 |
| 網上圖片：大溪水的博客 |
課上完了，明天是音樂發展日，沒要硬吃的任務，心與身都提早癱軟。坐在椅上，工作還是有的，像要為中六生的專題探究打分，但真是提不起勁，只望著電腦，指頭遊走幾個網頁之間。其實恆指上落唔係太關我事，金銀銅油我更只當別人的風景看，自己的博有留言嗎？面書有信息嗎？啊又打鐘了，中七的叫我去他們的聯歡會，但我午飯吃得肚皮脹脹的，落去吃不到東西就只看著他們笑。不會叫我唱歌罷，哎吔，咪玩喇 …..
呵呵，原來有嘢唔做有空間發傻係可以無晒倫次嘅！
忽然又諗到豬同狼，近聖誕咯豬去豬竇狼返狼窩享受吓家庭歡聚罷，笑住嘅所謂君子之爭其實係暗戰最好就暫時落幕，好多平時冇乜點見嘅肚滿腸肥老懵懂蒲晒出黎已經有損市容，唔睇又唔得喎報紙總又叫你硬食！
哇就放學都係落去睇吓，冇買禮物隨手攞自己只佔三分一嘅書仔當禮物獻世，哩篇亂披風睇到你要喊打都冇水回，哈哈，聖誕嘛！
.
.
.
.
.
.
33 則留言:
我鍾意哩篇喎，
隨筆有生活感，
好實在，
睇得好過癮，好舒服呀。
哈哈，原來你同我都有病^^
呢篇幾好呀！
喺呢個普天同慶（或普天同㷫）嘅日子，豬狼傳奇就暫時唔好理佢住喇，放鬆心情享受吓呢個悠長假期啦！
謝謝新鮮！
Eben：
我地同病相「連」@@
花花：
最好嘅都喺晒你度！
Arma：
係呀，由九月到依家至有個較長的假，要好好鬆吓
:p
鷹狼和龍豬又邊會暫息旗鼓，靜靜渡過佳節丫！這個假期佢地一定有嘢玩出嚟架，已經變成全港傳媒焦點，唔理唔睬終須會見到，無處不在都接觸到，也不能置身事外！
順祝 劉校長 冬至團圓耶誕快樂！
我對住電腦d功課都發呆！＞＜
你就好喇收爐喇
我仲要捱多幾日呀~
同病相连，是连累呗？嘿嘿嘿~
Inner：
真係如國父所講，政治係眾人之事咯，躲也躲不了。
也祝你冬至聖誕快樂！
小行：
加油呀！諗住第日學有所成就有動力喇 :)
大頭哥：
假期始終會來，到時就可享受喇！
嘿嘿：
其實係大家好似 link 埋個腦，一齊喺到躲懶 ^^
我對電腦耐眼水乾呀陰公
我都慘呀，眼袋大過沙包！
随心隨意的文字最令人舒懷！
呵呵，謝謝牛牛，祝你冬至及聖誕快樂呀！
我都開始放咗假啦，有三個星期呀！可以陪吓阿媽。佢比較關心台灣時事，所以冇乜留意豬狼，比較多雙英。
偶爾過過這樣的日子，才好哩！是生活中的甜點。
Eric：
三星期大假，很好呢！沒記錯的話，你媽是新竹人？
那边雙英之爭好似較有文化，起碼電視辯論似樣啊！
Coffee：
放大假前才有這些甜點 :)
爸爸:
冬至愉快!
女女：
大家都係 :)
放假啦﹗校長。個心一早飛走咗啦﹗
校長，你教邊科？
係呀，聽日正式放。
我教中史同通識 :)
請恕我冒昧敢問兄台有沒有收藏一本“中史擷萃”呢？
沒有啊，我的本業原是中文，所以沒甚麽中史藏書。
校長：
聖誕快樂！
你這篇帖子，文字和漫畫都認真滑稽！
聖誕快樂!
佛爺：
聖誕快樂！
呵呵，那正是假前症候群嘛！
卡卡：
聖誕快樂！
Merry christmas！
自由
小行，聖誕快樂！
我也喜歡這篇
淡淡的生活氣息 ....
嗯，謝謝 :)
發佈留言