阿仔，坐馬路喇，啲車唔會撞埋黎架！
阿仔，阻住啲交通喇，哩啲係公民教育黎架！
阿仔，香港好安全，遊行係唔會俾人拉架，瞓街阻交通都唔會架！
阿仔，上次俾你摸吓盾牌嘅質感，今次體驗吓伸縮警棍、催淚彈、水炮，不過應該唔會有子彈，唔死得人架！
阿仔，唔駛驚佢地使用武力架，而且武力嘅定義係唔包括胡椒噴霧嘅，胡椒愛黎炒餸架嘛，就算中招，洗吓就冇嘢架喇！
阿仔，和平表達係冇用架，你跟住哩班大佬喇，第時佢地叫你瞓街就瞓街，爬欄就爬欄，撞差佬就撞差佬，咁樣社會就會好架喇！
...........
唉，阿媽真係咁做嘅？
.
.
.
去年今日：歲月
.
16 則留言:
電電視新聞中看到這個阿媽，真系真系超強！
1個字-服！
2個字- 無腦！
3個字- 虐待狂!
haha,我勁討厭哩個做人老母嘅！
母親的腦袋搬家了
等我上返 youtube 睇先~
我以為教育孩子不是人人識，真的很難，但愛護自己孩子應是本能來的嘛！
那位媽媽的無知令孩子受苦，事後還不醒悟，真的很令人討厭！
校長：
八歲就話公民教育，果個女人不如放成人電影比個仔睇，以免佢第日洞房花燭夜，唔識做，佢就無孫抱。
有咁既老母，最慘係個細路仔！
我無睇新聞,
費事煩嘛!
不過做人父母嘅唔應該教子女要點做,
應該教導子女點樣可以獨立思想,
唔好人云亦云,
胡亂受人影響,
可惜這個所謂母親就背道而馳了。
minor：
搬到 pat pat 去了！
大頭哥：
仲有啲漏網嘅，睇埋哩段：
http://www.youtube.com/watch?v=uRynEW0rnh0
Coffee：
真唔係個個識做父母，哩個老母係過度將自己嘅意念硬擠在孩子的腦裏，甚至有把孩子當做私產嘅心態，只不過未去到叫個子女一齊跳樓燒炭嘅地步！
佛爺：
唔止呀，佢喺孩子手抱時已帶個仔出黎公民教育！呵呵，真係胎教都唔止呀！
新鮮：
我就係慶幸我阿爸阿媽任我自由發展，哩個實在太重要，太可貴！
有個咁既阿媽，
佢個仔真係喊得一句句。
8歲咋，你阿媽要公民教育你......
咁就真係要祝你快D長大成人......
你就可以自決參唔參加呢D唔守規矩既遊行示威......
到時噴死無怨啦......
唉，你講得啱，真係識生唔識養，佢只當個仔係佢意念投射嘅工具！
另外，我都奇怪嗰細路嘅老豆去咗边呢？點解冇喺旁邊保護個仔嘅？唔通佢兩公婆對示威嘅睇法都有分歧？又或者係個老母夾硬黎？咁喊得一句句嘅分分鐘唔只佢個仔噃！
琴日同個朋友傾開呢單，佢話嗰晚同一大班人食緊飯，個個睇完新聞都喺度媽媽叉叉。有人仲提出一個好有趣嘅觀點，就係家長帶細路去咁嘅場合，可唔可以告佢地疏忽照顧兒童呢？講真又係喎，帶細路去咁嘅地方，一定危險過單獨留佢地喺屋企啦！
直頭係疏忽，甚至係坑害兒童！若果個細路真係唔好彩俾人責親(有個差佬俾個鐵馬責傷咗喇)，爆缸流血斷手斷腳死鬼咗，咁真係疴哩吉帝咯！
個婆娘諗野唔經大腦，坐馬路示威咁高危都做？要做，自己做喇，細路啲骨都脆過人喇，係咪錫個仔架！
你寫此blog,問過你媽媽未,如果你被人批評,控告.,她會否比人批評,pat pat比人.......?
稚子無辜，何忍變為母親信仰的祭牲？
昨日睇新聞,原來呢位母親沒有即時照顧受胡椒噴霧整親既兒子,而且仲見個仔企定定比D記者影完,先好去抺胡椒噴霧.利用個仔成為抗爭工具,你話死唔死.
11:25匿名：
你說甚麼呢？
唉，看來你並非文字地痞，縱使水平如此，也算了，不回應你了。
Eben：
天地不仁，以萬物為芻狗；如今卻是為母不仁，置稚童於險地！
苦兄：
我已是無言！虎毒不食兒，好簡單，不要說被胡椒噴霧噴到，推撞間分分鐘俾人踩倒責倒，點算？
發佈留言