2011年12月29日星期四

睇得人會變蠢的職業特攻隊〈鬼影約章〉

.

唉,聽故唔好駁故,我知,咪破壞氣氛嘛,正如買飛睇棟篤笑嘅,一心入場就諗住要笑,結果唔好笑都會笑,只應淺笑嘅都會變成大笑。其實最騎騎笑嘅當然係黃子華、張達明、林海峯之流喇,會諗:哩班人真過癮,俾錢入黎聽我講啲唔係咁好笑嘅嘢,真係好好笑!

哈,言歸正傳,靚佬湯今年哩齣職業特攻隊,整體比上一齣好。更離奇係靚佬比上一齣更 fit 更靚佬,真係要佩服西方美容科技,是不是出咗隻比 Botox 更勁嘅去皺藥呢?真係羨慕死我哩個阿伯!

講真,你唔需要擔心哩齣戲冇動作,相反兩個小時的戲,絕無冷場,有時甚至跳接太快,令你目不暇給。只是戲始終是戲,靚佬湯永遠都咁好運,炸又炸唔死,跌又跌唔到落樓,喺現實世界,有哩啲人就係造化,但都算嘞,睇得人蠢當然唔係哩啲。

係最戲肉嘅俄羅斯嘅導彈打緊去美國,美國竟然毫無反應,啲愛國者呀神盾呀反彈導截擊呀甚至太空激光武器竟然瞓晒覺。按依家水平,任何國家發射導彈襲美,該在一兩分鐘後就被 detect, 跟住就會啟動截擊及反擊,換句話說,俄羅斯一枚導彈襲美,可能會換來十幾枚導彈襲俄。所以就算襲美導彈最後被中止爆破,世界核戰始終不能避免。

哎吔,駁故咁耐實俾人閙喇,當然,乜都咁理性就唔駛有故仔咯!但唔理性嘅實在有好多,美國佬啲黑客技術萬能喇,俄羅斯啲執法同特工特別蠢喇,爬哈利法塔隻神奇手套唔單止有吸力,仲可以反地心吸力,一隻手套可以啜住個重 170幾磅(我估) 嘅靚佬湯唔會 suet 聲滑咗落去,真係神奇恩典!仲有個黑人女角打得好勁,但照計姿色未足以去色誘印度富商掛,除非個印度佬喜歡重口味如咖哩罷!

哎吔,都係唔講喇,得罪人多稱呼人少,但你問我齣戲應唔應該睇,應該!睇場面,睇電影科技,係值得睇嘅!
.
.
.

25 則留言:

新鮮人 說...

你咁睇戲點會開心架,
又唔係睇現實紀錄片,
你未入去就知架啦,
落足本俾你咪算囉,
娛樂片喳,
咪咁唔化啦,
老人院都唔收你嘞!

嘿嘿 說...

呵呵~ 业余影评?

今次没旅游啦?

卡臣 說...

我有睇呀,場面設計有心思

文少 說...

劉校長﹐你知唔知咩叫主角威能呀﹖
由武俠片到動作片﹐男主角都係有威力加持的!
講起主角威能之厲害﹐你真係要睇睇2012啦﹐個男主角簡直係符碌王托世﹐死極都死唔去﹐但最後都係要死...知唔知點解﹖

導演要你死﹐主角不能不死!

the inner space 說...

哈哈哈哈!說得好啊!

因此我個 comment:

讚佢 Tom 唔再個人英雄主義,
今次講合作團隊靜神!

eric 說...

呢啲戲好鬼死衰,明知啲橋段好牽強想出碟時先睇,但喺啲爆破場面又要喺戲院睇先至過癮!我而家最想睇喺the iron lady,唔知有冇叫啊梅姨喺人民大會堂前PK呢?

匿名 說...

都話係"一般"啦!

出Mission Impossible 5 時,不如一齊去睇囉!

Possible? Impossible?

匿名 說...

校長:

你已經食緊防腐劑,Botox 唔啱你,留番俾我地用呀!

自由

雪山飛狐 說...

1,2,3我都有看,但觉得很一般。
我个人比较喜欢Bourne系列的电影。

L L 說...

新鮮:

我都話哩齣戲值得睇喎,你真係睇啲唔睇啲!




嘿嘿:

有呀,同舊年一樣,北上探朋友 :)




卡卡:

睇場面同動作,都已經值回票價!




文少:

死咗就冇續集喇,2012 咪啱晒 key 咯!




Inner:

又係喎,今次講團隊合作,阿 Tom 真係進步咗,也可以講成熟咗,或者老咗,呵呵!




Eric:

呀,鉄娘子真係個人物,邱吉爾之後都佢咯,縱使佢 PK 過,都抵讚嘅!




牛牛:

梗係 Possible 喇,哩個世界有乜嘢唔 Possible!




小行:

師傅哩排唔得喇,覺得自己老咗好多 :(




Desert:

可能靚佬湯同我差唔多年紀掛,所以我都係鍾意睇佢咯,哩啲叫孤獸走索群!

卡臣 說...

新年快樂,身體健康!

the inner space 說...

忘了回應兄台曰:『買飛睇棟篤笑嘅,一心入場就諗住要笑,結果唔好笑都會笑,只應淺笑嘅都會變成大笑。其實最騎騎笑嘅當然係黃子華、張達明、林海峯之流喇,會諗:哩班人真過癮,俾錢入黎聽我講啲唔係咁好笑嘅嘢,真係好好笑!』

哈哈哈!香港就是咁有些出了名成了名的,你不覺得好一起喝采,會被人罵不懂得欣賞。

嘉麟樓的月餅是其一好例子、黃子華的 standup comedy 又是 and 城城的舞(幼稚園式唱遊演唱會)、還有還有 。。。。。。!

L L 說...

卡卡:

新年快樂呀!




Inner:

正是正是!

不過由佢地咯,自由社會,咸池也有逐 X 之夫咯 XDDD

Hana 說...

新年快樂!祝新一年身體健康!平安喜樂!

L L 說...

你都係呀,花花,更祝你美麗勝昔,事事如意!

匿名 說...

开心死!今年新年礼物就係你呢一句:"哩個世界有乜嘢唔 Possible!" 最鈡意D人咁positive。

"I have a dream to help me through reality" 无夢不如死咗去!

祝楼上每一位天天见的网友新年快乐!

Coffee 說...

新年萬事如意!

Quality Alchemist 說...

Happy New Year 2012!

L L 說...

嗯,牛牛,新年快樂,有夢都成真!

L L 說...

Coffee:

大家都係呀!

L L 說...

QA:

新年快樂!

the inner space 說...

新年進步看多些好戲寫多啲文章blog務晶晶日上!

韻味熊貓 說...

校長:

你好少D影評講到咁滑稽,笑到我肚痛!

加埋D留言,認真搞笑!

祝你新年快樂!

L L 說...

謝謝 Inner, 戲還會多看啊,冇乜嘢做嘛 ^^

L L 說...

佛爺:

我想做老頑童,但就係怕英姑 XDDD