2011年3月16日星期三

假如輻射塵來了

感謝 品質煉金術師 提供是份圖表



補注:400毫希以上會令白血球數量減少,致癌。 1000亳希以上會疲勞、嘔吐、脫髮、令紅血球減少。 2000毫希以上會破壞骨骼,內出血。 4000毫希以上死亡。


文章轉載:

1945年廣島和長崎原子彈爆炸後,許多人雖然生還,但其後卻因為暴露於放射塵而死亡。不過,由秋月辰一郎醫生主管的長崎聖方濟醫院內科的病人,卻大部分都真正地保住了性命。雖然該院距離廣島的原爆點不足一英里,但秋月、他的下屬和他的病人都沒有患上與輻射相關的病症,原因是秋月安排他們採取簡單的飲食:天然糙米、麵豉湯、海帶和鹽。糖果等含有大量食糖的食物,則不許進食。

天然全穀是簡單的食品,不像肉類(包括多肉的魚)那樣含有大量的污染物。它們亦沒有那麼容易受到放射物污染。穀物含有豐富的纖維質和磷質,這兩種物質都有助預防輻射中毒,因為它們可以黏著毒素(包括放射毒素),協助身體把毒素排出。穀物容易產生飽感,因而減少了毒素留在內臟的時間,加快了排毒。

研究發現,體內酸鹹度接近中性有助防止放射物中毒,而天然的穀物便相當中性。此外,它們所含的鈣質可以減少放射性鍶(strontium),豐富的維他命B6對保護胸腺健康十分重要,另外又有維他命E和硒,它們有助預防細胞受由輻射產生的自由基損害。

若你身處輻射雲範圍內,切勿進食精製或加工食品、高脂食品(包括奶類)、含有食糖的食品。食糖決不能碰,因為它會導致鈣質流失,而與鈣結構相似的放射性鍶將會取而代之。攝取了放射性鍶,遲早會患上骨髓癌。

輻射無形無臭,但放射塵有時是可以探測到的。某些地區的輻射雨的放射性可能遠高於其他地區的。那些地區被稱為「熱點」。可惜的是,哪些地區會成為熱點,並不能預知。

若得知放射雲將會移到你所處的地區,你必須留在室內,尤其是在下雨時。若曾暴露於輻射之中,必須用肥皂徹徹底底地洗澡,但不應刷洗,因為刷洗反而有助輻射塵粒子滲透。

另外,服用碘化鉀也可以保護甲狀腺免受放射污染。

(美國《塞勒姆新聞報》)
.
.
.
去年今日:人生第一次胃痛
.

23 則留言:

新鮮人 說...

該死唔洗病!

卡臣 說...

是禍躲不過..

Ebenezer 說...

謝謝分享:)

L L 說...

新鮮,卡卡:

哩啲心態喺我打牌要搏牌時,我就會大嗌哩兩句將隻牌打出去,但真係到生死存亡,我都係會奮力求生架!




Eben:

只願這情況永不會來!

嘿嘿 說...

怎么没人大骂核电厂太多在火山地带?嘿嘿~

L L 說...

我都奇怪,日本喺歐亞板塊同太平洋板塊夾縫,係地震高危帶,應該減少倚賴核電才是,但這國家的核電佔國家能源比重達 28.9%, 排世界第四,真是百思不得其解!

匿名 說...

個天要你嚟,唔會問你。
個天要你走,都唔會問你。

輻射呢樣D野,如果你真係不幸吸多左,
唉,就當個天要急召你......

日本面對既問題,真係好頭痕;
幾叻既核子科學家,都為之好頭痕......

祝願日本那邊平平安安,
奸直人有排頭痕......

Coffee 說...

死啦!我今日下午4:30-6:30左右,右腳膝蓋內側少少的骨無啦啦有啲酸痛,都唔知咩事架!可能真係打到來喇!

HollyCow 說...

Thanks and good to know.
其實,我这幾天真的覺得很無奈! 為日本,為全世界將被影响的連所事兒。真的开心不了,不想說話!

匿名 說...

Long: Blood pressure is high again!!! Just fight with my boss!!! A stupid selfish old man!

CowCow

L L 說...

匿名:

日本政壇世襲嚴重,上場嗰啲首相都係來自政閥高門,卻大都冇料居多,遇上考驗,結果就一定頭痕咯!




Coffee:

喂我膝頭哥喺冇海嘯前已經酸架喇,該唔關事卦!




牛牛:

我知道喇,你唔好諗咁多呀,攞本小說追吓,會感覺好啲!

HollyCow 說...

代溝!如果我們能似80後,90後,一切都答“Who cares!“多好,哈!

L L 說...

牛牛:

至於工作,盡咗本份就算,唔好咁上心!

其他嘢,我就唔常用 who cares, 反而會多用 so what? 冇乜嘢啫,咁又會舒服啲!

S 說...

謝謝分享。我好奇怪,一時好鬼悲觀丶但一時又覺得生有時丶死也有時,個天會決定!

Armadillo 說...

呢兩日越爆越大鑊,如果身處蘿蔔國都咪話唔驚!最慘係香港都受到牽連,個市冧到八彩!

L L 說...

S:

矛盾是只因我們未到生死線!

在大劫之前,人力不能逆轉,確是生死有時的。但螻蟻尚且貪生,當不幸處身生死界線時,始終是會求生的,這是本能。




Arma:

冧市有嘢執噃,睇黎佢最衰都應該衰唔過切爾諾貝爾,投資哩講,可能係機!

Armadillo 說...

而家烽煙四起,真係睇見都驚!日本核電廠都唔知爆到幾時,中東嗰邊仲未搞掂,歐洲又話有信貸危機,仲敢諗入市咩!

匿名 說...

嘩,盬都要搶購,
無言了。

L L 說...

Arma:

校友沈振盈大師話可以分段入市,將資金分幾注,分段入,可能都啱。




匿名:

香港人好鬼一窩蜂,我喺電視上見到都有不欲觀的感覺,唉,好鬼醜,愚夫愚婦,冇正確判斷,仲話叫佢地去做選民投票,死梗喇!

HollyCow 說...

"唉,好鬼醜,愚夫愚婦!!!"

Exactly, shame on them!

L L 說...

平庸,容易被煽動惑亂,搞乜鬼呢?

我們的社會,要好好的提升,還要走一段遠路。

naruto 說...

放兩日假番嚟睇facebook話D人搶鹽,原來係咁解。。。。

L L 說...

係呀,澳門嗰邊都有人搶購呀!