辨識何等制度適合香港和中國,思想有所蔽,又怎會有睿智之士走出來呢?

香港有很多東西領先世界,惟獨政治,很落後,很低 B!

新鮮人 說...

梁生手段當高,
但水能載舟亦能覆舟,
還是看他心裏想什麼才用,
誰知他背後會否有更大的野心,
還看明天吧。

laulong 說...

這我認同,聽其言,觀其行,佢都未上場施政,班友就發晒癲咁驚定先,實屬無謂!