2011年1月25日星期二

霆鋒誤了少林寺



人是會走回頭路的嗎?謝霆鋒在〈十月圍城〉裏演得沉實內斂,令人耳目一新,但在〈新少林寺〉裏,卻盡是膚淺浮誇,不倫不類,完全看不出他有尊重過這個角色。

除非你說那是導演的指示罷,但一個流行於二十世紀八十年代的髮型,和那妖冶囂張的旺角蠱惑仔形相,又怎可能楔入上世紀二十年代的中國,跟一個深沉內斂、居心叵測的軍佬複疊呢?

是成名了,大牌了,就不肯老老實實的剪一個平頭裝?就不去好好的揣摩歷史,去掌握那時代的軍閥形象與心態?

若真是如此,謝霆鋒永遠只能是那個擲結他、撞車後逃離現場避責的小腳色,將難以登上電影的藝術堂奥。

回說電影,劉德華演出無疑是很落力的,但太溫文太俊朗的形象怎也不能使人信服他原是個殺人如麻的魔頭。到他遭逢巨變,心路的反省與改變也描劃不足,電影不是應該加插一段他跪在雪地上不眠不休為求入寺的情景嗎?不是應該加插方丈與他燈前對話,紓解他為少林寺招來巨劫的心結嗎?

弱於文戲是香港導演的通病,陳木勝急於把太多動作放到電影上去了,結果使電影顯得淺薄殘缺。你看好來塢的電影,隨時可見十分鐘八分鐘的對話文戲,但又不見冗長,而港產片卻視之為死角,劇本與編導功力的高下立判了。

至於有槍不用用斧頭和軍刀,有馬仔不用用自己的命去搏,從來都是港產動作片的通病。

電影還有很多疏漏呢,像范冰冰被和尚所救,得知愛女命危走出大殿。被人追殺不知妻子生死的劉德華,竟然沒有驟見妻子無恙的悲喜反應,卻像剛一起吃過早餐般平常,那不合人情啊!

唉,都是不說了,說來把鬼!
.
.
去年今日:養成其惡然後.......
.

15 則留言:

篤篤篤撐 說...

呢套野, 有成龍, 冇曬興趣~~

L L 說...

haha, 成龍這角色,可有可無!

新鮮人 說...

當娛樂片看,
這套算是可以的,
不能要求太高了。

陳道演善長動作,
文戲一向是他弱項,
這套也不例外。

Ebenezer 說...

原來又係一套爛片:(

l.minor 說...

好野呀!分析得呢套戲好好呀!我睇完覺得呢套野唔好睇,又有成蟲!又係成蟲d馬騮戲!最憎!

謝霆鋒演得的確太過浮誇!失實呀!

卡臣 說...

都係等網上睇,慳返

naruto 說...

網上都唔睇,慳返

largeheadboy 說...

唔駛錢都唔睇,慳返

Armadillo 說...

港產武打片一向都係動作重於一切,唔可以要求太高架喇!如果畫面拍得悅目,都未嘗唔係一種好娛樂!

韻味熊貓 說...

校長:

「至於有槍不用用斧頭和軍刀,有馬仔不用用自己的命去搏,」

這句真係概括,笑到我肚痛呀!

L L 說...

新鮮:

如果淨係睇打同場面,都仲 ok嘅!




Eben:

也不至於太爛,只是從電影藝術看,真說不上。




minor:

依家啲人拍電影就係要 cast, 成龍嘅角色其實可以俾埋吳京,但市場要 cast嘛,才可以引人來看。




卡卡:

哩齣戲睇咗唔會要用槌仔嘅,但唔睇冇損失。




naruto, 大頭哥:

呵呵,你地仲絕!但范冰冰真係好靚噃 ^^




Arma:

咁畫面仲可以嘅,不過真係唔算好片。可能依家喺大陸放閒閒地票房都可以過億,只要揾啲紅星做,咁成齣片嘅製作就 hea吓都可以咯!




佛爺:

我喺戲院就睇到不以為然,唔係化,又咁樣揾戲黎做?咁辛苦做乜啫,揾粒子彈飛喇!

肥貓 說...

沒有看這套戲, 也不打算看, 因為劇種演員導演都不是我柸茶吧.

不過看到不同forum都對電影有著很不同的評語, 有的說很好, 有的劉德華演得好, 但最好其實是成龍, 電影是好是壞真是各花入各眼, 不過這電影夠議論性就是事實!

L L 說...

貓姐:

不同forum 對電影有著很不同的評語,這就是藝評影評的特點。

不過可以抽取片中的暗點來做對論,譬如霆鋒的造形、劇情的不合理處,相信讚揚此片的人是不能自圓其說呢 :)

Coffee 說...

我對樓上幾位的慳錢法較有興趣,而家到我即係咪︰俾錢我都唔睇,慳~ 噢!原來行唔通!:P

L L 說...

haha, 有錢收梗係睇喇,用睇歡樂今宵嘅心態去睇,是無妨的。