.最近電影是看多了，對電影的評價我還是一貫的，看意念、劇本、手法、演技、誠意。一些挾影展獎項而來的戲可以不外如是，一些名導演拍的戲可以不知所謂。這世界，名不副實的事情實在太多了。
我沒有任何背景，寫哎吔影評只向自己負責，看了爛電影寫幾隻字消消氣，看了好電影又會舞幾隻字雀躍一番，絕對是人之常情。
最近看了〈鎗王之王〉，真是滿不是味兒，之前也寫了些評論文字。電影還在上演，在商言商，廣告繼續賣也是正常，但用到「好評如潮」、「影評、博客、討論區強勢推介」就差點令我噴飯。
爛電影又豈只這齣呢？「唐伯虎點秋香2之四大才子」，看了幾次免費畫頭都覺得難受，更遑論要我掏腰包。至於「色慾都市 2」、「吸血新世紀 3：月蝕傳奇」，看過上集領過嘢，仲黎？你估真係錢易賺牙？
倒是今天看的「鐵血戰士 S」不俗，雖然那用了 N 次的外星異型已沒有新鮮感與看頭，但淨看場面，特技已值回票價！
.
8 則留言:
你真支持香港經濟，咁多爛片你都肯入場去搏^^
我今日都睇左呢套，個人覺得真係免費戲飛就算，要俾錢就真係唔好搞！吸血1是幾好的，2我連入場都唔想，3去左睇；感覺都係麻麻，但因為我本身係twilight迷，4應該都係要貢獻銀兩了。
Ebenezer：
有啲戲我都係打死都唔睇架，失錢固然唔值得，嘥埋時間就更唔抵！
Miss無糖：
我睇吸血 2 都係贈券，奇怪係戲雖然無睇頭，但戲院裏啲 fans 反應仍不弱。或者係代溝罷，真係可以解釋咸魚青菜，各有所好！
其實書來說, twilight1-4, 都是1和4最好看, 主因是2主要描寫女主角失去男主角後的心態和另一男角(jacob)之間的互動為主, 不是super die hard fans, 實在難以令人入場欣賞, 又如果沒看過1或書, 更加是摸不著頭腦戲在演什麼。^_^
>>如果沒看過1或書, 更加是摸不著頭腦戲在演什麼。
我就係喇，但可能更兼我 50 後，總是接受不了那吸血男的蒼白與妖魅。
廣告靠得住，猪姆會上樹！就算係特技大片，有時都會中招。當你睇完成套戲之後至發覺原來最精彩嘅鏡頭已經見過晒，真係唔知買飛入場為乜。
呵呵，商業嘢就係咁。不過講得衰啲同拍拖結婚一样，拍拖時乜都甜蜜，好嘢乜都見晒，結咗婚就衰晒，唉，也都唔知結黎做乜。
拿拿講笑咋，女 blogger 咪插！
This is very interesting, You're a very skilled blogger. I've joined your feed and look forward to seeking more of your magnificent post. Also, I've shared your website in my social networks!
發佈留言