2009年1月21日星期三

思念重回

.
最後一天考試,卷卻改不了很多,因為案頭需要處理的文件太多了:跟進融合教育,編排公開試監考,甚至設計教師聯誼比賽規則,時間就這樣燒個殆盡。

五時多離校,走十分鐘的路到地鐵站,步進車廂裏。找了座位,便拿出報紙來啃:奥巴馬上任了,沒甚麼,我從來沒有膚色間別,是黑是白是黃做美國總統都沒所謂,反而走了個混帳布殊,卻足以額手稱慶。這小丑能走進白宮,不啻是選舉制度的最大諷刺!

到北角站,走過橙紅色的管道,轉到往將軍澳的列車。轟隆聲中,我忽然想起了這首歌,我甚至輕輕的哼唱著:



是的,這確是我十分喜愛的歌! 去年的大概這段日子,我也常聽,倏忽便也一年,轉眼間,又是急景殘年的歲暮時節!
.
.
.

36 則留言:

Betty 說...

首歌的melody 几好.

L L 說...

小瓶子:

之前聽過這歌嗎?

篤篤篤撐 說...

我聽過ar~~

卡臣 說...

咁又一年

聶秀康 說...

玉女含苞啊!看這戲時我應該未夠十歲,但也感受到戀愛的悲苦溫馨,最尾那幕是男女主角在機場吻別呢!男主角叫Jermery也是插曲的名字.

eric 說...

淡淡哀愁。
這首曲我也聽過。

eric 說...

"甚至設計教師聯誼比賽規則"

聽起來很有趣。什麼樣的比賽?

L L 說...

趕住出發,答咗 Eric 先。

係弟王大賽呀!今日教研日,下午教師聯誼。最衰唔打得麻鵲!

自由行 說...

師傳:

>>>甚至設計教師聯誼比賽規則
呢d唔駛你諗呀! 俾細既做咪得!

>>最衰唔打得麻鵲!
咁有乜好做呀? 唔係茶聚呀???

篤篤篤撐 說...

係弟王大賽呀!
>>>O甘你既規則係十蚊隻OR 5蚊隻AR ?

eric 說...

打幾圈衛生麻雀都唔得?

自由行 說...

eric:

校長打既麻雀, 一d都唔衛生, 乜野十三么$1152架!!

雪山飛狐 說...

校长,
以长命百岁的标准, 你还有起码半个世纪的时间呢. cheer up.

我有一些朋友觉得在这个时候OBAMA走马上任是有一点浪费了他. 如果是太平盛世的时候, 他可以做的事情应该可以更多.

L L 說...

篤撐:

哩首歌真係正,情深意切!




卡卡:

歲月如流,真的感慨!




阿聶:

你記性真好。影片內容我差不多已全忘記!但歌卻長在我意中!

L L 說...

Eric:

首歌真的動聽,感覺相近的還有 interlude, 但還是以這首好!

因為喺童軍中心,所以冇麻鵲打!




小行:

阿頭乜鬼都揾我。所以我話佢唔識用人咯!

都有嘢做嘅,有廿人鑿弟,有啲改卷,有啲行山,有啲燒烤,有啲打球,有啲閒聊....

我打啲牌唔算大喇,廿幾三十年前都係打 100 元底,不過依家打到五辣!

L L 說...

篤撐:

唔玩錢架!但阿頭捐咗獎品出嚟!結果佢第三,我第四。我都擸番包糖!





Desert:

多謝你,大家咁話,你仲要耐啲,Cheer !

OBAMA 係人才。但能否做一個好總统真係要睇時勢。又或者,逆流更見他的實力!

Betty 說...

老实说, 我未听过吖....

我细个时, 是四大天皇时代哦. 当时还未懂的听英文歌, 我都知道这很肤浅....

巴黎旅客 Voyageuse de Paris 說...

很動聽的舊歌,聽不厭呢,
反而忘記了電影內容。

時光飛逝
然而生命中的美好事物
流浪
你一定遇過了
也願新歲
帶給你更豐盛的體驗。

eric 說...

好耐都冇打牌囉,我以前打一兩毫子。。。而家俾你哋撩起條根添。

eric 說...

電影好像是兩小無猜的愛情故事,後來因家事而分手。。我也記不清。

shizuoka2002 說...

雲煙兄:

空姐Elaine最新文章有精彩的辯論,也過來參予一下吧~~~~~~:)

Daniel.

佚名 說...

爺爺:
我又係呢一日考完試
呢首歌我未聽過啊!

Mag Yip 說...

laulong..

以前曾經聽過呢首歌!!
不知道歌的名字呢!!
好鐘意呢類歌曲,但又唔知歌名,
有你的推介真好......
亦看到"聶秀康"提及這輯戲,
令我好奇都想看看..

還有我的電腦已修理好了,
有時間再黎我Blog坐坐啦!!!
thanks...

L L 說...

小瓶:

音樂無分東西古今,未聽過是因為你較年輕而已。正如我沒聽過二十世紀二三十年代的歌一樣。

Bottle 仔,在我心目中,你係好叻架!




巴黎:

多謝你!我幾+歲人,真係經歷好多。甜過苦過,翻湧過平靜過,總覺此生不枉。如今心境平緩,波瀾不驚,跟你愉悅的心情一樣足取,一樣可貴!

L L 說...

Eric:

近來我也打少了牌,手常痕呢!

齣戲阿聶還記得清楚,真虧佢!




Daniel:

最近稍忙,有空當過去八吓!

L L 說...

小佚:

考完試喇!你閉關一排,很有紀律啊!祝願成績美好!




阿 Mag:

係呀,總覺得舊嘅都好,可能係先入為主。

假期剛開始,時間會多番啲!

咦,新年你要派利是喎,你這樣年輕,新派利是?

篤篤篤撐 說...

祝牛年發大達, 萬事如意 !!

巴黎旅客 Voyageuse de Paris 說...

流浪
恭賀新禧
健康快樂!

L L 說...

篤撐,巴黎:

也願你們新年如意!

Hana 說...

校長,祝牛年好運隨身!合家平安!越活越年輕!

南蠻人 說...

做老師真辛苦。我妹妹也是教師,她也做得很辛勞。很佩服你們的魄力。希望你牛年龍精虎猛,好應付你的學生。

eric 說...

恭祝劉兄新年如意身心愉快.

卡臣 說...

祝工作愉快, 身體健康呀!

L L 說...

Hana:

>>牛年好運隨身!合家平安!越活越年輕!

大家都係,你仲要愈來愈靚,永遠要人驚艷!




Sava:

哦,令妹也是教師嗎?這真是一行難為的工作。

牛年喇,望你花團錦簇,心想事成!

L L 說...

Eric:

也願你種出情花,過一個甜蜜的牛年!




卡卡:

新一年你 figure 更完美,fiction 更精釆!

mona 說...

恭祝牛年進步 身體健康 想點就點~
and 教安