2012年8月4日星期六

納妾的規矩

.
在微博上看到這段資料:

【古代納妾的數量也是有規定的,《春秋公羊傳》稱「諸侯一聘九女」,諸侯只可娶九個女人。在漢代,除非你有特殊的貢獻,才可以娶到八個妾:「功成受封,得備八妾」;一般的官員最多娶妻妾三個而已,漢代史學家蔡邕稱「卿大夫一妻二妾」。如果是平民百姓,一個小老婆也是不行的。】

那是說愈近現代就愈寬鬆了,結果到了清朝民初,隨便就出現了妻妾十幾人的現象。國民政府,共產中國,香港分別於 1930,1950 及 1971 規定一夫一妻制,自此合法的妻妾成群情況就只有較年長一代才可以有了。

微博圖片
.
.
.

24 則留言:

匿名 說...

我很擔心會成為人家的小老婆呢

卡臣 說...

一夫多妻...搾乾你

L L 說...

匿名:

何出此言?有跡象?那就要小心點咯!




卡卡:

前排尼日利亞就有一名男子被5個老婆輪奸致死。聽到都心寒!

Jessica Chan 說...

莫非你想回到古代,娶番幾個妾回來?

新鮮人 說...

依家邊有人咁笨娶咁多個老婆妾侍架?
多數去滾或者係外邊包三、四、五....奶架啦,
唔洗煩又唔洗分身家,
合則來不合則去,
毫無手尾,
就算法律俾人納妾都無人願啦,
費事自尋煩惱嘛!

ps: 我不支持包小三架, 只是講出當今現象喳!

the inner space 說...

校長愛花栽花惜花無數小花花圍圍著喇!

L L 說...

J:

不會喇,我冇錢冇面,何德何能可以做到雨露均霑呢?




新鮮:

啱呀啱呀,所以納妾者嘅某程度上都算有情有義架!




inner:

我愛花惜花,但花卻對我不屑一顧 :(

匿名 說...

你班「友」想做古代男人吧?

韻味熊貓 說...

校長:

我聽D印傭講,印尼富有的回教徒,不是娶四個老婆,是坐享十多個老婆。所以回教不吃豬肉,但可能食虎鞭。嘻嘻!

韻味熊貓 說...

新鮮人:

加拿大溫哥華以南有一個社區,是一百多年前來自美國的摩門教分支,實行一夫多妻制。裡面的男人都有十個八個老婆,幾十個子女,家裡的廚房大過香港餐廳的廚房呀!果個教長都唔知幾爽,快將六十,又娶個十五歲女仔做小老婆,但係都唔會馬上瘋喎!

L L 說...

牛牛:

古代男人即「古人」,唔做,幾大唔做 XDDD




佛爺:

唔怪知老虎就黎絕種喇!至於摩門教,我入咗都冇|用,無錢 :(

新鮮人 說...

佛爺,
佢地有米娶多多都得啦,
況且那邊d女仔相信"純品"好多,
如果佢地娶d港女,
一個就夠佢頭痕,
十個實死無全屍呀,
哈哈。。。。

韻味熊貓 說...

新鮮人:

係喎!我無諗過女方,只想到男人可享齊人之福。若果娶了兩個港女,不但祠堂盡毀,連祖先神主牌都會折斷。嘻嘻!

L L 說...

死冇全屍?祠堂盡毀?hahaha, 咪講得港女咁可怕咯!

我黎,我狼英上身,迎難而上 XDDDD

the inner space 說...

哈哈哈哈哈!幾位兄台的“拆祠堂”論真有趣!


不過現今醫學昌明,斷了可以駁返,效果效用就另議!



早年港男去到星馬泰,遇到當地女子們,頗受歡迎(經已成歷史)!但本地男同事提醒,南洋女子善妒,切忌遇上養鴨人家女子。若有誤會發生,會閣下趁事後瞓一覺時,把子孫根用利剪剪斷,立即拋出到鴨欄,讓鴨子當蟲蟲吞下,幾千隻鴨子,都不知那一隻吞下,駁也無從(傳說啫)!!!

L L 說...

呵呵,所以我不會找個養鴨的,唔係多多都唔夠剪!

韻味熊貓 說...

the inner space:

溫哥華南部的摩門教分支,果D十五六歲女仔,甘心情願做十幾奶架!係小部份三十幾歲的女人,條氣至唔順咋。

佢地都養鴨,但係唔洗擔心,一百多年來,果D男人既祠堂都穩如泰山架!果D女人全部穿長衫裙,好似十九世紀咁。

政府告佐個教主好耐,都告唔入。道理好簡單,即係你係香港,有十幾個港女願意同你一起同居,而她們又情同姊妹,甘願分享同一個祠堂,咁,唔算重婚架!係咪?

L L 說...

唉,信仰從來都可以把行為合理化,香港啲蚊型邪教,教主都呃盡唔少女仔!

韻味熊貓 說...

校長:

果個教主經常接受記者訪問,引經論典,拿住本聖經來作奸犯科。

L L 說...

哎,我可不能拿住道德經,論語,孟子去享受妻妾成群之樂啊,唉 ~~~~

the inner space 說...

佛爺哥 劉朗兄:
那些十五六歲的女子一出世便接受這一套嫁給教主觀念或是給教主初夜權是絕對合理的事情這算不算是洗腦呢?

L L 說...

哎,那確是一種洗腦,而信摩門教的父母親就是最主要的施洗者!

韻味熊貓 說...

那個地方可以自由出入的,那些十五六歲女仔,知道外面世界是什麼一回事的。為何她們會願意這樣做?

有幾次警察去捉教主,那些女人通風報信,讓教主匿藏,另一些女人去阻住警察進入該個社區。

最近捉個教主出去審,好似去了三四次先至捉到佢。

L L 說...

信仰力量龐大,人肉炸彈都可以,就可思過半了!