2010年11月24日星期三

日月潭那夜

儷山林哲園 是一間很有味道的酒店,大堂與客房的主體建築由台灣特有的 紅檜木 建造。一入酒店,你就會嗅到那木的香氣。酒店臨水而建,有專用碼頭。餐廳就像水榭,瀲灧的水波就在你前面湧盪。

那天,到酒店已然入夜,天還飄著時有時無的細雨。上房間安頓後就走到碼頭去,昏黃的燈光下那一個寂然的浮台,旁邊泊了兩艘遊艇,波聲寥落,湧動輕微,望遠是日月潭的那一片黝黑深遽。











.
.
.
去年今日:瘦與爆
.

24 則留言:

the8 說...

間酒店好有特色呀!全木制的!

但我好衰格,一見到個 topic 以為是艷遇,喇喇臨的入嚟昅嘢,雖然無我期望的嘢睇,但見到啲相又覺得好吸引!(而且一見到兩張雙人床,馬上喎河了!)<- 我真係好咸濕麼?

睇完佢個網址,價錢又唔貴喎!有機會自遊行的話會諗諗佢!

L L 說...

kaka, 我都想講,只可惜那夜不能同佳人一起咯,浪費了這樣的一個浪漫環境。

值得去呀,下一篇貼文寫這裏的日景,很美的!

肥貓 說...

只看的交字也覺得酒店很值得一去, 再看照片就更有好感, 其實去過台北幾次, 不過沒有一次像上個月一樣, 回港後那樣懷念台北!

L L 說...

一個地方能令你懷念,就是好地方!

台灣能令人接受,甚至鍾愛,就是因為她的質樸、自然、不暴發、不驕矜,人與物,都是這樣體貼溫煦的。

S 說...

校長,比你寫到真係聞名不如見面咁喎,我只到過台北,有機會要去見識見識!

L L 說...

SKII:

日月潭值得去,儷山林哲園更值得住,你會喜歡她的!

新鮮人 說...

樹香、花香讓鼻子感受大自然的清香,
木樓梯、玻璃天窗給眼睛抺上無限浪漫,
此景此情,
人未醉心已醉!

naruto 說...

木屋區喎

Mag Yip 說...

laulong..

真是一個好地方,
有機會都去往吓先!!

L L 說...

新鮮人:

此景絕美,此情何極,只是那夜旁邊就是沒有個可人兒,辜負了一個良宵。




naruto:

kaka 這木屋區,我住一世都願呀!




Mag:

我再貼第二天早上在水湄所拍之照,你會更歡喜,不是我拍得美,而是她本就是美!

Ebenezer 說...

好淒清...

韻味熊貓 說...

校長:

全木造酒店真係好夠氣氛呀!兩床皆備,只欠春風!嘻嘻!

largeheadboy 說...

好溫暖的感覺!
床上啲花瓣咪要瞓之前攞開佢囉~

i.c. 說...

很別致的旅館!點進去網站有外殼的照片,很臺灣的味道~

L L 說...

Eben:

咪爆我嘅感覺出黎喇,講得咁鬼準 :(




佛爺:

春風問邊個借吖,唉,真係春都唔春吓!




大頭仔:

咁酒店同間房嘅感覺真係暖嘅!

那些玫瑰花瓣 (哇你好眼利) 我咪攞去枱面放咯,爭啲攞去葬花添呀!




Ingrid:

住得過,因為喺水邊,哩類酒店該已不能再建,感覺太正!

Coffee 說...

>>爭啲攞去葬花添呀!

笑死人咩!校長大人扛住把小鋤,挽住袋花,邊行邊吟林妹妹,扭下扭下...(小心喎)!

L L 說...

haha, 乜你講到咁鬼乸架!男人葬花,可以好....好灑脫架!

the8 說...

>> 男人葬花,可以好....好灑脫架!

對對對,可以好 man 咁將啲花塞入口,一路0趙一路大叫『好走!』,最後以咀角沾著一片花瓣結束這個晝面。

諗起都覺得掂!

L L 說...

no no no, 係男人脫去外衣,露出健碩嘅二頭肌、三角肌、胸肌,用起腱的手臂拿起鐵剷,叼著煙,掘個深兩尺的洞,然後把花瓣一把撒進洞裏,仰著頭,把香煙深吸一口後,凝視洞口三秒,接著把煙屁股用手指彈進穴裏,接著三剷就把穴填了,取回外衣,便頭也不回地回去...

um, 諗落都覺得掂!

自由行 說...

間酒店真係好正, 發個夢都甜d!

L L 說...

haha, 但那晚我可沒有綺夢咯 :(

eric 說...

細個時去喺住喺涵碧樓,有啲舊舊哋。而家好似翻新咗。
最記得喺湖中撐艇仔。好似喺有個月下老人島,唔知有冇求下姻緣呢。。。

Terence Yun 說...

酒店超正。

L L 說...

Eric:

涵碧樓仲喺度,但據導遊講,已退到較下風了,有一兩間頂級嘅,我都噏唔出名咯!

月下老人島仲有個故事,九九年地震,島上嘅寺塌晒,但月下老人像神奇地在廢堆外矗立,絲毫不損,像被人在地震前搬了出來一樣,好神奇吖!




鹿米:

真係正,我再貼埋早上所見,你會更歡喜 :)