如霧起時是鄭愁予寫給一個漂亮女孩的詩歌。詩人曾當海員，腦裏盡是海上美麗珍奇的事物，但當擁著女友，再美麗的東西不已都在戀人身上嗎？
我在網上找到一段分析，稍加增刪修訂如下：
海上的景色與女孩的面容豔態互為虛實，相映成趣，其中意象的交射互補，靈活而生動。例如首段，就航海而言，耳環是虛，它所暗示的 船上鳴號是實；髮叢、睫毛、噓息也都是虛，所暗示的霧與風才是實。你甚至可以想象詩人擁著女孩，輕輕呵吻她的眼簾。
中段用赤道之橫與子午線之縱來引出女孩的的紅唇，及因思念而下的淚。末段的編貝、晚雲當然是指女孩的皓齒與臉上紅暈。不敢輕易近航的珊瑚 的礁區則借喻女孩的心，甚或形容更性感地帶...
所有珍奇女孩都有了，所以當她問到海上的事兒，詩人仰天笑了！
.
.
.
74 則留言:
原來寓意咁深, 唔得你解一解, 真係唔知!
我諗詩中提及的女仔, 收到呢首詩, 一定好開心!!
爺爺：
航海人要與女孩分離嗎？
航海人很溫柔呢^^
二十二顆星，是詩人當時的年紀，大海與女孩，同是深不可測吧，多麼詩情畫意....
校長
你張相似....賭神呀
型!
小行：
唉，大師作品，收到的誰不開心！
小佚：
不，是見面，擁抱，温存！
是，很温柔。溫柔從來最好！
巴黎：
是呀，鄭愁予作這詩的二十二歲，風華正茂！
女人心，海底針，渺不可測，有時也妙不可言！
卡卡：
最近打牌輸多贏少，賭神？似賭'史'多啲！
Norman,鄭愁予,你我之所共愛.今日引如霧起時,是有所寄?
雲煙兄:
我中學個中文老師一講如霧起時,我地叫好嘢!
Daniel.
吾兄：
我們都喜歡 ：我打江南走過...
都喜歡：畢竟日子如針，曳著先濃後淡的彩線...
都喜歡：趁夜色，我傳下悲戚的將軍令，自琴絃...
嗯，吾兄，確有所寄...
Daniel：
你的中文老師，有情人呀！
爺爺：
不，是見面，擁抱，温存！
是，很温柔。溫柔從來最好！
-->0.0哦~原來係咁...者係我d中文水平有待改進啊！！
那他們的見面也很纏綿呢！
wa~爺爺邊個收花咁好啊？？
佚名:
梗係唔係我同你呀!! 哈哈哈
哈哈，兩個小妹妹，人地病嘛。
如果我病，你兩個送唔送花呀？
師傳:
>如果你病，你兩個送唔送花呀？
第一; 你好小病(你講既), 可以慳番
第二; 送都送實際d既野俾你...燕窩岩唔岩呀, 劉生?? 哈哈哈
行姐：
第一; 你好小病(你講既), 可以慳番
第二; 送都送實際d既野俾你...燕窩岩唔岩呀, 劉生?? 哈哈哈
-->認同啊！花又唔食得既...kaka:p
燕窩有用d！！養顏啊！
燕窩女人嘢，唔啱，送十全大補酒喇，鹿茸鹿尾羓喇...
男人唔補好易老呀，陰功！
小佚：
爺爺老喇，唔補揾唔到新嫲嫲呀！
爺爺：
燕窩女人嘢，唔啱，送十全大補酒喇，鹿茸鹿尾羓喇...
男人唔補好易老呀，陰功！
爺爺老喇，唔補揾唔到新嫲嫲呀！
-->三生牌鹿尾羓酒！...我屋企有一支，冬天就快到可以進補啦！！
爺爺「羓」係咁寫ga？點解我打唔到呢個字既><
>男人唔補好易老呀，陰功！
你食多多補品都無用, 最有效既方法, 你快快快搵番個女人呀..包保你年輕最少十零廿年呀!
燕窩唔o岩你, 咁你留番俾我咯..唔好o徒麻!
小佚：
個字庫應該有個噃。你爺爺係死硬派，係都要用手寫板！
你肯定係三生牌，唔係三鹿牌。如果唔係，我死俾你睇！
小行：
揾個女人，話咁易牙？唔係嫌我窮就嫌老，唔係嫌我老就嫌我土。
仲年輕？變咗老來嬌喇！我都係叠埋心水去老人院做看更，可以24小時足不出户呀！
師傳:
>揾個女人，話咁易牙？
你要求高o麻..降低o下d要求呀!
>唔係嫌我窮就嫌老，唔係嫌我老就嫌我土。
嘩..你窮? 咁我叫乜呀??
行姐：
燕窩唔o岩你, 咁你留番俾我咯..唔好o徒麻!
-->獨食難肥啊！行姐分d來好wow！！
爺爺：
個字庫應該有個噃。你爺爺係死硬派，係都要用手寫板！
-->打緊九方，搵唔到:P
羓...倉頡就打到啦~
你肯定係三生牌，唔係三鹿牌。如果唔係，我死俾你睇！
-->係三生啊！
嘜爺爺鐘意三鹿牌ga？出聲ma！！等我即刻去搶購啊！應該有好多存貨ga...:p
騎騎，兩位小朋友，你爺爺師傅今日心情好，去飲架啡 lu.
嗰的三生牌呀鹿尾羓呀，今晚至食喇，拜拜！
飲咖啡，代表精力充沛。
穩陣起見，暫時唔好加奶。
爺爺：
騎騎，兩位小朋友，你爺爺師傅今日心情好，去飲架啡 lu.
-->咖啡唔好成日飲，對身體唔好ga！
不過日中飲下都唔錯~我都好鐘意飲咖啡^^~
嗰的三生牌呀鹿尾羓呀，今晚至食喇，拜拜！
-->哈哈！好啊！
巴黎：
飲咖啡，代表精力充沛。
穩陣起見，暫時唔好加奶。
-->加奶有咩唔好處ga？
唔得架，巴黎，我飲唔到齋啡。我始終喜歡那陣奶味！
小佚：
驚啲奶加咗三聚氰胺嘛。嘩，你爺爺如果乃嘢就慘喇，幾十歲人，粒石都唔知點樣排出來！
或者我習慣了喝特濃咖啡，覺得奶，會掩蓋咖啡原味。
而且加了奶的咖啡，會很heavy。
加上近來奶製品...
Norman,還有:這次我離開你,是風是雨是夜晚,你笑了笑,我擺一擺手,一條寂寞的路便展向兩頭了...
小行：
窮...窮，你師傳窮風流嘛！hea hea,你師傳好慘架，兩條化骨龍！
巴黎：
咁又係道理喎，有時飲完咖啡都覺得有啲膩，尤其係 refill 之後。下次試吓唔落奶飲兩啖先。
爺爺&巴黎：
驚啲奶加咗三聚氰胺嘛。嘩，你爺爺如果乃嘢就慘喇，幾十歲人，粒石都唔知點樣排出來！
-->我都覺得加左奶既咖啡好飲d...仲滑口好多tim ar
我都驚啊！有石啊！係咪雀巢有事啊？
吾兄：
唉，幾個月前就係：
這次她離開我，是風是雨是夜晚呀！
應晒景！
係呀，小佚，不過都係大陸做嘅雀巢，好痛心呀！
噢,Norman,勾起你的唔開心事...
來,飲杯...
夜
有時候温柔有時候憂鬱
像睛天像雨季
我也敬 流浪 一杯！
爺爺：
係呀，小佚，不過都係大陸做嘅雀巢，好痛心呀！
-->有咩心痛事？？
死啦！我成日飲雀巢、食雀巢...嗚~爺爺我就快死啦...嗚~
哈哈，吾兄，無嘢好耐喇，咁啱攞嚟講吓啫。我依家都送花俾另一個咯...
巴黎，最近的夜又真係幾溫柔噃！
來，吾兄，巴黎，一起乾了！
小佚：
國內製品接二連三出事，人心欠善，小孩子們更身受其害，能不痛心！
乖孫，唔駛死，就算中招，大人都較輕易排出，或以聲波打散。孩童就棘手喇！
你唔會有事嘅，你唔似小朋友一日食幾次嘛！
爺爺：
國內製品接二連三出事，人心欠善，小孩子們更身受其害，能不痛心！
乖孫，唔駛死，就算中招，大人都較輕易排出，或以聲波打散。孩童就棘手喇！
你唔會有事嘅，你唔似小朋友一日食幾次嘛！
-->哦~!0.0...
國內商人非常無良啊！輕視人命！！
咖啡我好小飲, 因為我會訓唔到!
而家朝朝都要飲凍央, 我懷疑我已經上左癮~
有幾慘呀? 捱多幾年, 岩岩你退休, d化骨龍養番你轉頭呀! 再過多幾年, 抱孫添呀!
師兄
多謝你照顧小師妹
仲有我已經脫咗4隻牙
今個weekend會加rubberband
想問自由，凍央係乜野嚟架？
我知，我大鄉里....
巴黎
我代答
凍鴦:咖啡+奶茶+冰
另
劉朗
我都敬你一杯
小佚：
無良有無良因，中國道德教育真空數十年呀！
小行：
都冇諗過將來啲仔會養我，養兒防老唔 work 架喇。
交咗咁多稅，第日等我花天酒地， funn 晒的公積金然後攞綜援。等佢抽稅抽得咁過癮吖拿！
師妹：
你同巴黎相認拿，你地名副其實法國朋友啊！
唔駛驚，你師兄啲牙仲少過你！
rubberband 好喎，新科技！應該仲可以擦大餐呀！
巴黎：
朝早唔好飲咁多凍野！
haha, 你同師妹 reunion, 我哋大把酒飲咯！
卡卡：
壽星仔，來，飲勝，飲到頭擰擰...
巴黎:
卡臣已經代答左呀!
凍央係香港特色, 其他地方唔會有.
大鄉里? o個個係我呀! 你見識廣博,唔好謙呀!!
補祝你生日快樂!
多謝妳呀自由！
香港特色，我漸漸投入這兒的生活....追趕那時間的洞。
流浪：
得閒揾埋你師妹一齊飲杯。佢未必知道係我，我地係舊生會只見過兩三次，等我打電話俾佢！
凍鴦？「茶走」好d喎！嘿嘿！唔知有幾多人識呢;)
病既時侯, 我會叫"可力走糖",你地知道係乜嗎???
你地唔好蝦我喎！講埋d方言！
「茶走」、"可力走糖" ？
究竟セ嚟架？
巴黎：
師妹對啲酒好熟識，哈哈，揾埋三兩知己品吓酒，正呀！
邪王：
「茶走」？奶茶走糖囉。不過我都係要落啲糖，少少都好！
小行：
「可力走糖」咪好立克唔落糖囉！
巴黎：
唔駛驚，有我哩個塘西阿伯喺度，佢地恰唔到你！
巴黎 & 師傳:
哎呀! 諗住print 埋order 先覆, 點知俾你答左先! 我點敢蝦你呀! 你係我支盲婆竹麻!
>「可力走糖」咪好立克唔落糖囉！
岩一半,最最最重要係落煉奶, 香好多!
不過我試過去茶餐廳叫"熱可力走糖", 個伙記夠膽死同我講, "熱既我地唔同你落糖, 你自己落呀"!
酒
我估小妮同巴黎都比我熟
爺爺：
無良有無良因，中國道德教育真空數十年呀！
-->嗯！文革後遺症？？
「茶走」？奶茶走糖囉。不過我都係要落啲糖，少少都好！
-->嘜唔係走煉奶？轉淡奶咩？？？
奶茶都係加煉奶好飲d~~
熱可力、熱阿華田同熱朱古力我都唔加糖既~~
行姐：
唔係wow...有時熱飲好甜ga！！但有時熱飲d伙記加好少粉，好似水咁好難飲啊！！！！
咁小朋友鴛鴦係乜?
小行：
咪蝦師傳啦，其實 「可力」唔落煉奶就叫「走甜」，而不是 「走糖」！
師妹：
你謙喇。不過又奇怪，點解我識啲網友中，女嘅飲酒仲叻過男嘅呢？
小伕：
我都反復諗過哩個問題，最初我寫都係「走甜」，而不是 「走糖」。但依家啲奶茶都係落花奶，而不是落煉奶架喇，咪改番做「走糖」咯！
卡卡：
「小朋友鴛鴦」係華田加可力，係咪？
爺爺：
我都反復諗過哩個問題，最初我寫都係「走甜」，而不是 「走糖」。但依家啲奶茶都係落花奶，而不是落煉奶架喇，咪改番做「走糖」咯！
-->唔係啊！都有d茶餐廳有得揀煉奶ga！
花奶香，煉奶加花奶好似仲好食...不過我未試過:P
小朋友鴛鴦--->可能岩我><
乖孫：
小朋友鴛鴦梗係啱你喇， Blogger 之中你最細嘛！
爺爺：
小朋友鴛鴦梗係啱你喇， Blogger 之中你最細嘛！
-->咁咪係小朋友鴛鴦？？？啊？
「小朋友鴛鴦」=華田+可力
答對呀
好嘢
「小朋友鴛鴦」飲完會唔會肚痀?
個味會唔會好怪?
哈哈，唔係「小朋友鴛鴦」，係「小鴛鴦」。
小佚，小行，快啲去揾另一半，組織「小鴛鴦」啦喂！
卡卡就時時都鴛鴦戲水架啦，我哩個塘西阿伯就去公園睇啲水鳥玩吓，發吓啲鴛鴦蝴蝶夢咯！
>小行，快啲去揾另一半，組織「小鴛鴦」啦喂！
哈哈! 承你貴言!!
騎騎，努力！
努力? 呢方面我好被動!
發佈留言