2008年9月6日星期六

懷念父親一世紀


昨晚翻箱倒篋,都找不到二十多年前寫的那篇〈橋〉。

那是一篇記念父親的文章,有幸獲八一年崇基學院玉鑾室創作獎。遺失了?湮滅了?

沒有電腦儲存的年代,原來,一切都如此容易失去!

唯有鉤沉另一小段文字,情與貌,與文章的其中一段,略相似:


小時候,父親常帶我回鄉下玩,總要到入夜才回家。鄉間路黑,我都怕,尤其是過橋的時候,父親便把我抱起,我頭挨在他肩上,望著河水上像在移動的月影,他帶我走過人生的一段又一段......
.

42 則留言:

卡臣 說...

他現在另一空間,一定活得開心

佚名 說...

爺爺:
哈哈!爺爺細個個樣好得意啊~^^~

shizuoka2002 說...

雲煙兄:

他常在你心中......

Daniel.

匿名 說...

師傳:

你個o型咀好好笑~
我明白"永遠掛住"既心情! (唔係ex 呀!唔好誤會)

SillyCat~ 說...

我亦曾失去致愛﹐很明白‘懷念’ 的心情~

(ot)我比較鐘意哩張荷花相~顏色自然D~

匿名 說...

或許很早已離家飄洋,竟不知道太多父母昔日的故事,還是從第三者口中,得到點點滴滴。

很温馨的父子圖,
過眼未雲煙.....

L L 說...

卡卡,Daniel:

我父去世已遠,但我仍想著他。我真的希望他已到了另一個人世。他沒有甚麼成就,但他是一個父,也是個善良的人!

L L 說...

小佚,小行:

我細個很饞嘴,那刻該在吃糖!係四十年前嘅O嘴呀!

L L 說...

阿 Cat:

懷念,是的,父親晚年最疼我,常滿足我簡單而幼稚的願望,我與他,也許早已是宿世的情誼。

這蓮花照顏色沒加工,上一張瘦蓮原照較淡,調整過。

L L 說...

巴黎:

生命裏有很多東西都不會忘記。親厚的父子情,現在回想仍溫馨,是早已貼心,永遠貼心的愛!

你點睛了,過眼真的未雲煙!

篤篤篤撐 說...

尤其是過橋的時候,父親便把我抱起,我頭挨在他肩上,望著河水上像在移動的月影,他帶我走過人生的一段又一段......

>>>巧感動ar,
好明白那一刻的幸福
我e+都好enjoy靚女挨在我肩上的幸福感
雖然佢已經6歲

佚名 說...

爺爺:
我回鄉下也是要到入黑(零晨),可是我不怕,到是媽媽怕我怕黑。
其實是她怕:P
跟打雷一樣,她怕,我不怕。

L L 說...

篤撐:

你才幸福呢!有乖女抱抱。我個肥仔如過挨落黎,我實比佢壓襯喇!

有時都想好似你咁,有個女抱吓!

L L 說...

嘩,小佚,你仲大胆過爺爺!

我細個時,有鄰居試過閃電打入屋,好彩冇電襯人咋,唔驚就假!

佚名 說...

爺爺:
嘩,小佚,你仲大胆過爺爺!
-->但我怕睇鬼片:p

我細個時,有鄰居試過閃電打入屋,好彩冇電襯人咋,唔驚就假!
-->咁驚嚇!!0.0

匿名 說...

>他沒有甚麼成就,但他是一個父,也是個善良的人!
令到自己孩子孝順, 尊敬, 懷念, 他做呢份工已經好稱職!!

>有時都想好似你咁,有個女抱吓!
你想有個女定有條女抱下呀?? 哈哈

我都好懷念抱住訓左覺姪女既日子~ 而家我已經抱佢唔起lu!!

卡臣 說...

你父親是當警察嗎?

海龜 說...

或許,崇基學院玉鑾室創作獎主辦單位有把歷屆得獎作品儲下來
試試向有關機構查詢

說...

DB?

回憶總是美好的

你既存在就係佢生存既延續

火女 說...

>有時都想好似你咁,有個女抱吓!


可惜, 您應該抱我唔起......
T_T

L L 說...

小佚:

鬼片我就唔驚喎,有時仲睇到狂笑!



小行:

係呀,佢都好有威嚴,細個時圍枱吃飯,佢食完一碗,唔駛出聲,我地兄弟妹自動自覺幫他添飯,冇人教個噃!

唉,兩種女都想。我好鍾意抱抱,好暖好 acceptance 嘅感覺!



卡卡:

我阿爸真係當過差,曾經係呂樂嘅下屬。佗槍便衣,人又蕭灑,年輕時曾經同一時間幾個老婆,有啲仲住埋一屋,犀利!

L L 說...

海龜:

謝謝你!我試過網上揾,揾唔到,得閒啲我會番中大揾。你點呀?去向如何?



邪王:

係呀,89 至 90 我同女友 (即係佢地阿媽) 喺 DB 住,環境梗好,不過俱往矣!

>>你既存在就係佢生存既延續

你講得啱!但我比諸他,形象、氣度、經歷差一大橛!



女女:

haha, 咁你快啲找個如意郎君,生一個比網爸抱抱!

佚名 說...

爺爺:
鬼片我就唔驚喎,有時仲睇到狂笑!
-->0.0...變態架!!

匿名 說...

師傳:

>我阿爸真係當過差,曾經係呂樂嘅下屬。佗槍便衣,人又蕭灑,年輕時曾經同一時間幾個老婆,有啲仲住埋一屋,犀利!

真定假架?? 幾個老婆? 咁高調~

>係呀,89 至 90 我同女友 (即係佢地阿媽) 喺 DB 住
你..都好前衛喎!o個個年代玩同一屋簷下~

火女 說...

爸爸:

其實你都似你爸爸!

L L 說...

haha, 小佚,你爺爺變態唔只咁呀。

中大有條鬧鬼嘅一條辮路,你爺爺夜 mama 一條友去行,想撞鬼,點知鬼影都無隻!

L L 說...

小行:

我阿爸真係好風流,又抵佢嘅,佢人又高大靚仔,又係差佬,嗰時揾到啲錢(身不由己呀),難得心地又好,梗係受歡迎喇!

DB?嗰時你師傅已經冇教書,做緊廣告。

同一屋簷下喎,好耐之前已經有,新馬仔同洪金梅未行婚禮前,大半世人都係咁喇!冇乜出奇!

L L 說...

女女:

有啲似實有,但我同阿爸差好遠,佢後生時,真係引死人架!

匿名 說...

師傳:

>我阿爸真係好風流
人不風流枉少年呀! 哈哈

>同一屋簷下喎,好耐之前已經有,新馬仔同洪金梅未行婚禮前,大半世人都係咁喇!冇乜出奇!
仲有梁朝偉同劉嘉玲,米雪同尹志強..

匿名 說...

>冇乜出奇!

um...我諗我係有d老土、out、落伍...^^

L L 說...

小行:

我阿爸風流得起有餘!

至於同一屋簷下,個個人睇法唔同,冇乜奇啫,又唔可以話你落伍。我也遇過一啲好保守嘅人。

說...

>89 至 90

咦!可能見過你播。

當年仲係滅(船)飛仔年代我已經係入面同玉英姐姐做鄰居。

你張相個angle應該係二期山腳果幾棟
消防局附近。

L L 說...

邪王:

過癮呀,原來做過鄰居。我嗰時住喺 Elegance Court, 係 Studio flat.

同期我都有啲廣告 friend 喺裏面住,好鬼 happy. 有機會 post 啲 DB 生活照!

說...

原來你係「都是那些日子」既主角

L L 說...

「都是那些日子」?

Those were the days?

嗰時真係好好玩嘅,得閒行吓山,坐街渡去平州,雲淡風輕呀。

難忘喺卜公碼頭追船,走到隻狗咁!

匿名 說...

I was moved by the souvenir of your childhood, how wonderful when we feel protected....

p.s. 05:52 jet-lag in San Francisco

L L 說...

巴黎:

被提携的幸福感覺,我珍之重之,因為那是父親晚年施予的最深刻的愛!

記得每次回沙田玩,離去前我都會在老屋的簡陋浴間洗澡,父親會一路唱著自撰的兒歌,一路幫我洗抹,然後拖著我走回家的路,過必過的橋.....我怎能不愛他!

你公務去三藩市?還是旅遊?

匿名 說...

>父親會一路唱著自撰的兒歌,一路幫我洗抹,然後拖著我走回家的路,過必過的橋.....我怎能不愛他!

好溫馨呀! 我爸應該未試過幫我洗澡、換片!!

laulong 說...

小行:

阿爸仲會同我撐高高,好開心架!

匿名 說...

>阿爸仲會同我撐高高
車...巴閉...! 我夠有亞哥同我玩騎博馬同揹揹咯~

L L 說...

唓,阿哥又點同阿爸!阿爸對眼,識笑架!

匿名 說...

>阿哥又點同阿爸!阿爸對眼,識笑架!
有得玩就得呀! 唔理係亞爸定亞哥~ hehe