2010年10月22日星期五

脹爆!

我 ........................................... 講緊嘅係通脹。

前幾天到常幫襯的蔘茸舖買杞子,見貨架上沒標價,便如常拿一包到櫃面,問怎麼沒標價?阿姐回答賣到 35文喇!我打了個突,上個月我買才 25文。阿姐回答說:係咯,你由 15文包買到依家 35文嘛,啲杞子俾大陸佬炒貴晒喇...

哇, 唔駛一個月就脹咗四成,你都咪話唔驚人。冇偈喇,哩檔係我試過最好嘅,唔通唔買唔食咩!杞子清肝明目,我咁大個人,冇近視係阿爸阿媽賜嘅,到依家幾廿歲人,冇老花咁有一半都係杞子賜嘅,貴都要食喇!

話時話,杞子真係幾有益架,睇吓:

杞子原叫枸杞子,是寧夏特產,歷史上是皇室貢品。枸杞子營養成分十分豐富,並有很高的藥物價值,不僅含鐵、磷、鈣等物質,而且還含有大量糖、脂肪、蛋白質及氨基酸、多糖色素、維生素、甾醇、硒、鋅等多種人體必需的微量元素和多種營養成份,長期服用能抗癌保肝、生精益氣、治虛安神、補腎養血、明目祛風、益壽延年。

中醫認為:枸杞子味甘,性平,入肝、腎、肺經,有滋補肝腎、益精明目、和血潤燥、澤膚悅顏,培元烏髮等功效,是提高男女性功能的健康良藥。可用於治療肝腎陰虛、頭暈目眩、視物昏花、遺精陽痿、面色暗黃、鬚髮枯黃、腰膝酸軟、陰虛勞嗽、老人消渴等症。

現代醫藥學研究發現,枸杞子有增強機體免疫功能、增強機體抵抗力、促進細胞新生、降低血中膽固醇含量、抗動脈粥樣硬化、改善皮膚彈性、抗臟器及皮膚衰老、治療眼睛乾澀、眼花、流淚、視物不清及高血壓等作用。常服枸杞子,可延緩衰老、美膚益顏及提高性功能。此外,枸杞子對遷延性肝炎、慢性肝炎、肝硬化有較好的治療作用 ......


不過最後仲有哩句:

枸杞子有興奮性神經作用,性慾亢進者不宜服用。


哈哈哈,咪話我冇提醒呀!

網上照片
.

12 則留言:

Ebenezer 說...

照內文分析,發現原來你枕住每個月都食一包杞子個播!!睇嚟你一定食到"發發"聲啦,D視力!

laulong 說...

kakaka, 我直頭可以跑馬射蚊鬚呀!

肥貓 說...

>> 啲杞子俾大陸佬炒貴晒喇..

內地人真是什麼都 "炒" 得一餐, 不過港元越來越 "不見洗" 就是不爭的事實.

HoLLyCoW 說...

哇,HK$35, 比在加拿大更貴!

嘿嘿 說...

最后一段很惊叹,我才知道哦!还以为祗有冬虫草得!

Coffee n Tea 說...

話時話,我都食過一輪架,之後唔知點解冇再食了,見你講得咁神奇,我都要食番。

laulong 說...

貓姐:

內地人富咗,農作物因天氣歉收,於是有人屯積居奇,就是苦了草根。港元同美金掛鈎,美金量化寬鬆係咁眨值,於是輸入通脹攪到我要食更加貴嘅杞子 :(




牛牛:

很快燒到過去你嗰邊架喇,不過加紙冇美元咁低?可能好啲罷!




嘿嘿:

嗱,你要就住食噃,咪搞到亢曬呀吓 ^^




Coffee:

咁要 keep 住食番。睇番啲人講,杞子也可以美容啊,內在調理係最好嘅化妝品喔!

匿名 說...

校長:

怪不得你之前話乜都無癮,唯獨0個味仲有興趣,原來係子作怪。。。哈哈!


自由

佛爺 說...

「枸杞子有興奮性神經作用,性慾亢進者不宜服用。」

校長:

唔係卦!性慾都有極限既咩?嘻嘻!

嘿嘿 說...

莫怪!莫怪!市场经济嘛,当需求少过供应时,自然会跌价!

哈哈哈~~~

yy 說...

好想試下啊!!
請問係咪就咁生食就得?? 1次食幾多粒呢??
THANKS!!

laulong 說...

小行:

師傅真係有明示暗示哩家嘢?哈哈,會唔會我指嘅係食咗杞子,視力好咗,可以刨馬經波經都無礙呢 :p




佛爺:

咁哩家嘢都係有節好啲,早排有個後生仔瘋狂咁自己搞咗成日而亡呀 @@




嘿嘿:

看來需求不會少喇,歐美早有杞子強壯機能的傳聞,愈賣愈貴有之,唉,睇黎為咗自保,我都要屯積吓咯!




yy:

謝謝留言呀,我有時都會生食,就咁攞幾粒放入口趙。平時我食就揾杯開熱水,放二三十粒,然後用個咖啡機嘅暖板座佢兩三個鐘才食,我連啲水都飲埋。要注意買到啲靚嘅才可以,我試過買咗啲會甩色嘅,嚇死人。若對所買的信心不大,可以用水沖一沖才泡,會較保險!