2012年5月25日星期五

忘了自己是老人

我愛跟孩子抬槓,笑謔他們,氣得他們沒可奈何的;又愛跟他們玩打架,讓他們在我的手臂上亂搥,好使他們渲洩一下父親管控財政的專橫。晚上,他們會在我上網時睡到我的床上,言不及義,我就會伸手攻擊他們,玩角力,吆喝一輪後,我半真半假的力竭了,他們也就樂了。

我不愛穿內衣,尤其是夏天,我討厭那緊包著身體的感覺,我愛鬆開衣領下的兩粒紐扣,不要那無謂的拘束。冬天縱使嚴寒,我一般只穿是保暖內衣,襯衣,外套,四五層衣服絕不常見。

我愛穿那有破洞的牛仔褲,穿了三年多還在修補不忍丟棄的 尖頭皮鞋 。襯衣袖永遠捲到上臂。陽光下我還是戴上我那陳年  Ray Ban  , 卻不愛佩戴飾物,水晶手鍊生肖吊嘴戒指甚麼都沒有,我不用這些身外物去令自己有信心。

我不愛上茶樓,不愛大魚大肉,不喜歡用每天嘆茶去證明自己的消費能力和有條件享受晚年充裕。我也我逐漸不愛跟旅行團,而愛回到二十多年前的自己上路。

我不用花錢去佩老花鏡,沒腰痠骨痛,牙齒還好全是真的,心口比腰圍還闊上六七吋,每天上廁所的次數和時間都很正常。我幾年沒出入診所,不用降血壓藥止痛藥脫苦海撒隆巴斯。

我更愛步行,而且出名走得快。而當你還是很有速度的時候,年老,該還在很多里之外罷!
.
.
.
去年今日:高官議員,誰不垃圾
.
.
.

43 則留言:

陽光的戀人 說...

這分明充滿活力, 哪說得上老. 單是不愛跟團去旅行, 已經證明一點也不老.

L L 說...

呵呵,謝謝!

跟我差不多同齡的提早退休同事,卻有不少是有以上徵象的,我叫托賴喇!

Armadillo 說...

嗱嗱嗱,你咁講真係令我無地自容囉,搞到我似未老先衰咁!

L L 說...

haha, 你梗唔係喇,睇你整親頭嘅相,修晒身,冇一吋肥肉,渾身充滿力量,我那有一忽及得上!

the inner space 說...

就算:沒腰痠骨痛,牙齒還好全是真的,每天上廁所的次數和時間都很正常。幾年不用出入診所,不用服降血壓藥,止痛藥,脫苦海,撒隆巴斯。

我都想提早退休,趁行得走得,週圍跑跑,爬爬高,探探低。

難道等到遲到,腰痠骨痛,牙齒沒有了一半是真的,每天上廁所的次數和時間都很不正常。時刻出入診所,要服降血壓藥,吞吃止痛藥,貼著脫苦海,痴上撒隆巴斯,才肯退下來。

到果時週圍都唔使去,只是去醫院診所,做物理治療,住在老人院康復中心 or rehabilitation centre 囉!

L L 說...

你真係講出咗人生嘅悲涼!所以要儘可能保住體魄同健康,不要過早就透支了,弄壞了,到可以退休時,卻未能好好享受從人生崗位退下來的餘暇。

我有同事才退休兩年,但退休前幾年已是攬住藥囊過活,病患、勞損限制了他的人生,很苦的。

我還有幾年就退休喇,所以更要 keep 住心境與體魄,不然老來多病,沒有晚晴,人生就輸得太多喇!

卡臣 說...

校長
你邊有資格講老呀!
要講都唔該你排隊跟我後面啦

naruto 說...

我會想當年,係年老其中一項指標

匿名 說...

校長強項係時光逆轉!你單起隻都贏成條街呀!

自由

L L 說...

卡卡:

我大你十年過外噃,而且我仲有幾年就六張嘢退休,仲唔老?




naruto:

咁想當年哩家嘢我又常做個喎!唉,哩個指標我中!




小行:

哈哈,最好連金錢都逆轉就好咯,每月收入大過支出一百萬倍,就發達咯!

韻味熊貓 說...

校長:

有一位七十多歲的耆英,來了楓葉國五十年,跟子女只講英語。數年前問我倉頡輸入法,我頓感愕然!現在我跟他不時也有以中文電郵溝通。

我也是在加國自學倉頡輸入法的,但他七十多歲還可以學懂來打電郵,真是教我佩服。香港很多人也只用速成輸入法,要跳上倉頡,並不容易。原來他學倉頡輸入法跟我的動機一樣,認為手寫板太麻煩,速成輸入法又太多選擇。

這裡很少中文介面的電腦,而英文介面的電腦,就一定有倉頡輸入法。所以無論是視窗、蘋果或Linux,我也可以打出中文,而不需要任何輔助的。

我很樂意幫助身邊的人學習倉頡輸入法,但學成的很少,大部份人也半途而廢。然而該位耆英,雖然他的打字速度跟我差很遠,但我也要講個「服」字。

L L 說...

唉,我這耆英就太不長進了,很多年前已背了「日月金木水火土,竹戈十大中一弓」,但就是懶於拆碼,所以今日還用手寫板。

你的朋友有個不老的追求心,很好!

Jessica Chan 說...

果然寶刀未老!

L L 說...

但正如姜大偉說:最鋒利嘅刀,都有生鏽嘅一日。我只希望這天晚一點來!

雪山飛狐 說...

果然寶刀未老!x2

能够跟孩子亦父亦友,非常难得。在下当以你为榜样。

匿名 說...

"不愛穿內衣" 有穿内褲吗?

你笑死我了! 可以用這篇简介檔Resume寄去搵工吗? Or,,,,,, 搵老婆!!!!

L L 說...

Desert:

亦父亦友也有不好的,就是權威較難建立,在引導孩子方面是較弱的,中間需要很考功夫的拿揑。




牛牛:

不愛穿內衣但我可能穿了三四條褲呀!怕抵不住引誘去搞人,又提高被人搞嘅難度,哈哈,安全至上嘛!

揾乜工呀?阿伯男優? XDDDDD

匿名 說...

我D靈气估到你会答我「穿了三四條褲」 XDDDDDXDDDDDXDDDDD

L L 說...

haha, 果然係靈牛,唔夠你諗添,惟有 ....

著多幾條褲喇 XDDDDDDD

韻味熊貓 說...

校長:

以你的中文水平,要學倉頡輸入法,應該不困難。我也在學倉頡時,拾回很多遺忘了的中文字。

倉頡輸入法在上了手後,沒有拆字這回事的。手指放於鍵盤上時,已經可以隨心所欲了。

匿名 說...

哈哈! 其實所謂的靈氣,我觉得係「一点細心+一点小聪明」。

见到我就著條德国精製的鋼底横吧!Hahahaha

L L 說...

佛爺:

我知呀,我見到我校啲中文老師,打字好似識飛,我都羨慕架,但我又俾個唔去學嘅藉口自己,就係中文係寫架嘛!仲有我可以一邊寫一邊用左手執住女伴隻手,好似我以前揸車咁,呵呵,好梳肝架 ^^




牛牛:

見到你,我唔係怕你呀,係怕我自己咋 XDDDD

匿名 說...

噢! 牛牛好似变了H5N1,人见人閃了!!!!!

the inner space 說...

倉頡輸入法,我等半途出家者需要恆心,
自我投降後,改學谷歌漢語拼音輸入法,
現在的普通話進步了,
拼音輸入也手到拿來!

但仍然佩服佛爺能學到倉頡!


sPace 頓首 Orz

L L 說...

牛牛:

閃?梗唔係喇,係我怕控制唔到自己呀 XDDDD




inner:

谷歌漢語拼音輸入法?可以諗諗喎,但寫字時我隻左手都係鍾意揸住啲嘢 :)

Jessica Chan 說...

咁講法,校長寫d字一定好靚啫。

L L 說...

哇,得你咁講我又鬆毛鬆翼咯,即刻摷番啲不成器書法,獻吓醜先:

http://www.lau-long.blogspot.com/2008/07/blog-post_16.html

仲有一張硬係摷唔到 :(

韻味熊貓 說...

the inner space:

謝謝你的讚許!其實我先學速成,搞唔惦。再學漢語拼音,嘩!仲難,要識普通話。跟住才返回學速成。當速成上了手後,人心不足蛇吞象,嫌速成唔夠快,就再學倉頡。

the inner space 說...

》》但寫字時我隻左手都係鍾意揸住啲嘢!


我是數豆佬,日夜都要做 spread sheets,於是我咪改學了左手執“老鼠”囉,留返右手打數字,哈哈哈哈哈。

Jessica Chan 說...

哈......正如我所料!

L L 說...

佛爺:

輸入無礙,你的文思更如虎添翼,馳騁八方喇 :)




inner:

即係周伯通左右互搏喇,我就愛揸車時左手執著玉人之手,哈哈,我地同門啊!




Jessica:

kekee, 我都係覺得有啲醜醜地。

the inner space 說...

佛爺:我也曾經嘗試過去學倉頡不果唯有認低B改學拼音輸入。


嗬嗬嗬嗬!劉朗兄,愚弟駕駛寧棄 auto shift,愛改用棍波車。在港左手執波棍,右手頻頻轉駄,去到北美就剛剛相反。

一向為了小心駕駛,再無第三隻手,輕撫玉人一雙妙手。

L L 說...

haha, 其實都奇怪,我單手揸軚,曾經坐過旁边的女生都沒說危險。

呵呵,不過依家唔揸車,冇哩支歌仔唱咯!

the inner space 說...

嗬嗬嗬嗬!女生若覺得危險就會緊握着閣下之波棍矣!

文少 說...

難得你keep得咁好!

韻味熊貓 說...

校長:

我經常被人鬧諗野黐線,難得你不會訓斥我的文字,已心滿意足了。

韻味熊貓 說...

the inner space:

我諗每個人有不同的潛質,我學漢語拼音,拼埋條命都拼唔出字,一樣好低B。速成我反而可以打出一些字,所以才重拾速成。你對財經好熟悉,不可能是低B的。

the inner space 說...

多謝!佛爺厚道,
小弟對於財經事,
只識得一點皮毛,
談論財經的絕少,
為的是怕露了餡,
咁都畀佛爺瞰到。

L L 說...

inner:

哈哈,手忙腳亂,我驚佢地揾唔到 XDDD




文少:

我冇錢去豪食,又冇質素去夜蒲,所以仲 keep到吓咯!




佛爺:

哇,通過你嘅文字,令我相信情色愛慾的美好,人世間少個和尚,多個俗世男,讓成人用品店多了生意,你的功勞呀!

火女 說...

心境最重要!

L L 說...

嗯嗯,網爸最貪玩,有時個兩隻嘢都俾我激到氣結,但係就冇咗老豆嘅權威!

匿名 說...

點解男人總愛單手揸呔去開車ga?

你係咪好叻單手開車呀?


^oo^


L L 說...

哈哈,男人真係鍾意咁?

其他男人我唔知噃 XDDD

咁我係好叻架,輕描淡寫,扭大軚都可以單手!

但打後唔會喇,玉人安全最緊要 :)