人是會走回頭路的嗎？謝霆鋒在〈十月圍城〉裏演得沉實內斂，令人耳目一新，但在〈新少林寺〉裏，卻盡是膚淺浮誇，不倫不類，完全看不出他有尊重過這個角色。
除非你說那是導演的指示罷，但一個流行於二十世紀八十年代的髮型，和那妖冶囂張的旺角蠱惑仔形相，又怎可能楔入上世紀二十年代的中國，跟一個深沉內斂、居心叵測的軍佬複疊呢？
是成名了，大牌了，就不肯老老實實的剪一個平頭裝？就不去好好的揣摩歷史，去掌握那時代的軍閥形象與心態？
若真是如此，謝霆鋒永遠只能是那個擲結他、撞車後逃離現場避責的小腳色，將難以登上電影的藝術堂奥。
回說電影，劉德華演出無疑是很落力的，但太溫文太俊朗的形象怎也不能使人信服他原是個殺人如麻的魔頭。到他遭逢巨變，心路的反省與改變也描劃不足，電影不是應該加插一段他跪在雪地上不眠不休為求入寺的情景嗎？不是應該加插方丈與他燈前對話，紓解他為少林寺招來巨劫的心結嗎？
弱於文戲是香港導演的通病，陳木勝急於把太多動作放到電影上去了，結果使電影顯得淺薄殘缺。你看好來塢的電影，隨時可見十分鐘八分鐘的對話文戲，但又不見冗長，而港產片卻視之為死角，劇本與編導功力的高下立判了。
至於有槍不用用斧頭和軍刀，有馬仔不用用自己的命去搏，從來都是港產動作片的通病。
電影還有很多疏漏呢，像范冰冰被和尚所救，得知愛女命危走出大殿。被人追殺不知妻子生死的劉德華，竟然沒有驟見妻子無恙的悲喜反應，卻像剛一起吃過早餐般平常，那不合人情啊！
唉，都是不說了，說來把鬼！
.
.
去年今日：養成其惡然後.......
.
15 則留言:
呢套野, 有成龍, 冇曬興趣~~
haha, 成龍這角色，可有可無！
當娛樂片看,
這套算是可以的，
不能要求太高了。
陳道演善長動作,
文戲一向是他弱項,
這套也不例外。
原來又係一套爛片:(
好野呀！分析得呢套戲好好呀！我睇完覺得呢套野唔好睇，又有成蟲！又係成蟲d馬騮戲！最憎！
謝霆鋒演得的確太過浮誇！失實呀！
都係等網上睇,慳返
網上都唔睇,慳返
唔駛錢都唔睇,慳返
港產武打片一向都係動作重於一切，唔可以要求太高架喇！如果畫面拍得悅目，都未嘗唔係一種好娛樂！
校長：
「至於有槍不用用斧頭和軍刀，有馬仔不用用自己的命去搏，」
這句真係概括，笑到我肚痛呀！
新鮮：
如果淨係睇打同場面，都仲 ok嘅！
Eben：
也不至於太爛，只是從電影藝術看，真說不上。
minor：
依家啲人拍電影就係要 cast, 成龍嘅角色其實可以俾埋吳京，但市場要 cast嘛，才可以引人來看。
卡卡：
哩齣戲睇咗唔會要用槌仔嘅，但唔睇冇損失。
naruto, 大頭哥：
呵呵，你地仲絕！但范冰冰真係好靚噃 ^^
Arma：
咁畫面仲可以嘅，不過真係唔算好片。可能依家喺大陸放閒閒地票房都可以過億，只要揾啲紅星做，咁成齣片嘅製作就 hea吓都可以咯！
佛爺：
我喺戲院就睇到不以為然，唔係化，又咁樣揾戲黎做？咁辛苦做乜啫，揾粒子彈飛喇！
沒有看這套戲, 也不打算看, 因為劇種演員導演都不是我柸茶吧.
不過看到不同forum都對電影有著很不同的評語, 有的說很好, 有的劉德華演得好, 但最好其實是成龍, 電影是好是壞真是各花入各眼, 不過這電影夠議論性就是事實!
貓姐：
不同forum 對電影有著很不同的評語，這就是藝評影評的特點。
不過可以抽取片中的暗點來做對論，譬如霆鋒的造形、劇情的不合理處，相信讚揚此片的人是不能自圓其說呢 :)
我對樓上幾位的慳錢法較有興趣，而家到我即係咪︰俾錢我都唔睇，慳~ 噢！原來行唔通！:P
haha, 有錢收梗係睇喇，用睇歡樂今宵嘅心態去睇，是無妨的。
發佈留言