銀行職員向投資者翻來覆去講解產品風險，好冗贅，令人納悶，但也不排除是杜琪峯刻意如此，要觀眾產生代入的感覺。
姜皓文被普通話黑鱷用水晶尖刺插中時，很明顯是心臟左下方，後來在車上，尖刺卻插在心臟的右上方。是因為原先位置太低了，坐在車上會看不見，減少了戲劇效果，所以上移了。那很荒謬呀，也就是不認真處。
再者，尖刺透身而過，姜皓文實在不可能再駕駛，到尖刺上移了，位置洞穿肺部，也是會很快死亡的，根本捱不了這麽久。而且姜不趕快把自己送到醫院，而留在車上看恒指升跌等死，實在悖於人情！
是要讓劉青雲可以回來看見姜皓文已死嘛，近千萬可以袋袋平安(怎麼個袋都係咁細？鈔票多了倍幾噃)，咪夾硬來咯！
但話得說回來，〈奪命金〉這電影還是好看的，很黑色的幽默，而且拍得很香港。劉青雲，盧海鵬演技入神，欣賞這兩個戲骨已值回票價！
.
.
.
去年昨日：脹爆！.
.
16 則留言:
銀行職員向投資者翻來覆去講解產品風險，好冗贅，令人納悶-> 我還沒看此電影，但杜其峰應該只是在諷刺自雷曼事件之後，監管機構要求股票行和銀行加入的 sell practice 和條款，真的好悶的呀，我試過買一隻我已經持有咗幾年的基金，要從頭做評估，又要簽多好多野，攪足半個鐘，多鬼餘！
因為個個都唔想孭鑊，個個都要責任遠離自己，利益就繼續擁有。
就好像新高中通識科嘅 IES (獨立專題探究)，教育局怕啲學生買報告，設計咗 N 咁多個關卡同文件，做到啲老師嘔，實際上又冇鬼用，哩啲就係推卸責任嘅腦殘行為！
校長：
其實講咁詳盡都無用架！Ｄ人蝕佐錢，一樣鬼殺咁嘈！一樣話自己被人呃架！嘻嘻！
嘩~講劇情?我當睇唔到先
似乎個個都讚套戲wor
佛爺：
電影裏的蘇杏旋就是這樣的人，嫌適合她風險的產品回報低，但銀行為咗業績，員工為咗飯碗，又確實做了違心事。一個要打，一個願捱，好慨歎的。
minor：
噢噢，對不起喔，不過電影都是值得看的。
Eben：
哩齣港產片值得支持！
有才無貌，喺香港根本就冇可能紅得起，劉青雲都算係一個異數喇！
咁佢都好過張家輝咯，嗰條友無才無貌，但又娶到靚老婆兼做埋影帝，真係服得佢好緊要！
奪命金及那些年是必看之作
嗯，那些年這幾天就要去睇了 :)
香港導演在國際知名的：一個是王家衛，一個是杜sir
王家衛太高喇，我下里巴人！杜sir 好嘢呀！
少看電影的我，就不太懂看出這些破綻。
這是我的職業病：金精火眼咁 目及 住啲細路，睇佢地有冇犯規，自此就好眼力了 :p
我都覺套戲真係好香港! 其他國家的人可能會較少共鳴呢...
嗯，也就是香港電影少有能跨國界的原因，你看〈作死不離 3 兄弟〉，裏面的人生價值觀刻劃，是超城市的！
發佈留言