.
校長：
你投得降都應該好惡劣吓，點解有學習障礙同自閉症嘅學生會在"正常"學校？
我朋友的仔仔係返特殊學校，不過我認同自閉症嘅細路真係好攞命，唔理(應)你、出街要人盯人、有時會失控... 湊佢真係要用多n倍愛心。
徒弟仔：
唉，這是融合教育之局限和人權泛濫之弊，只要家長選擇主流學校，學校就不能拒收。好多家長有情意結，以為小朋友入了主流學校就係正常人，結果害苦了學校，也令小朋友得不到更好照顧！
校長：
朋友嘅仔之前在正常幼稚園讀書，成日俾老師/其他家長投訴佢曳，返左一年都係乜都唔識，直至轉入特殊學校，而家基本野(自己食飯、去廁所)都可以，雖然同人都係無眼神接觸，而家夾佢叫姨姨，佢都肯。有時好多嘢唔可以勉強，對大家(小朋友/家長/教師)都好! 而家夾硬黎，個個都輸。
徒弟仔：
我地哩個仲慘，攪到堂都上唔到，其他同學真係多得佢唔少。同啲官講，班官又話根據殘疾歧視條例，任何人，包括受佢影響上唔到堂嘅學生同家長都唔可以投訴，如果唔係就係歧視！
咁求教佢地應點做喇，佢地就一味話請人，搵個人坐喺佢側邊上堂。唉，佢一情緒波動，四五個人都攪佢唔掂，有鬼用，搵個人坐喺佢側邊上堂亦怪雞，而且搵人肯做哩份工都難。咁嘅政策，咁嘅官，你話死唔死！
.
