2011年12月12日星期一

不育的「最大敵人」?

網上圖片

該是:不育的「最主要原因」,或者是:生育的「最大敵人」罷!

今天都市日報的一位醫生文章,指出女性年齡最影響受孕機會。這是老生常談了,只是醫生構句錯誤,述意便混亂了。

這使我想起之前的一篇文章,〈教授,你們的中文有點爛〉,香港人的中文水平每愈下,是很令人失望的。




網友相關文章:文少 〈劣質化的中文


.
.
.

31 則留言:

Ebenezer 說...

校長,香港人的後代,就要靠你們一群教育界的同志們,透過持久性的堅持,加勁著力大幹一番,努力搞好人的工作,才能取得更優化和美滿化的成果!


校長,你認為今日港人的「中文」,已經師承了何家?

laulong 說...

雜崩 lung, 受大陸嘅影響又有,受香港歐化嘅又有,語文反映思維質素,依家啲細路愛電玩,唔好話三日不讀書,三年都唔讀,結果面目唔會好之餘,更唔可以用精準文字概念去思考,死得!

the inner space 說...

讀完本文和附加文章。自問自己的中英文,都只是幾多份之一桶水,兩邊都不通! 不敢罵香港的教育制度,只怪自己不用功不努力。

文少 說...

是每況愈下。
每下愈況﹐出於莊子﹐只解越往下越明顯。

laulong 說...

Inner:

沒有,你那邊的文字很通順啊 :)




文少:

haha, 我老糊塗了,謝謝更正 :)

魔術師 說...

早前有單醫療事故,病人死去,出來交待的醫生說會跟其他同事「分享」呢個案例.

明顯"share"在這裡不能照譯. 大佬,出錯死左人,仲分咩嘢享?好開心麼?

laulong 說...

唉, 家屬聽到, 真係好難受!

可能醫生中文科較弱罷, 讀番書大, 真係會差 d .

Hana 說...

唉、、、依加好多大大小小的專欄的所謂作家寫文都係咁先至死得重幾錢,事關會令讀者見慣不怪、習以為常當正常。

naruto 說...

英文已經唔好,而家中文都差,真係唔知點算。。。我講我自己

嘿嘿 說...

有时也会有这样的错误,尤其是写博客时,每次都是没太多时间校对,就匆匆贴上!呵呵呵~~~

博客可以,文学,报告,评论等严肃的文字就不能这样马虎了,一定要认真校对和仔细修正错处。

卡臣 說...

你講咗我先覺有問題

佛爺 說...

校長:

我同卡臣一樣,「你講咗我先覺有問題!」

應該是:不育的最大敵人是穿窿避孕套!對否?

鹿米館 說...

不育的最大敵人是穿窿避孕套!對否?

笑鳥,哈哈。

laulong 說...

花花:

哩個同辦報者嘅諗法好有關係,即使精明如 730 嘅施老闆,都容許總編揾有名氣嘅社會人物寫專欄,卻從來不理會專欄嘅質素。




naruto:

唔緊要架,有人長於文字,有人長於形象處理,各司其職嘛!




嘿嘿:

對呀,我有時都會寫錯字。畢竟寫 blog 就係閒話家常或者吹吓水,寬鬆係可以接受嘅!




卡卡:

係我個職業病咯,睇落發覺唔對路 :)




佛爺、鹿米:

啱呀,負負得正嘛,不育嘅敵人當然係要你成孕喇,咁穿窿避孕套仲唔裝到你應?

穿窿避孕套造成無可奈何嘅喜事(成孕)或慘事(瀬野),喜事都無可奈何,男人最痛,唔好提喇,一提我就驚!

又打鐘喇,上堂喇, ho ho ho!

C+ 說...

哈,所以我都不敢寫了!哈哈哈

五珍 (Jan Ng) 說...

太多英式中文,語文水平是越來越差了。

文少 說...

//不育的最大敵人是穿窿避孕套!對否?//
冷靜少少!
你不育的話﹐你唔戴套做都無用la(爆)

Desertfox 說...

生育的最大敌人还勉强说得过去.
其实自己也好不到哪里去,现在backlog了四五篇文章,全部写到一半不知道怎样继续....

laulong 說...

C+:

好掛住你啊!

寫 blog 在抒懷,只要不是一句錯半句,又有何礙,而且印象裏你的 blog 行雲流水,很暢順啊!




珍:

是時人少讀書之故,以前我地兩日不讀,已覺辛苦。




文少:

我就係衰在太育咯,唔覺意整咗兩件,呵呵呵~~~




desert:

有興致才寫!我有時放開個 blog 兩三日,原來都係好愜意嘅!

魔術師 說...

籮飯焦焦說中學中文科不用讀範文,真乃千古罪人!

laulong 說...

絕對係,此人思維全是病,可歎又偏偏坐上高位,結果播其惡於眾也!

Armadillo 說...

其實呢個唔止係語文水平嘅問題,亦係邏輯思維嘅問題!

laulong 說...

bingo! 應晒,確實係思辨問題!

Bittermelon 說...

睇完"劣質化"篇文後,我真係汗顏無地,睇嚟我都要好好操練一下我D中文喇.

laulong 說...

怎會呢?苦瓜兄文章從來晏然 :)

熱血艾德 說...

一代不如一代是真的~~~~

laulong 說...

嗯,哩一代操作電子媒體會好叻,但語言文字畢竟係最基本的溝通工具,更是思維所必須,所以語文倒退是令人憂心的。

新鮮人 說...

不育的"最大敵人"~ 穿窿的避孕套!
哈哈~~~~~

匿名 說...

不育容易引發患者躁鬱症!類似的個案見得多了.

laulong 說...

哈哈,新鮮,忘了回你這個!

laulong 說...

匿名:

明白的,喜歡孩子,需要孩子,但苦無所出,是人生最大的失落!