(我唔鍾意搞開放日，硬係覺得無意思，勞民傷財，更兼校舍又唔係靚，直頭獻醜)
工作沒完沒了 ........
(自己唔鍾意嘅嘢又要做，點會提得起勁？真係好慘，係咪似提供 x 服務俾惡頂客人後又冇錢收呢)
很腌悶，一邊做就一邊抓狂，很想找人當沙包 ........
(得死咩？打人？但真係好掹啊，一記右冚拳，跟住一記左勾拳，哈哈，正呀)
但沒人給我打啊，唯有狂吃零食，翻箱倒篋，餅乾、涼果、過期食物 ........
(肥嘛！我梗知喇，啱啱過咗最肥人嘅冬季，磅數剛回落，但真係頂唔順)
好想食呀，今晚去探完阿媽就去食，最近好多食店龍蝦大減價，想象有條友獨坐一張枱，耷低頭 就喺度狂趙，杯盤狼藉，汁液淋漓，雞骨蝦殼係咁飛 ........ 哈哈，諗起都開心 ~~~~~
.
32 則留言:
為了食,我無悔!!!!
gogogogo!!!
kakaka... 我真係去架！
大食，以消我心頭之恨 >.<
食啦！我呢排開OT都不停喪食....
haha, 喪食，實在太好喇 !!!!!!!
小心啊,这个是我今天在报纸上看到的,都是吃出来的.
http://www.vg.no/helse/artikkel.php?artid=10099951
開放日? 哈，唔通係我收到果個邀請...?
要忍，忍，忍。
我失恋都唔得大食! 發爛, 打我啊! ^_^
Desert：
那肥仔？放心啊，其實我不太愛吃，不過哩幾日要做自己唔願意嘅嘢，實在好壓抑。
無糖：
正是呀！你會返來嗎？
牛牛：
我只係眼裏面有團火，喺哩個 moment,我要爆喇！食完爆完，就冇嘢架喇！
另外我又點會打牛牛呢？牛牛咁可愛 ^^
開放日原來係開放個胃
haha, 仲有開放咗個荷包 :(
在香港,吃真的花不了钱. 所以我每次回来想到吃什么就买,从不看价格.
幸好我是喜欢鸡腿多过鲍鱼的人.
開放日, 好學生會好開心, 因為他們大多數有作品演出. 記得當年我有一幅油畫選出來作展覽. 這也是我唯一的一幅油畫.
化激憤為食量
校長，原來你近日也咁忙碌！睇你呢篇，我笑了，其中有好幾句正是我所想！:)
即係張龍蝦伊麵相真係去食咗呀？
好野啊！
要吃到天昏地暗
校長:
你都食得好富貴啵!!!
自由
校長：
好少野咋喎！我幾啖就食哂架喇！
Desert：
味道無分高下，雞腿有雞腿之味，我也愛呀！吃過鮑魚，也沒啥特別。
QA：
啊，我忘了從學生角度諗，但現在媒體多樣化了，可以在校網要展示作品，也可以在校園恆常展出。
今次也有學生表演，他們接受考驗，也是好的 :)
卡卡：
今日繼續食，食，食，變了學校雜食皇！
Coffee：
边幾句？係咪打人嗰句呢 XDDD
大頭哥：
係呀，即食，一支公於是食隻龍蝦仔，除咗蝦殼，成隻落晒肚！
minor：
係呀，咁樣至可以心理洩洪呀 :p
小行：
唔豪呀，碟龍蝦只賣 68文，都算抵嘅！你師傅唔平唔食 :)
佛爺：
我 lun 殼都 lun 咗一段時間架，仲有南非九孔鮑，脆皮雞，食唔晒，打包返去益咗兩條化骨龍！
好正呀,校長真識食^^
haha, 我這是化激憤為食欲 ^^
好忙，工作沒完沒了 ........
一邊做就一邊抓狂，很想找人當沙包 ，邊打邊鬧，但沒人給我打，沒有人給我鬧啊！
我真係好掹啊！
噢， Coffee, 我諗依個社會要有一種義工服務，就係俾人揼，俾人出氣。
因為社會上確有很多不如意事，像我唔想做偏要做，像你就做都出煙，真係要揾人揼呀 )))))
食係人生一大樂事,
有時開心食多少少有何妨呢!!
Mag：
偶一為食，確是無妨的，但餐餐大魚大肉，就不宜了 :)
这幾天忙到暈！
看了相片，想說佛爺說的。看了你回复即時收嗲。
haha, 你有冇化工作壓力為食欲？
你咁窈窕，可以大擦特擦喎 :p
校長：
咁，真係好大食！嘻嘻！
haha, 間中一次喇，我比較多享受肚子不飽不餓的感覺 :)
食多啲!
食多啲!
開放日我無去過,
不過聽落好好玩嘛,
能夠給一些人開心的回憶,
總算有意思的。
嗯，看著全校師生忙這忙那那的，我的感覺也漸入佳境 :)
發佈留言