2012年12月18日星期二

那有長春子?

.

新鮮人那篇 〈男人都要保養〉 令我感慨萬分!是的,歲月如梭,年輕時根本不須保養,要出街嗎?沖完涼差不多可以像狗一樣,揈兩揈就可以了,那像現在,塗這塗那的,搞一餐才可以出門!

人老了,〈歲月虛榮〉〈賺十五年〉都只能騙騙自己,近一年來,感到自己每況愈下了,體重增了減不去,頭髮掉了不重來,最鋒利嘅刀都有生鏽的一日真不是說笑!

所以我已經沒本錢喇,一切,都是因為我已覺得自己不配。


是廿二歲罷,剛有了自己的單反,在灣仔舊居就玩起自拍來了,那時頭髮勁多呀。坐著的是我妹。

1980年 峨嵋金頂,那時面無四両肉,走 99 度拐上山,要幾 fit 有幾 fit!
82年在教室被偷拍 (明拍)?人生只此一次的電髮,嘿,頭髮可真不少,可以剪下來織頸巾!
依家玩完喇,胖了瘦不去,更甚者是:枝上柳綿吹又少,天涯何處尋芳草!你若說那是生命的步伐,咁我知我明!
.
.
.
.
注:長春子,長春不老之謂罷,歷史上以為號者即宋末全真教道士丘處機  丘處機為金世宗  金章宗  金衛紹王  金宣宗元太祖成吉思汗敬重,並因遠赴西域勸說成吉思汗減少屠殺而聞名。 道教歷史和信仰中,丘處機被奉為全真道  北七真 」之一,以及龍門派的祖師。 在金庸的武俠小說《 射鵰英雄傳 》和《 神鵰俠侶 》中,丘處機被描述為一位豪邁奔放、武藝高強的道士,這也使他更為大眾所知。
.
.
.

33 則留言:

匿名 說...

體重絕對可以控制, 看你有沒有節制. 頭髮倒是沒辦法, 植髮吧.

laulong 說...

我近來已吃得少了,但減不了甚麼!

植髮好貴呀,咪搞!

匿名 說...

千金難買心頭好!
更難得者是你一把年紀仍然有想頭.

laulong 說...

到我錢怎樣駛都不感壓力時才想罷!

而且,我好似漸漸冇乜想頭喇!

naruto 說...

身同感受呀,唉~

新鮮人 說...

丘處機自宮左架,
成世處男無用過當然青春不老啦,
如果早知可以,
你願意唔願意丫?

卡臣 說...

咁多頭髮, 大把貨賣呀

laulong 說...

naruto:

唔係喎,你 skin head 幾好睇吖!




新鮮:

佢自宮咗,咁哩個我唔知呀!太監都唔係青春不老架,除非佢另外練玄門內功喇 XDD




卡卡:

係咪架,咪氹我呀 ^^

匿名 說...

搞到我佳節當前都要感懷身世!

laulong 說...

嚇?乜事?

匿名 說...

吓, 乜你地唔係講緊甩髮咩?

laulong 說...

哦,我以為你講身世經歷。甩髮哩家嘢又唔係一定無得搞,若你比我後生就仲有機會!

naruto 說...

我未想skinhead住嘛

三冬茶有乜好架?

the inner space 說...

金庸寫丘處機都正面,
但尹志平就慘得多嚧,
一世被不辯歷史的人,
當作是淫穢的臭道士!

l.minor 說...

講完丘處機,我都諗完尹志平...哈哈~

頭髮呢家野,隨緣吧~

Jessica Chan 說...

最重要是保持心境不老,
即使老了,又有另一種的魅力。
看校長,就是一個很好的人版。

新鮮人 說...

話說佢年青時俊朗不凡,
很多女人迷倒他身傍,
仲成日要嫁俾佢,
又性騷擾佢,
搞到佢無法專心學道,
於是佢把心一橫,
引刀自宮,
以絶那些好色之婦,
加上全傳教的養生氣功,
自然可以青春長存了!

此說乃我高中時讀宋史時的中史老師說的,
他當時是專攻斷代宋史的準博士生,
所說的可信性相當高!

佛爺 說...

校長:

可以戴假髮,束腰封,打肉毒幹菌嘛。嘻嘻!

匿名 說...

"校長:

可以戴假髮,束腰封,打肉毒幹菌嘛。嘻嘻!"

佛爺, 這個可以改為: 可以植髮, 節食加運動, 淚光彩光加果酸護膚!

這些都是較根本性的治療, 可以收到長效的效果.

我昨天坐火車真的碰到個懷疑植了髮的中年男人,髮頂和前額明顯一撻撻的, 但真的長得很濃密, 如果唔係剪咗個近乎skinhead既頭, 真係唔會咁礙眼.

匿名 說...

"哦,我以為你講身世經歷。甩髮哩家嘢又唔係一定無得搞,若你比我後生就仲有機會!"

梗有啦, 可憐小女子遇人不淑呢.

當然, 我比校長後生多了.

laulong 說...

naruto:

清熱解感冒紓喉痛最好,但要長期飲才能怯病,我每天飲一包,五年來未因為感冒睇過醫生,即使作病了,也較輕微,拍幾粒幸福傷風素就搞掂。

中大研發,萬寧有售,買茶包嗰隻可矣。




inner:

尹志平真有其人,其實金庸應該另取人名,不能令古人蒙寃。




minor:

心態要隨緣,不過始終男人最痛,我都係死馬當活馬醫。

laulong 說...

J:

咁我心境真的不老,也幸於此咯。

一切,感謝你喇!




新鮮:

哇咁好陰功,一個俊男就這樣去勢!不過世情陰差陽錯,也令成吉思汗受他影響而少殺萬計的人,嗰班急色婦反而積了陰德。




佛爺:

我前老細織髮,過去十年未嘗穿崩,真係諗得過 :p




匿名:

兩位匿名同一人罷!是女生?

這篇貼文之後,我還是不會投降的,希望下次再放相時,減肥、增髮(真的也好假的也好) 都會有成果罷 :)

2chanze 說...

小弟跟你剛好相反,瀟灑少年時,其實手無博雞之力。近年頭髮近光,只因多了時間運動,顧鏡自賞,老而彌堅 :)

laulong 說...

2chanze:

老而彌堅,那實在好啊!

我都想有一天,忽然想去做 gym 了,譲鬆弛了的肌肉可以重回!

Coffee 說...

今天永遠都是打後日子最年青的那天,這對一些來說人可能有點灰,今日都不年輕了,那來日自然更老去,但對有一些人就不一樣了,深明活在當下絕不是說說而已。

laulong 說...

活在當下,對!

不避過去,擁抱現在,憧憬未來,我常這樣想!

naruto 說...

萬寧得健康工房有三冬茶,有分感冒/清熱兩種,日日飲係咪清熱果隻?謝

匿名 說...

傷風係咪唔食得橙架? 我只會戒口辛辣油炸食物,所有生果蔬菜都照食, 同事見到會好奇怪.

laulong 說...

naruto:

感冒的是沖劑,清熱的是茶包,我日日飲的是茶包,沖劑未飲過。

茶包好香架,正!




匿名:

若有咳,就不能食橙,尤其檸檬,更加要戒絕,唔係咳到你死!

辛辣油炸,平時都要少食!

匿名 說...

校長:

放心!你企出黎似我同學多過似亞sir. 我班同學似亞sir 多過似同學。仲有不要食太少呀,一陣餓暈就樣衰!^^

自由

laulong 說...

>>我同學多過似亞sir. 我班同學似亞sir 多過似同學 ......

你因住俾人揼呀 XDDD

放心,其實我哩排真係貪食咗,時時都 lam lam 脷,hahaha, 仲樣衰...

匿名 說...

Lam lam 利?亞sir 真正身份係食家!^^

自由

laulong 說...

呵呵,lam 完脷發覺個肚又脹咗 XDDD