2009年1月19日星期一

再錯

.
所謂教學語言微調,只是一群不懂教育的壞事者在胡亂指揮。他們憑甚麼去決定教育的走向呢?他們有讀過教育嗎?有教過書改過簿嗎?有深入接觸過我們的年青人嗎?



一切憑臆測,只武斷,只著眼皮毛而不著肌理。我真不明白為甚麼納稅人要給數十萬元月薪卻任他們貽禍眾生!



教學語言微調,我只能說:此是無知勝有知 !



又一個十年的教育浩劫,再次展開!



舊文:教學語言的迷思
.
.
.

25 則留言:

Betty 說...

辛苦了老师, 害死了学生的政策.

聶秀康 說...

你話啦點敢生兒育女...我聽見都覺腦痛,更何況前線教育工作者.給無知改革教育...真令人沮喪。

卡臣 說...

無知勝有知

>>我話無招勝有招!

自由行 說...

>>我真不明白為甚麼納稅人要給數十萬元月薪卻任他們貽禍眾生!

有好多野連政府都解釋唔到!!

Midnight Singer/ 午夜歌手 說...

微調完又點
大家D英文一樣唔掂!!

南蠻人 說...

為什麼那些人永遠只專注在用什麼語言教學,轉來又轉去,而非最重要的如何改善教育質素?想又是些媚X的手段罷!

篤篤篤撐 說...

教學語言微調,只不過是補鑊行動, 前朝10年錯得離譜, 如今如何補鑊亦於事無補。

倒不如短痛, 搞學劵制...

eric 說...

我覺得以前(十幾年前)好端端的。現在好像越搞越錯。

mona 說...

其實我都覺得我讀書時(十幾年前)幾好

改完又改又再改

叫人如何適從

L L 說...

小瓶,3耳:

係咯,假如承涊教育係專業,咪俾教育專業人士去諗咯!

點解要揾啲唔識教育嘅人哩!



卡卡:

無招勝有招係啱架!

毋須過份監管,即係無招。由校長教師去行,便可以了!

L L 說...

小行:

以前港英政府行的文官系统,只負責執行。現在要班執行者行埋決策,咪只從行政、資源、成本效益角度去諗嘢咯!



歌手:

教育失效真係有好多理由。教學語言不是最主要原因。

而問題係母語教學或微調都係唔准大部分學生接觸更多學科英語,或處處設限,係無道理嘅!

L L 說...

Sava:

教育成效低落大把原因,佢地以為只係因為錯用教育語言咯,結果氹氹轉,都係轉唔出黎,仲愈攪愈喎!

冇辦法喇,哩班聰明人啲聰明根本就唔喺教育到!



篤撐:

學券都係一個方向。最緊要由學校自己搞,要有教學自主。唔掂嘅咪自己承擔咯!

L L 說...

Eric:

係咯,佢地斷錯症嘛!要改,應從最根本的地方改起,絕不是教學語言!

但這群人那有這樣的識見!




Mona:

英文教科書中文教係無問題架,人地培正的成績實實在在,我真唔明白教育局憑甚麽去 ban 人!

巴黎旅客 Voyageuse de Paris 說...

教育政策
朝三暮四
可憐
教師與學生!

微調
這字眼就有問題!

Mag Yip 說...

laulong..

我讀書不多,
但係咁多年香港教育都令我好失望,
自己英文不好不可以歸咎於教育問題,
但唔代表香港教育係好喎!!!
所以香港學生英文水平唔好,
香港教育一定有責任,
所以下一代既苦亦係現今父母之苦呢!!!

eric 說...

"微調
這字眼就有問題!"

極同意。很怪異的中文。
「錯就要認,打就企定」。何不老老實實說「修改」。
分明是卸膊。

L L 說...

巴黎:

教育政策朝三暮四,是因為最上位者質素低下,根本不明白教育正面對甚麽問題,結果亂找人管,亂投藥石,結果死上加死!



阿 Mag:

所以好多夫婦都不願意生仔女喇。一來成本貴,責任大,仲要俾啲官亂搞廿四,俾我都唔制!



Eric:

哩啲叫死咗都瞪眼,話自己死唔晒!

唉,那來咁鬼無知同專橫嘅官!

火女 說...

我覺得以前(十幾年前)好端端的。x3

宜家變到一鑊粥...

有d可悲...!

laulong 說...

女女:

係咯,好惨,尤其我地教書嘅,睇住教育壞落去,但教育主事者又外行,仲要輕視、敵視教師意見,我都唔知佢地憑乜?

億利 說...

有關教育,
我覺得佢寫得唔錯

http://laosao.wordpress.com/

億利 說...

我覺得以前(十幾年前)好端端的 x4

火女 說...

爸爸:

你係執行者 - I feel sorry for you...

女女字

L L 說...

億利:

近來可好?

香港的教學語言政策以前比較好,是因為規管較少。

轉了母語教育後學生的動機並沒有加強,公開試成績也未見進步,可見他們一早就斷錯症!




女女:

所以愈做愈無癮,我有很多同事提早退休,結果流失了很多資深老師!

教育局阿茂整餅,信埋啲無料嘅老外,無聊嘢多到無倫。依家唔係教書架喇,成間學校喺度取悅嗰班官,死梗喇!

Carole 說...

田北x仲一日係度指指點點
佢咩都唔識

L L 說...

係囉,師妹,我睇見佢就扯火喇!

香港語文教育之敗,佢就有份!