2013年11月18日星期一

王維基愈來愈死得明白

.
網上圖片
泛民撐王維基愈張狂,王的嫌疑就愈大!

看爛果報這一陣子猛踩無線 (其實踩都無謂,過檔香港電視網絡啲人,咪一樣係無記過去,拍劇要爛一樣爛 ),處心積累就是要掀起不信任現有電視台的民意,去加強必須發牌予王維基的價值取向。

若是推論正確,發牌予王維基,就會形成了一個包括電臺、報章,電視壹的全方位傳媒網,互相支援,包炒走位,左右民意,特區政府,以至中央就更加難打贏這場意識形態之戰。

政治沒有枉死的人,你一落場了,就有贏的預期,輸的準備。但若王維基真的無辜,就只怨你群埋啲咩嘢人咯,損友累死人,從來如是!
..
.
.
延伸閱讀:振 . 英哥沉思錄

                :鬧電視發牌黑箱操作只係法國大餐
.
.
.

21 則留言:

奕山 說...

劉兄"損友累死人"呢句真係千古不變定律... 謝謝校長教誨*.*!

匿名 說...

You are ignorant of detrimental effect of administration of the present Government!

Dear School principal, your comment is no better than the news report of Apple Daily !

You even have more bias !

L L 說...

奕山:

幸好我人生中沒遇上損友,反而肝膽相照,互為好事的朋友多 :)




匿名:

見解不同,就話對方 ignorant 同埋 bias,哩啲冇內涵嘅話幾十年人聽唔少咯!

Quality Alchemist 說...

校長:
本來王維基的定位非常好,盡量被開政治議題。無奈,事與願違。
生果報都不知是幫他還是害他?現在王維基還被東周刊抹黑,報道他在內地捲入性侵犯疑案。
(在內地捲入性侵犯疑案,都可以上完國情班回來?)
現已發展成社會價值的問題,不是發牌制度的問題!

匿名 說...

真是不吐不快。你說”但若王維基真的無辜,就只怨你群埋啲咩嘢人咯,損友累死人,從來如是!”請問識咩朋友幾時成為發牌準則之一?閣下言下之意,是否以後只有紅底先可以做生意?或相反只要你識嘅人之中有反中亂港嘅就可以拉人封舖?

無論閣下有多鄙視生果同泛民,都不能轉移視線,將事件變成王維基嘅問題。就算退一萬步不上綱上線至政治,事件起碼也是程序公義嘅問題。

這也是上一位匿名君指你 ignorant 同bias的原因。(他其實已算客氣!)

韻味熊貓 說...

校長:

撐王維基的人,可能睇得劇集太少。劇集中若果王先生被老婆懷疑跟C小姐有路,老婆當住男人面,破口大罵C小姐喺狐狸精。男人即刻為C小姐辯護,話C小姐如何純良和有美德。

無線啲編劇,就會寫老婆會更加懷疑男人,火上加油。若果王維基啲編劇,就會寫老婆會馬上相信男人跟C小姐無路,仲認𠹺C小姐做姊妹㖭。

真理就越辯越明。不過,王維基呢單嘢變成三角關係,越講就越衰。嘻嘻!

迷途小書僮 說...

我是2013年11月20日上午9:37的匿名

佛爺兄:我諗好多人唔係撐王維基呢個人,而係睇唔過眼一男子嘅處事囉。唔通連依家企出嚟嗰間顧問公司又同生果有路係四奶?

PS: 我真係睇得電視劇少囉,甚至畀人捧上天嘅警界線都費事上網睇,我亦無去過政總,王維基有無牌真係影響唔到我,不過咁,係咪反而可以unbias一啲以事論事呢?

再PS: 佛爺兄以電視劇作比喻,令我諗起蘇東坡同佛印”一尊佛同一坨屎”嘅故仔。而個教訓係:真係唔好睇咁多電視劇囉!

L L 說...

QA:

我常想, CY 團隊唔掂啫,都唔會蠢到以身犯險,韓愈《張中丞傳後敘》有云:「其身之可愛,盜賊之不足以死也」,梁班子民望低迷,實在犯不著冒天下之不韙,批個牌皆大歡喜,話之邊個第日頂唔住死人冧樓,逆民意而行,看來事必有因,而且係不能宣之以口的,於是只能以保密制去頂住。




9:37

有冇睇《振 . 英哥沉思錄》?王維基的其中一位可能的損友,就係佔中搞手陳健民,你怎能不叫中環及北京顧慮。冇人講過要拉人封舖,你這是犯了過度推論的邏輯毛病,爛果報都日日喺度反中亂港喇,肥佬黎咪仲喺度印印腳!

至於程序公義,我唔叫你講定義喇,費事你話我唔識,你講吓行政會議喺批牌上邊一忽唔合符程序公義喇!

上面那位英文匿名?我都一樣客氣喇,見佢叫我 Dear 乜乜咋 XDDD

L L 說...

佛爺:

王維基負面新聞不絕,起碼問準亞姐個波係咪真確有其事,帶五個美女入亞視話係佢代表都係真事,看來此人品格真有疑點,依家同佔中啲友搞埋一堆,同泛民這段三角関係已經可以將佢葬送!




迷途:

要知返咯 :D

未回歸前行政局都係一男子話晒事,不過嗰條友係紅鬚綠眼!

我同你一樣,基本上都唔睇電視,自然唔係無記或亞記擁躉,王維基有無牌都影響唔到我,咁我係咪又可以unbias一啲以事論事呢?

蘇東坡同佛印 ”一尊佛同一坨屎” ,唉,女流之輩識鬼,道在糞溺呀!

匿名 說...

我基本也不會看劇集,唔理佢係師奶劇還是什麼警界綫,所以發唔發牌,發幾多個牌,對我都冇影響。但那班人憑什麼叫人熄電視,又去人地生日派對搞送喪,這都令人反感,所以我就算平日不看電視,我昨晚都有開電視,由頭開到尾,吹咩!

其實,好多人浄係得把口,有幾多真係同你熄電視吖,尤其參加咗抽獎果班師奶。哈哈哈,我真係大笑十聲,想叫人熄電視,咁就先要搞掂班師奶囉。

迷途小書僮 說...

暫時只講講蘇東坡同佛印 ”一尊佛同一坨屎”嘅事,其餘嘅諗下點答至可以有益有建設性地討論。

當朝雲同蘇東坡解釋完一坨屎之後,蘇東坡自覺被比下去。如果他真是到了道在糞溺嘅境界,佢就算不屑反駁,都唔會覺得比不上佛印,足見唔只”女流之輩識鬼”,蘇東坡一樣識鬼。

不過話說回來,如果只當呢個故事係傳聞,咁就無咩好講喇。

Armadillo 說...

其實班友最想見到香港電視落選,如果唔係佢地邊有得插喎!

L L 說...

4:21

最過癮係都市日報,話啲人開电視鬧住睇喎,啲編採梗係變晒鳥蠅喇,飛入上百萬家庭,見到個個一路睇一路鬧 XDDD

哩份報紙太低格!




迷途:

一尊佛同一坨屎....

有人話係蘇小妹,唔知喇,傳聞居多。道在糞溺,以蘇軾境界,怎會不知?!

L L 說...

Arma:

捉 CY 集團把柄,總之突出黎嘅都要捉,就係咁喇!

韻味熊貓 說...

迷途小書僮:

你有沒有聽過「港督會同行政局決定……」?點解當時無人講「一男子」?

香港人不是要保留港英時代的法治,而是要「情緒管治」。

我還有一些其他見解,遲些再講。

新鮮人 說...

乜有人叫噚晚唔好睇台慶咩?
我都唔知添,
電視新聞都無講,
我無理呀,
睇足成晚,
都唔知幾想參加TVB Fun抽獎,
大拿拿又鑽石又現金喎
好過學d人話要移民澳門等派雞碎幾千蚊啦,
話我似八婆師奶格都係咁話
乜人咁用睇電視分高低咩?
師奶唔係香港人一份子咩?
為何d人要睇低人來抬高自己呀?
挑拿星佢丫!!!!

韻味熊貓 說...

迷途小書僮:

我認識一些中美洲的西班牙裔,他們跟我說,墨西哥的原料供應商,是回教徒,而製造商就是猶太人。

我就問:「咁奇?」

他們就說:「有乜奇?做生意,大家搵錢,唔通同你講原則,打過咩!」

香港的顧問公司是商業機構,生意人的原則是「看風駛𢃇」,「隨風轉舵」跟「錢」走。生意人會「睇唔過眼」,是電視劇集的情節。現實世界裡,「睇唔過眼」的生意人,跟恐龍一樣,六千五百萬年前已經絶哂種。

嗰間顧問公司嘅女主持,我聽佢講咗兩句之後,就無再理佢講乜。因為……可能「公義之士」批鬥或準備批鬥𠹺佢間公司,佢要甩身。另一個可能性,佢見到風頭火勢,出來「趁火打劫」,撈番啲「油水」,當然對佢嘅業務有好處喇。

所以,嗰個女人唔喺四奶,喺龜婆。佢志在佢嘅生意。

利益申報,我無追電視劇集的,只是用來作比喻而已。

naruto 說...

我一向好憎王生,而家D人好似癲左咁亂咁嚟,好似睇無線就係罪人,蠢人咁,痴線

L L 說...

佛爺:

世情複雜混沌,假象謊言遍地開花,就是要我們去戳破!




新鮮:

依家連睇電視都俾人妖魔化,講成助紂為虐,香港真係領先大中華,甚至全世界,多謝嗰班政棍咯!




naruto:

王生?以前還可以,依家真係冇乜好感,至於嗰班傷港人,仲有排癲架!

yau 說...

顧問公司個女子,我簡直覺得匪宜所思。連自己的專業操手都可以不顧,最應該保持緘默的,都可以大大聲上雜誌,上電台。

L L 說...

傻婆幾時都有!

整咗份報告就要照跟照用?大廚煑好碟餸都唔能夠撳住客人個頭要咁食咁食喇!

我食一半得唔得先?由中間食起得唔得先?