2008年9月21日星期日

交通差之二

.
有個星期六,揸部車去中環郵政總局接個女人。上落客區停滿晒車,無位,硬住頭皮要兜喇,但要兜個圈大到無倫,出番干諾道中,上紅棉道天橋,落番皇后大道中,畢打街,入番康樂廣場道,哇,你話唔煩就假。

兜咗兩個圈,個人都吽吽地咯。第三個圈終於見到個女人喇,都係無位噃,咪駛入少少,諗住個轆責住條雙黃線,個女人上咗車就走人喇。蓬一聲車門閂咗喇,我昅一昅睹後鏡,咪鬆 brake扭軚走人咯。就喺哩個時候,我喺睹後鏡見到隻鐵馬啱啱轉入康樂廣場道,距離我架車五六十米左右。

當時諗,其實個轆有冇責住條雙黃線我都唔知個喎,不過唔理喇,都走人咯。慢車去到康樂廣場道干諾道中燈位,紅燈咪停車咯,排頭位。哩個時候架鐵馬駛到喇。

佢停咗喺我右手邊,示意我按低車窗,我先至知道係個差婆。

我問咩嘢事呀 Madam?佢話先生,剛才你喺雙黃線外停車上落客喎。我話唔係呀 Madam, 我駛咗入去個喎。唔係個轆入咗就得嘅咩?

佢話見到個轆無入噃。我話唔係呀,我揸車咁耐唔知個轆有無入?而且我喺睹後鏡見到你啱啱轉入嚟,幾十米遠,你睇得咁清楚,唔係呀?

佢一時語塞,無聲出噃。我細意睇吓佢個樣,姿色麻麻,我心諗,靚啲就話同你嗲多兩句啫,而且個女人又坐喺身邊。哩個時候轉黄燈喇,我問 madam 咁我依家點呀,開唔開得車呀(後邊成排車)?

哈,你估佢點答我?我聽到都打個突 .........

佢話,好,你以後唔好喺中環灣仔比我見到你!

吓,玩威脅牙?警務人員威脅良好市民?我頂呀,不過見後邊成排車,咪費事玩佢咯!

嘿嘿,我喺灣仔住咗、蒲咗幾十年,叫我唔好落灣仔?不過打後都見唔到哩個差婆 lu. 其實我唔想贏架,假如佢靚啲 !
.
.
.

53 則留言:

Hana 說...

靚人真係着數啲?

haha, No.1喎

L L 說...

Hana:

冇出街?真係快喎,我都做咗你嗰邊 no.1 喎!

shizuoka2002 說...

雲煙兄:

仲記唔記得個UI no?

使唔使我同我個大學同學單番聲?

Daniel.

L L 說...

Daniel:

算喇,小妹妹黎啫!

我對女人最寬容,尤其靚嗰啲,啱啱出黎做嘢嗰啲!

佚名 說...

嘜爺爺咁偏私ga...咁樣唔得個wow!唔公平個wow!!

卡臣 說...

你靚仔唧!

L L 說...

乖孫:

爺爺好公道好公道架,我啲子孫牙徒弟牙,都錫!

仲有個我所愛嘅,我仲錫到上天落地,錫到燶燶燶!

L L 說...

卡卡:

個差婆呀,嬲到咬牙切齒,我覺得佢...哈哈,佢想扯爛我件衫咯,哈哈哈!

佚名 說...

爺爺:
爺爺好公道好公道架,我啲子孫牙徒弟牙,都錫!
-->哦~咁我地呢班子孫徒弟咪好幸福~~

仲有個我所愛嘅,我仲錫到上天落地,錫到燶燶燶!
-->哦~錫到上天落地0.0...
↑>3<
↓>3<
都幾累下...kaka:p

Midnight Singer/ 午夜歌手 說...

我都覺靚係著數D
有個"款"又升得快D


出黎做野幾年都可以好可愛啫!!

匿名 說...

全篇最正係.....
"你細意睇吓佢個樣,姿色麻麻,我心諗,靚啲就話同你嗲多兩句啫"
"而且個女人又坐喺身邊"

咁短時間都可以"目及"得咁清楚, 仲要個女人o係身邊, 可能都唔發覺你"目及"女o個下先功力深厚...佩服佩服~

eric 說...

係燈位,又要顧候面既車,又要諗對答,又要"目及"女,又要留意身邊既女乘客....

劉兄好嘢!我呢個小朋友又學到嘢啦。

匿名 說...

鐘意睇俊男美女,人之常情,所以個樣靚係着數d。君不見時下歌星五音不全唔緊要,最緊要靚。

流浪,好彩差婦個樣麻麻,唔係你邊度疾得落口!

L L 說...

歌手:

>>出黎做野幾年都可以好可愛啫!!

梗係!仲有你記唔記得三年前你面試呢,嗰時你都係啱啱出黎做嘢呀!

篤篤篤撐 說...

o甘容易就打發到,
又蠢又唔靚又想攞威又唔識攞威,
警界之恥ar~~~

L L 說...

小佚:

錫到上天落地係攰啲,不過夠激呀,成個周星馳咁!

L L 說...

小行:

你師傳手胍唔粗但係條眉粗,打交唔精但係對眼精,可能自細要清楚條路免得踩 dog shit,大個啲又女免得比人笑和尚仔掛,所以對眼呢, hea hea, 唔係講笑!

L L 說...

Eric:

哈哈,嗰次都算經典!不過後邊啲車見白蚱做緊嘢,都冇砵砵!

L L 說...

篤撐:

哈哈,你又講得啱喎。

>>又蠢又唔靚又想攞威又唔識攞威...

佢初出道啫,小妹妹,到依家可能佢已經唔係人咁品喇!

L L 說...

巴黎:

如果佢靚,我咪食小小豆付咯,小小咁多喇,隔離始終都係有人嘛!

話唔定我抄佢牌呀,哈哈!

佚名 說...

歌手:
我都覺靚係著數D
有個"款"又升得快D
出黎做野幾年都可以好可愛啫!!
-->咁又係,就輪到講「同人唔同命啦」!!

爺爺:
錫到上天落地係攰啲,不過夠激呀,成個周星馳咁!
-->仲夠誇tim ar!kaka

匿名 說...

師傳:

我就成日行路都唔睇野.好多時都係俾人兜口兜面截住我先睇到.有d人仲犀利, 對面馬路已經見到呀!

匿名 說...

靚就梗係著數d,去街市買o舊差燒都大o舊d.
不過樣貌平凡都唔緊要,最緊要識玩手段. 我公司都見唔少觀音兵.

說...

嘿嘿!人地想藉口囉你既聯絡之嘛

btw我揸左咁耐車真係唔知原來果d情況下個轆係唔可以責住條雙黃線

香港d交通規則呢真係匪夷所思

laulong 說...

小佚:

有研究話越高的人收入越多,又喺真嗰喎。靚仔靚女著數啲,梗架喇!

laulong 說...

小行:

帶眼識路吖,咪撞腫個鼻!

玩手段梗係犀利,有埋靚樣玩手段,仲犀利,殺晒呀!

laulong 說...

邪王:

應該喺個轆責住條線就不當犯例。我依家未揸車 lu, 就唔同啲交通例同交通差打交道!

佚名 說...

爺爺:
有研究話越高的人收入越多,又喺真嗰喎。靚仔靚女著數啲,梗架喇!
-->靚女同靚仔梗係多人照住啦...有邊個唔鐘意靚既ga!
不過唔知點解我鐘意睇靚女d...但我唔係變態ga!!...kaka...咁「強調」法...好似自認係變態tim:p

記得今年開學頭 ms講過會計其中有一個職業好正ga!每個鐘有$1000人工,如果斷job計最小二百萬,最多可以有二千幾蚊收入,聽到0.0突眼同閃眼啊!!

火女 說...

個樣靚d果然有著數!!

匿名 說...

師傳:

>帶眼識路吖,咪撞腫個鼻!
係既..係既..唔好乘機o係街襲擊我呀!

>玩手段梗係犀利,有埋靚樣玩手段,仲犀利,殺晒呀!
唉..有時睇到都眼火爆架.不過一個願打, 一個願捱,講又講過,佢要死..唔通唔俾佢死咩?

SillyCat~ 說...

Wow! What can I say...XDXD

ot:唐古拉山晨光好正ar~

若缺齋老人 說...

搵youtube! XD

匿名 說...

Norman,香港警察由散仔到阿頭都不濟啊,除非你77年當了差喇,haha.

L L 說...

>>每個鐘有$1000人工,如果斷job計最小二百萬,最多可以有二千幾蚊收入

吓,小佚,咁荀!容乜易變富婆!

L L 說...

女女:

世界就係咁架喇!正常卻不太健康!

L L 說...

>>一個願打, 一個願捱,講又講過,佢要死..唔通唔俾佢死咩?

小行,咁嘅情況,由佢喇!

L L 說...

阿 Cat:

多謝你呀!

其實張相原本係直度,不過我冇好好保存,有霉。轉橫度,唔駛執咁多!

L L 說...

齋兄:

好多年前喇,嗰時都未有 youtube.

不過算喇,過得自己過得人,真係要抝,都係教訓吓佢算數!

L L 說...

吾兄:

假若我那時當咗差,生命軌跡完全唔同晒喇!人生命途,一子全易!

佚名 說...

爺爺:
吓,小佚,咁荀!容乜易變富婆!
-->係啊!聽完對眼變左$.$ ar!!
但唔知點入行呢??發錢寒中...kaka

匿名 說...

如果當年無去法國讀書,我既人生,也應該另有景象。

想起Sliding door這電影,兩個不同的命運。

eric 說...

如果當年冇移民,不單是人生際遇,就連性格都會好唔同。

匿名 說...

嘩! 呢張相係咪下期times 封面呀?

L L 說...

haha,小佚,你大把青春,有排抓銀呀!

L L 說...

巴黎,Eric:

所以人生好慨歎。一點一滴都在塑造回來,不過無論怎樣,逝者已矣,今日的形態必須接受,一切得失,盡在寸心之間!

L L 說...

小行:

你不知道有本青山月刊嗎?報道傑出院友,下期封面係我呀!

匿名 說...

我梗係唔知呀! 我又唔係院友~
不過...你寄本黎睇下得唔得?

Midnight Singer/ 午夜歌手 說...

唔睇一日咁多POST...
TO LAULONG
梗係!仲有你記唔記得三年前你面試呢,嗰時你都係啱啱出黎做嘢呀!
<---嗰時好白痴咩?

如果佢靚,我咪食小小豆付咯,小小咁多喇,隔離始終都係有人嘛!
<---點食法先!

佚名 說...

爺爺:
haha,小佚,你大把青春,有排抓銀呀!
-->希望啦^^

歌手:
嗰時好白痴咩?
-->哦~咁要睇下先知啦...hehe

L L 說...

小行:

青山月刊班編輯都係傻架,下個月出唔出到版都未知!

L L 說...

歌手:

距離啱出來做嘢,三年不長,即係話仲可愛噃!

L L 說...

小佚:

唔駛睇,歌手好叻,只係形勢不就,有 d 困難!

佚名 說...

歌手:
唔駛睇,歌手好叻,只係形勢不就,有 d 困難!
-->梗係啦!歌手wow...叻女來ga...好似係度介紹自己個女咁:P
歌手加油!!!!!