.
不賭還是最好的。想想為甚麼有人開賭，因為開賭一定贏，那麼誰輸了，去賭的一定輸，尤其是長賭。
賭一定輸，那麼還要賭？那就是為了樂趣，去考眼光，考博奕，驗證自己的思維。從這目的出發，你實在毋須要押重注碼，因為沒可能靠賭致富。上面不是說過，賭錢一定輸嗎？嬴的永遠是開賭的那個。
老生常談是小賭怡情，每個月用你收入的幾個百分點去賭，即使全輸了就當作娛樂費，而且注碼不大，人就不會精神緊張，不會歇斯底里，這才是享受。
我是有賭的，但賭得不大，用的時間也不多。每個月奉獻馬會的很少，有時甚至低至不足收入的一個百分點。付出不多，但我非常享受那思考和驗證眼光的過程。
昨晚世界盃開幕，兩場我都押中了，但你會笑我投注那麼少？是的，因為這樣我才不會在長途的博奕裏輸得多。
於是，我永遠是一個愉快的博奕者。
.
.
.
去年今日：他不想死
.
24 則留言:
小赌怡情，大赌伤财！严重的话还会造成家破人亡……
果然懂得生活情趣，这样才有意义。
係呀，嘿嘿，不過這體會也是要輸過不少才能獲得，原來我的交學費就是讓我明白這道理。
>>你用不了收入的一個百分點。
嗨，你收入的一個百分點可以是很多架，校長是高收入人士吖嘛！:p
唔多噃，就算＋萬元一個月(我梗無),百分一只不過一千元，真的很少呢！！
我從來唔賭波, 因為押左注, 就唔可以客觀欣賞; 至於賭, 除了初睪業時喜歡和同學打麻雀之外, 真係完全冇興趣賭
我應該係冇賭性既人
篤篤：
唔賭最好！我見唔少賭到周身唔掂嘅人，能自我控制嘅人畢竟唔多。
我雖然買波，但反而唔睇波，只係今日頂唔順個仔才訂番有線。今日頭兩場都估中，南韓羸同阿根廷贏一球 ^^
>>付出不多，但我非常享受那思考和驗證眼光的過程。
原來這就是賭最吸引人的地方！
係呀，世界盃頭四場我都估中，好有滿足感！
＞＞我應該係冇賭性既人
嘿嘿，你話班房中人邊個會信你呢番話！？
嘿，我則喜歡非常理性地賭。
CM：
非常理性地賭，我都係，我甚至同學生講自己博彩嘅態度，分析賭的性質，贏嘅或然率，同賭嘅遺害。
依家有啲嘢拑唔到架喇，好似青少年嘅性隨便，只能夠教佢地將負面影響降到最小！
咦？睇黎佢地都係學緊我同你，好理性咁賭喎？（拿，妹妹仔，唔洗驚喎，開心咪得囉，唔會有事既....）
依家調番轉呀，係： 哥哥仔，唔洗驚喎，開心咪得囉，唔會有事既....
我真係間接聽到係女仔鼓勵男仔搞。
拿拿拿，女 blogger 咪插！
嘩，弊弊弊！
原來我out得好緊要！（要調整一下博弈環境先）
hahaha, 我都唔知係慶幸自己出世遲，還是可惜自己出世遲！
同感同感。
咁有啲定力差，心態歪嘅年輕老師都衰咗，睇黎都係早出世好，我成舊朽木，安全呀！
衰人... 你提起，查實我... （zipped）
kakakaa, 我翕咀...
查实係吾係你睇到马来西亚赌波争论有感而发写的？
Fair 仔：
冇呀，不過嗰邊係明禁賭，實可賭架係咪？
我地有３间合法嘅六合彩，４D， ３D公司。 又有彩票公司，仲有CLUB入边嘅老虎机， 云顶赌场（唯一合法赌场），赛马。
除左赌波，赛狗，斗鸡非法之外赌法都算几齐全下。
没有好似香港嘅麻雀馆，但如果系会所／会馆赌，私下计数，执法人员都很难捉。
哇，賭嘅花款仲多過香港好多，我諗大馬嗰边病態賭博唔少喎！
所以先有赌波牌照唧争论。
有病态赌徒实有大耳窿，人伦惨剧接踵而来。再黎多笼赌法仲得掂？
须知大马回教徒不能赌，可以合法赌博唧人数只有几百万人。华人人口６００万加上印度人１５０万，既係７５０万当中包括未成年人。同香港人口咁上下。
可以讲除左香港人＂过大海＂之外， 马来西亚人对赌博花款种类唧比例係高过香港人。这对于＂回教国家＂来讲係种讽刺。
Fair仔：
大馬雖係回教國家，但長久以來滲合了華人文化宗教特色，不像中東、南亞回教國家那樣原教旨。這是文化形勢使然啊！
發佈留言