2013年1月23日星期三

腦殘女宗師

.
不是女中醫,是女宗師,戲裏面章子怡的宮二,橫睇掂睇骨架薄弱,一格手就斷 ( 我有個中學同學,斷人手唔少 @@ ) 的弱質女流,如何會是打贏葉問,撃殺馬三的絶頂高手呢?

好,聽故不駁故,就當宮二是練了九陰真經葵花寶典了,有無敵天下之能,但她的戇居,卻是令人驚訝和失笑的!

為甚麽?馬三貪圖富貴,弒師滅祖,若果真有江湖,江湖又有規矩,那麼天下人人得而誅之,怎可能由馬三話事:你班友咪郁我呀,你地又唔係姓宮!就算係佢個女,雖然未洞房,但訂了人家都唔係姓宮 (咁都得?),都冇資格同老豆報仇,同問我攞番宮家啲嘢!

吓!個腦殘女宗師又聽喎,竟然間走去取消婚約 ,仲去入埋道終身唔嫁人唔傳功 (同報仇有乜關係呢請問)!忘情棄愛,終身孤獨,仲要連家傳武功都斷絕埋?咁你究竟係贏咗還是輸咗呢?俾馬三條邪惡幽靈覊糜住你個傻婆嘅一世,你又對得住死鬼老豆?

睇到哩道我已經把幾火,唔係化,點知聽到隔籬個觀眾喺度第三次鼻鼾,唉,我明白了,幾廿文,入黎瞌吓咪算咯,協埋眼唔睇就唔躁,先係最大得著!

今日睇報紙,仲有啲影評人煞有介事咁話齣戲有甚麼甚麼亮點,唉,腦殘,又豈止係女宗師呢!
.
.
.

30 則留言:

新鮮人 說...

世事光怪陸,
當今時今日圍村女人還是唔可以繼承阿爺地時,
還有什麼事不可發生呢?
尤其是在中國封建思想年代中,
再怪都可以發生,
角色昂居 和戲好壞不一定正比的,
可以係一套好戲講一個昂居的人嘛,
睇戲而已,
你有你睇法,
人有人睇法,
各有意見,
世界百花齊放嘛。

不要勞氣。

匿名 說...

你好得閒呀, 都估到咁樣架啦, 又哂時間去睇, 睇完又花時間寫幾篇嘢去呻!!!

都係彼此彼此唧

Jessica Chan 說...

宮二同葉問比試時啲慢鏡唔係好得,但唔明宮二可以三兩下功夫打死馬三報到仇。

世純 說...

冇睇到套戲,唔明講乜,不過都留個言支持吓喇。 :p

P.S 我冇計劃睇呢套戲,因為我知道,我一定睇唔明大導拍乜嘅。

the inner space 說...

I wish to see Django Unchained directed by Quentin Tarantino rather。

2chanze 說...

公認的大師你都敢挑戰?
我都想寫金庸的武俠小說殘腦好耐,但都係唔夠吉屎 :(

laulong 說...

新鮮:

睇戲都要講常理同人情咯,哩齣又唔係超人打怪獸片,所以我唔抵得咯 >.<



匿名:

我食飽飯冇野做咯 >.<




J:

宮二同葉問比試?好似跳舞咁,一個圈呀兩個圈,一個圈呀兩個圈,鄧鄧鄧鄧鄧,鄧鄧,鄧鄧.....




世純:

哇,不敗的王大師,拍得好要鼓掌,拍得唔好都要鼓掌....

咪住,王大師係唔會唔好嘅!叫得大師梗係好喇,好嘅就梗係大師喇,呵呵呵~~~




inner:

有得揀,你就係老板,精明!




2chanze:

haha, 香港自由社會,百花齊放,咁冇理由我朵唔俾放架!

Desertfox 說...

最不喜欢章子怡拍打片。卧虎的时候已经觉得她厉害得不合逻辑。但起码因为那把剑而说得过去。

这次连武器都没有,叶问应该可以一拳把她打死。

laulong 說...

對,畫龍點睛,佢個角色係無説服力!

蝸牛 說...

劉兄:
套戲係四不像,點都搓唔埋,根本古不成古,你無謂駁古啦!不過你鍾意嘅你朵花梗係冇得唔俾放啦,天下人論天下事,以事論事啫。

The Inner Space:
Django Unchained雖然以Tarantino唔係話好有驚喜,但係梗係完整啲值得睇啲,簡單而到肉,我連原裝Django都睇埋咯。

2chanze:
金庸係寫得好,但係啲人物係戇居,呢個係事實,唔駛guts至講得啩。

Jessica Chan 說...

哈哈...校長演繹得好傳神呀!真係俾你笑死!
跳舞-兩個字,一圈一拍。


the inner space 說...

哎唷!何出此言?劉朗兄???
您暗示是被人強拉着入去看的?

laulong 說...

先答 inner, 梗唔係喇,邊個夠膽強拉我?係我自己椿入去嘅!哩個關鍵,哩個關鍵 :p

成點喇,聽日再回 :)

佛爺 說...

校長:

王大師以為自己是黃大仙,王大師又當自己是山神仙,其實是一班神經影評人在供奉王大師,他們全部都是神經錯亂的.

匿名 說...

我覺得佛爺, 校長同我都有一個共通點, 就係大家都對精神錯亂好敏感咕!

l.minor 說...

套戲我都無睇,不過睇大家嘅留言都好精彩呢~

the inner space 說...

蝸牛兄:對我 search 黑殺令 的串法是,都找到 spaghetti western 的原版 Django,借問兄台那處找到原版來看呢?

另外恕我多口搭嘴,金庸大師的新派武俠小說:
在我的 profile 早已寫明 14部中,只欣賞其中的 8部:X雪X天射X鹿笑書神X倚XX(self explanatory)。

the inner space 說...

劉朗兄:咁及週末有冇打算看 黑殺令 呢?

laulong 說...

牛兄:

電影業相濡以口水都算喇,因為互笠高帽,有共同利益,班文藝廢青就最惡頂,喺度扮專家扮識貨,真叫人嘔心!




J:

一圈一拍?跳舞,我唔識架 XDDD




佛爺:

那就是一整間瘋人院喇,大師係癲大王 ^^




I:57匿名:

咁你有前途喇,唔會俾奸人所惑 XDD




minor:

推薦大隻佬嗰齣 ^^




inner:

14部有啲係早期作品,未成熟都正常嘅!

黑殺令暫時未想睇住,了解多些先!

五珍 說...

王大導的戲是沒有content,沒有context,有style的嘛,下次葉問上太空了。

laulong 說...

hahaha, 我就話王大導下次會將葉問變咗 21 世紀人喇,佢話事喇,乜都得 XDDD

蝸牛 說...

The Inner Space:
我在風行網看的,其實也不能算是原作,因為Tarantino是似致敬多於改編,借用主角名字和種族歧視的題材,故事完全不同。
你欣賞的八部金庸都好大路,我也同意它們較好。

Jessica Chan 說...

校長:

咪扮野喇,你以前成日開P,點會唔識跳呀!

laulong 說...

J:

我係下里巴人,跳埋晒啲低B舞,唔駛乜舞步嗰啲呢 XDDD

匿名 說...

我想像到校長跳舞一定好似踢足球咁既身手!

l.minor 說...

大隻佬巳睇,的確精彩緊張好笑無冷場,雖然套戲有小小不合情理,而且好美式主意,不過又睇得我好鬼死開心

佛爺 說...

匿名1:57:

呢個世界真係好多黐線人!連返大陸被人偷腎都有人信?就算割包皮咁簡單,都唔可以係街邊割.你話香港幾多人腦殘兼黐線!

laulong 說...

匿名:

搖風擺柳,好鬼惡睇 XDDD




minor:

haha, 正是,嗰句「萬般帶不走,唯有業隨身」成了我的人生佳臬!




佛爺:

法輪功話中共賣器官至富,haha, 信嘅傻佬傻婆仲頂癮!

匿名 說...

搖風擺柳? 校長, 如果你的圖照是真的話, 你應該係巨人不倒喎? 我認識的梁生就真係曾經扶風擺柳的.

laulong 說...

呵呵,不予置評!