2012年12月31日星期一

我和靚佬湯有個約會

.

唔經唔覺,睇靚佬湯嘅 〈鬼影約章〉 已經係一年前嘅事,真係歲月無聲,人生又揭去了一章。

今年這齣〈烈探狙擊〉,靚佬湯依然咁靚佬,肌肉不減,身手俐落,五十幾歲人沒絲毫老態,真係難得。

更令人滿意的是,電影少了綽頭,像去年新鮮熱辣的哈利法塔,鋪天蓋地的沙塵暴,可以滅絶天地的核子彈,還有那神奇手套,和高科技到家零一的林林沈沈 .......

換回的,是類近獨行俠,有人情卻又行事不依常規,不近人情的剛烈作風。沒有犀利武器,只有一雙鐵拳和不是應份有,隨時有的槍枝。好得很啊,那是脫離了職業特攻隊的竅不驚人死不休的巢臼,而走上了以曲折劇情,深刻人性去建構故事!

二三十年前的銀幕英雄都老態畢呈了,像史泰龍、阿力舒華辛力加,即使還有肌肉,都難掩鶴髮雞皮,惟獨靚佬湯能獨領風騷,一年一次約會,我是希望可以一直延續下去的!



呵呵,大除夕喇,祝各位新年快樂,樂也悠悠!
.
.
.

38 則留言:

the inner space 說...

合皮扭耳!新年快樂!

哈哈哈 我懶得連《孤星淚》都懶得不出門去看!

匿名 說...

佢真係keep得好好, 但係都keep唔住D老婆,佢好可能係超級自戀狂!

佛爺 說...

校長:

新年快樂!

我安裝了Windows 8,結果搞到兩日無覺好訓,最後要大清洗,洗太平地,全部程式要重新安裝.貪新的代價.嘻嘻!

匿名 說...

拍戲會唔會有執過?睇報紙靚佬湯都有老態。
Happy New Year!

自由

世純 說...

大除夕快樂 :)
之前睇過簡介,好似唔錯咁喎,打算遲D睇。

eric 說...

呢種冇花巧嘅動作片我最鐘意睇。

Jessica Chan 說...

靚湯又真係幾迷人嘅!(校長也不遜色呀)

祝校長新年進步,樂不可支,樂在其中^^

新鮮人 說...

真的回春了?
去年已覺他老態畢現了,
樣殘貌老,
動作也慢了。

卡臣 說...

你都keep 得fit. 祝你越來越fit!

蝸牛 說...

我都想睇。改編小說系列故事真係好啲?係就好可以有排拍,多啲好戲睇。湯依家已經係唯一一缐動作巨星。

the inner space 說...

新年快樂 合皮扭耳

貳零壹叁 耳目一新

laulong 說...

inner:

合皮扭耳!

君《孤星淚》唔係用唱歌,而係平常的對話,我想會更感人!




11:31匿名:

哇,Keep 唔住老婆就係超級自戀狂?唔好咁講喇!世事唔一定咁架,可能係個老婆一啲都唔值得 keep,又或者係個老婆 keep 唔住個老公呢!




佛爺:

新年快樂!

我好多時都抗拒新嘢,在諗,舊嘢好地地呀,做乜要搞新的,即係老婆好地地呀,做乜去搞新的 XDDD




小行:

Happy New Year!

咁一定執過嘅,前年嗰齣佢就明顯較殘,舊年嗰齣後生番!

laulong 說...

世純:

新年快樂!

捧靚佬湯場,即係等如捧我地啲中佬場咯,哈哈,謝謝!




Eric:

所見又同咯!

呵呵,新年快樂!




J:

咁快送新年禮物俾我喇,哈哈,我哩個超老中佬可真受落哬!

新年快樂 :)

laulong 說...

新鮮:

佢算唔錯喇,五十幾嵗人!




卡卡:

新年快樂,我就祝你舞臺長青 :)




牛兄:

用現成的,反而另見格調,哩條路好走,好過年年局限在成隊兵嘅格局兜圈諗偈!

匿名 說...

校長, 張相咁似兩年前果個乞丐帥哥既!

Coffee 說...

很喜歡看你家部落!

新年快樂!

laulong 說...

匿名:

對呀,我地好 friend, 常一起硏究怎樣穿戴 XDDD




Coffee:

謝謝,在門庭冷落的時候,有朋友來訪,實在太好 :)

Hana 說...

新年快樂!

快樂每天!

laulong 說...

花花,你都係,心想事成,天天開心 :)

Quality Alchemist 說...

Happy New Year
祝你和靚佬湯一樣,青山綠水不改變.

佛爺 說...

校長:

本來唔想多口,不過都要講.Keep唔住個老婆就係自戀狂?

兩性關係,不是養寵物,老婆或老公,是自主的個體,不是貓狗附屬主人,怎可以keep住來形容?俗世好多人唔知諗乜?

嘿嘿 說...

朗兄,

新年快乐!

久违了……

laulong 說...

謝謝QA, 長青不老實在太好,望大家如是 :)

laulong 說...

哈哈,佛爺,正是!

兩人結合,相互成為對方一部分,你中有我我中有你,不能説誰 keep 誰了,到了分開,只是一種不能再溶和的逆化學反應!

laulong 說...

嘿嘿:

新年快樂,清邁好逍遙啊 ^^

匿名 說...

當他的老婆在他的身上再感受不到愛就自然會離開, 他沒有給她們始終如一的愛, 說不定這是一開始就過於矯飾, 又或他後來太過吝嗇. 如果他珍惜寢邊人便不會這樣容易離婚收場.

新鮮人 說...

1962年生,
剛五十喳,
我就覺佢唔耐老了,
好殘。

laulong 說...

匿名:

離婚不一定是男方的錯,為甚麼一定是男方不懂珍惜呢?唉.......




新鮮:

我仲以為佢同我同年!

不過我都睇好佢,用這個形象拍多三五七年。



匿名 說...

我覺得湯佬太靚太紅太容易賺錢啦, 佢一定係自戀到不得了的(仲有矮男人好多都係自戀的).

匿名 說...

海報呢張相我覺得係45歲到啦, 講緊係著重儀容果D男人, 屋村佬地盤佬唔算.

雖然話東方人易keep d, 但梁朝偉睇落都over 45起碼, 劉德華, 梁家輝呢d更加比實際年齡顯老. 所以, 總括湯佬都係keep得唔錯.

Desertfox 說...

嗯,这个我也想看,之前看Skyfall的时候看了预告,喜欢那故事情节。

在这里也祝校长像Tom Cruise一样,宝刀未老。



新年快乐

laulong 說...

3:16匿名:

矮男人多自戀,未有統計數字。我只知道若矮男人領一代風騒,定有超強意志,拿破崙如是,鄧小平如是!




4:25匿名:

梁朝偉最近形象真給人垂暮了的感覺,劉德華嫌乾瘦!

若你再看看潘源良周啟生,就知道甚麼是蒼老。




Desert:

今次有劇情,可以帶動人思考,不俗!

新年快樂 :)

佛爺 說...

「當他的老婆在他的身上再感受不到愛就自然會離開 .....」

倘若女人有「躁鬱症」,經常無理取鬧呢?有幾多個男人會受得了?

laulong 說...

佛爺:

女人「躁鬱症」我領教過喇,爭啲俾佢摧毁!

匿名 說...

到底係"男人"「躁鬱症」, 定係"女人"「躁鬱症」? That is my question.

laulong 說...

男女都有機會!

佛爺 說...

校長:

此等精神異常,雖然男女皆有,但女人的數量是男人的兩倍.近期有不少「躁鬱症」的研究,但我無興趣看,加上華人對精神健康不感興趣,寫出來也無人問津.

laulong 說...

即係男人撞到個躁鬱症女人嘅機會高過女人撞到躁鬱症男人一倍,唉,我認命咯 :(