2011年3月4日星期五

很複雜的特首眼神

特首被社民連啲行動組疑似撞擊後,譴責、開脫、反批評的聲音不絕於耳。究竟特首的尊貴心口被誰人所撞至今還是羅生門,但昨天從電視新聞見特首去完早禱,來去保安都是加強了,但始終比唔上城中富豪嘅架勢,人地成隊外籍兵團,個個神高神大,眉精眼企,雖然冇陀槍,氣勢真係攝人呀!

有趣的卻是特首那僵硬的面容,上車前更用凌厲的眼神掃視正在拍攝的傳媒,關了車門後還是緊張兮兮,很是不忿似的,噢,弄傷你的又豈是這班記者大佬呢?照計唔駛咁睥法喎!

其實特首自爆小時候帶埋細佬同人打交,俾人撞一嘢其實好濕碎,只不過今日貴為特首,俾個腦筍未生埋,只識任人點嘅爛頭卒花靚撞到,真係玷辱咗個軀體。個死靚仔得個殼咋,冇腦冇靈魂,俾個趕屍人陶小狗、長毛賊唸吓符咒,就棟吓棟吓咁撞咗埋去,屍臭撲鼻,真係唔撞死都臭死!

所以應該請個捉鬼先生,叠高個壇,見到陶小狗長毛賊就作法,務求要哩班趕屍佬一敗塗地,但最叻捉鬼嘅林正英先生早已辭世,看來香港都係繼續有喪屍橫行咯!
.
.
.去年今日:這身體,要回來
.

13 則留言:

Ebenezer 說...

所謂精人出口,笨人出手;個笨人出完手後,現在就輪到班精人出口術揶揄佢啦!曾生個心邊有辨法唔拿住痛呢?

laulong 說...

班官個個自認精英,俾啲地底泥盲杉撞梗唔忿氣喇,俾個超級富豪或美女撞就唔同喇,但現實上又冇可能俾哩啲人撞喎,所以慘咯!

篤篤篤撐 說...

曾生班保安, 真係要鄧東姑

laulong 說...

haha, 警察新一哥上場真係唔老黎,第一日就死咗個警佬,依家老細都要俾人撞到,真係...

Armadillo 說...

哈哈,無啦啦有個機會插番瀉民連,其實曾凸首應該感激嗰隻小狗先啱!講真,明明係班豬科特警冇料到,而且男人個心口又唔係乜神聖不可侵犯嘅地方,而家可以威番次,乜都抵晒啦!

laulong 說...

但特首真係悻悻然喎,其實佢真係肚裏不可撐船,兩年幾前海協會副秘書長張銘清被民進黨啲盲杉襲擊,成個人倒地,但佢反應就冷靜好多,得體好多!

naruto 說...

佢d神情好肉酸

laulong 說...

真係。我見到都有不忍卒睹嘅感覺,咁大個人,點解啲反應同表現咁幼稚架!

佛爺 說...

最蠢就係果條Lan,仲以為自己好醒!唉!

新鮮人 說...

我無睇過哩單嘢嘅影片啊,
唔清楚曾生嘅眼神,
不過睇到佢上京時講哩單嘢啲口吻,
感覺係好小氣,唔識大體囉,
雞毛蒜皮嘅嘢都咁嘅反應,
失禮死。

laulong 說...

佛爺:

嗰條 Lan?做咗社民連嘅行動組,咪同啲社團行動組一樣,盲杉一名,只識血氣之勇咯!





新鮮:

佢哩啲叫自我膨脹。其實佢算係乜呀?識擦鞋死好命才上位,賤人都可以中六合彩頭獎嗰類咯!政治家喎,笑死我!

C.M. 說...

特首今次反應,似乎代表佢對社民既絕對厭惡,想打蛇隨棍上。不過小市民如我越睇就越覺得唔洗去咁盡喇,衰收尾既話係咪唔好睇?

laulong 說...

係呀CM, 哩的就叫政治低B癥後群, 係冇得醫既! 真不明白中央為甚麼要厚待這人, 愈厚待, 港人愈會對中央不以為然, 揀了個不稱職的人就發功要他下臺好了, 另找高明, 現在香港施政就像走進了個死局.