2010年11月3日星期三

S

不是說女人的曲線,而是說某些人走路的姿態。

今天午飯後,以一貫的中快步速步行回校。走著,見前面有個小夥子一邊走一邊聽手機,在窄而斜的行人道上狀甚優閒地慢速前進。我趕上了,想從他左邊的空位超前,他卻忽然把軌跡移向了左邊。那我自然轉向他右邊了,正想超前,他又忽然移回右邊。我心裏已經嘀咕,搞啥呢?接著我唯有再移到他左邊去,嘿,他竟又移到左邊去!

我真是有點光火了,搞攔截嗎?瞄瞄這個大專生模樣的年青人,看樣子該是聽電話聽得入神,而且聊得很愜意啊,身體便左往右去的,軌跡常變,竟完全忘記了這路是還有其他行人的!

好,忍你,看你也不是故意的,我正想再移到他右邊去,他卻左轉走進了前面建築物去了。前路廓清,我舒了口氣,自然長驅而進了,但他的 S 型線路,卻令我在午飯後憋了淺淺的半肚子氣。
.

26 則留言:

篤篤篤撐 說...

踢9佢la....

laulong 說...

kakakaka, 篤篤,我雖未致起腳,但經過他身旁我真係 ung 了一句。

Ebenezer 說...

佢會唔會係索咗K?

laulong 說...

睇佢背面同側面都唔似,不潮不惡不暴,似一個不太戇居嘅戇居仔多啲!

Coffee n Tea 說...

哈哈...我有寫過呀!就係因為俾激親,都唔知佢想點?左又唔係,右又唔係。

Armadillo 說...

係呀,我行得比較快,所以都成日遇到呢情況。人又真係好,好似有後眼咁,可以封殺得咁準!

laulong 說...

haha, Coffee, 咁睇黎哩類人唔少噃!如果真係可以 kick his/her ass 就好咯!

laulong 說...

Arma:

哩啲係另類嘅梅菲定律,總係咁啱俾佢封到。仲有一種行得慢嘅又係激死人,阻鬼住晒!

l.minor 說...

你還算好,我好像每天也會遇到一個這類人...

巴黎旅客 Voyageuse de Paris 說...

哈哈,我不會忍,會開聲囉!

laulong 說...

Minor:

咁睇法,S 一族已成了一個人數不少的群體,睇黎學校教育都應該要教埋行路的道德守則喇!




巴黎:

如果個 S 男唔係轉咗入去個建築物,我真係會出聲架,打籃球咩, flick 左 flick 右!

Coffee n Tea 說...

我就唔kick his ass喇,費事益佢!

哈~?

梗~係!

不過我次次都幾乎忍唔住要出聲咁滯,啲說話已衝到嘴唇邊,「喂,你企定啦!」
我已將行路人士劃分出三大類,第三類就係要捉去受訓果類。

minor︰

你每日一個,我雖然深表同情,但實在好好笑,我笑ing!我擔心你有一日忍無可忍,真係一嘢kick出去。嗱,我而家提醒你先,你kick出去時,記得講︰我無你咁識扭「史x花」吖嘛!(講笑)

laulong 說...

Coffee:

若果嗰啲係士弗鬼,kick 佢咪即係益佢,但又真係好難喺嗰刻分辨咯,總之遇到哩啲 S 族或者慢過鬼嘅蟻族,就一個字:煩咯!

naruto 說...

都唔係剩係後生仔,好多人都行到移下左移下右。。。。我成日覺得似打機,行到去,佢就block你

laulong 說...

係呀,我尋日放學至俾個阿毛撞到個膊頭,本來佢有佢軌跡,我有我嘅,就係因為佢失驚無神走歪少少,再加埋無情情擰頭就撞到喇!好彩佢冇事,唔係我都唔安樂咯!

肥貓 說...

我也超討厭這些"阻往地球轉既物體"!!

不要為這些物體憋氣, 因為他們的數目實在太多!!

naruto 說...

我早兩個星期踢到阿婆枝拐杖(我已經唔係行得快,兼有少少距離,枝拐杖突然伸左係我隔離),我無仆,佢仆,我直頭雙手攬住佢,佢先無跌,嚇到我吖

l.minor 說...

真係要教育下d新一代,路窄幾個人平排行,S型步法,行行下突然回頭真係日日總有一個係我左近,靠你啦!

Coffee:
我日日總會遇到呢類人,kick就唔好,浪費氣力,最多行過怨佢幾句洩心頭憤~:p

laulong 說...

貓姐:

仲有嗰啲打橫一排,又慢慢行嘅堵族,塞晒成條行人路。最無奈係路边有圍欄,不可以兜出去。冇圍欄兜出去又有俾車撞嘅風險,真惡頂。




naruto:

哇,好險呀!第時行路見到阿公阿婆就要打醒十二分精神,我都要及少啲女仔咯,唉!




minor:

會架喇,我會揾機會教吓啲細路,其實仲有好多,好似男生用厠所嘅守則呀,都係要教。

舞了 說...

laulong,

你去我個網誌度係咪有咩想講呀,

我文章得不好, 請常來指教下呀

laulong 說...

以前常有睇,以後都會架,網友相互支持吓嘛 :)

黑人 說...

呢類S形步,有可能係佢步姿本身不正確,幼時腰背沒學到正確姿勢

傾電話時relax了,於是步姿問題就大幅突顯出來

laulong 說...

黑兄:

我多希望前面行緊的是個體態 S 型,又行緊 S 軌跡嘅美女,待我被她擋著時深嗅她的髮香...

但最衰不是呢,是個宅男的腰背呀,陰功!

SKII 說...

噢,我用S做自己的代號,咪無端端自動對號入座咗?不過話時話,我成日遇倒呢種S型人,至憎! >_<

laulong 說...

SKII:

如果我講個 S 係你,就一定讚你架喇 ^^

SKII 說...

哈哈,校長,在此先謝過! ^_^