2012年3月9日星期五

原來超人個仔係傻嘅

綱上圖片

是日報章報道,城中超人個仔猛讚曾高官,說他「盡忠職守,做事正直及大公無私。又說曾經在公開場合與 高官 碰面及握手,發現對方手掌十分冰冷,原來當時高官正在發高燒卻仍堅持出席活動。超人個仔話這十分難得,如果轉換是他發高燒,他一定不上班。」

一個有城中富豪出席嘅公開場合,係乜嘢嘅公務活動呢?是特首辦?行政會?立法會會議?是高官走到不同的政府部門了解下屬工作?是高官走到籠屋劏房屋邨了解弱勢社群生活?

在一切貪婪、虛偽、假公濟私的鐵證都翻出來了,還可以厚顏地說高官「盡忠職守,做事正直及大公無私」?

於是我們知道,超人生仔唔一定係超仔,反過來隨時生個傻仔。事實告訴我們,在優生研究上,超人生超仔是不成立的。
.
.
.

14 則留言:

the inner space 說...

要測DNA!

卡臣 說...

一代富,二代嬌,三代妖

L L 說...

inner:

驗埋傻仔個腦,驗埋對眼!




卡卡:

一代超,二代蕉,三代夭

Terence Yun 說...

佢地一家話要離開香港投資第二度呀。
唔知邊度可以比佢地起多個天宇海呢。
點解個仔係咁,因為個老豆都係咁。
所以佢比幾多錢做善事都係假,一樣咁無恥。

L L 說...

個小小超我一早就"焚"佢,小超以前較低調,都無乜點,依家愈睇愈唔順眼。

北京唔俾超人做政協副主席個位,可能都睇到啲嘢!

Coffee 說...

「有幸」在這裏看到他這段文字,真係超幼稚!!

至於佢讚曾特首帶病工作,唔知嘅以為佢讚緊一個下屬。

韻味熊貓 說...

校長:

其實梁振英的政綱近似西歐的社會均富理念,不過現在香港傳媒就只是鍾情「挖污垢」,香港人就襯機用來發洩怨憤,根本失去了方向。

通古知今的新聞從業人員,竟然變成師奶一樣,聚焦在奚落之事,簡直讀壞書。

L L 說...

Coffee:

愛貪小便宜的曾特狗早已是富豪的下屬喇 XDDD




佛爺:

只能說這班富人政客傳媒都太幼稚太白痴。

希望梁振英的房屋政策不會因為討票而走回維護大地產商利益的老路罷。

Terence Yun 說...

中央早前在深圳開放改革三十年,胡錦濤都高規格約見李嘉誠,可見他仍然在中央眼中是重要的商人地位。單係佢李家在海外的碼頭同中國政府關係的密切,點會拒李於門外,只是利用的關係不同而已。
至於比個政協副主席坐,以他的歷史背景,並不如霍英東的堅實盟友,又不同如董建華的主樸關係,自然不會比個國家領導人級數佢坐。仲要想下如果佢都有呢個位,其他三大家族都唔會喜歡,亦未必可以平衡利益,這對中央都唔見得有著數,唔比佢坐領導人位實屬正常。

L L 說...

咁又係, 你既分析很正確 !

Unknown 說...

其實d錢多到10代都洗唔完,為何依然要賺到盡??

L L 說...

嘿嘿,有啲人病態愛錢,將錢作為終極追求目標!

Ebenezer 說...

全世界仲有邊處地方向超家咁傾斜?超仔一家要走,邊個蝕底D呀?!

L L 說...

超仔廢噏,佢鍾意咪走咯,大把人喉住啲商機,淨係大陸水,要搞哩個 700萬人嘅小城市,有能力者多到數唔晒!

可見哩條食濕米超仔,低 B 到唔恨!