小時候玩夜光珠，有一顆就已如獲至寶，眨眼間迄今已久違了近半世紀，想不到今次在台灣可以買到。回港後，我說要拿一兩個送人，兩隻化骨龍即喊打喊殺。唉，就範，下次有見到好的，買了就藏起來送人，免得俾哩兩條友打腳骨！
.
.
.
去年今日：校長賭馬
.
2010年12月7日星期二
台灣購物之公仔篇
自細就喜歡公仔，較大就愛看公仔書，這興趣一直維持至今。這次去台灣，兩隻年紀已不算小的化骨龍嚷著要老豆買手信。又好，反正睇公仔買公仔是我的所好。去到景點購物點，我都特別留意，結果發現了像 the8 的公仔，又有神似我那蠱蠱惑惑小兒子的小黑炭頭。而第一個頗靚仔瀟灑的我希望我大兒子係咯，可惜佢仍然不肯修身，睇黎正向肥版宅男進發，真要氣死我這個二打六老豆！
小時候玩夜光珠，有一顆就已如獲至寶，眨眼間迄今已久違了近半世紀，想不到今次在台灣可以買到。回港後，我說要拿一兩個送人，兩隻化骨龍即喊打喊殺。唉，就範，下次有見到好的，買了就藏起來送人，免得俾哩兩條友打腳骨！
.
.
.
去年今日：校長賭馬
.
小時候玩夜光珠，有一顆就已如獲至寶，眨眼間迄今已久違了近半世紀，想不到今次在台灣可以買到。回港後，我說要拿一兩個送人，兩隻化骨龍即喊打喊殺。唉，就範，下次有見到好的，買了就藏起來送人，免得俾哩兩條友打腳骨！
.
.
.
去年今日：校長賭馬
.
訂閱：
發佈留言 (Atom)
23 則留言:
看見你地父子關係咁好真係好替你地開心
以前細個有夜光珠仔，我地會用嚟穿條頸鏈架~
第一個靚！！
夜光珠！上次去澳門買過回來玩，但是怎麼我的夜光珠不會發光？難道要吸光？
可惜佢仍然不肯修身→點解呢？瘦些少不是比較容易買衣服嗎？哈哈，可能他需要一個明確的目標－像我之前臨去prom都要減肥啦....
校長：
估唔到你鍾意這玩意！狗狗、樹熊和其他，隻隻造型都好可愛！
你大仔再大d 追女仔時，就會自動自覺修身架呀！
自由
喜歡公仔的人都是有一份童真, 你兒子也喜歡嗎?
如果兩父子同一時間喜歡同一個公仔, 會唔會 "打過".
那個佩刀的，是否似你^^
能夠把自己的興趣保持下來很難得,
不管是宅男還是宅佬,
自己開心家人又開心已經很好了。
幾時有台灣靚女相睇??
校長：
童心未泯乎！
好喜歡那隻koala!
大頭仔：
我同兩個仔成日互窒，仲不時玩講手，不過哩年零我開始有唔夠砌嘅感覺 :(
Coffee：
你個小朋友靚仔多了，這公仔應襯佢 :p
婉兒：
要架，要吸光，你將之放在光源下一會，吸了光後放在暗處才會發光。
個肥仔鍾意打機，所以死得！我以前就鍾意打波，要打得好，又愛新潮，所以唔肥，唉佢就係冇哩種目標！
小行：
佢中一二時直頭有女同學主動追，我仲曾經喺佢地學完跆拳後揸車送個女人番屋企，唉，俱往矣，我依家驚佢做齋公呀！
貓姐
佢地都喜歡架！
haha, 我地打交唔講理由架，行過睥兩睥就砌起上黎架喇 :p
Eben：
我又真係喜歡刀架，不過嗰個梗唔係我喇，我哪有他的線條呢，你看他的三角肌，哇...
新鮮：
咁又真係開心嘅，的公仔造形線條真係好正，只可惜屋企唔方便放啲女嘅^^
Sun：
冇呀，冇影到台灣靚女，驚俾人打呀。有時喺街都見到一個半個，但又真係唔多喎，舉机更加冇咯，要你失望喇！
佛爺：
kekee, 我好鬼貪玩，成日喺屋企撩是鬥非，揾日靜雞雞 tar 左啲公仔，睇吓佢地有乜反應先，冇反應就留番黎送人^^
Carrie：
係因為牠的神態戇戇的 :p
在美濃客家村買的，你跟老公到台灣時可留意一下 :)
校長︰
我的小朋友樣衰衰的！:p
咦！我貼過我那頑童的貓樣出來嗎？
哈哈!原全無諗過你會鍾意睇公仔書(文人無理由鍾意睇公仔書嘅),重會買公仔做手信...
唔肯修身,哈,未有目標所以唔修身住囉!遲下你可能同阿仔講:做咩攪到咁瘦呀!心痛死!
Coffee：
你以前有張 Profile pic 係一個小朋友黎，我以為嗰個就係喇！
minor：
我好細個睇財叔、老夫子，大個啲睇龍虎門、中華英雄、依家仲追緊天下。以前冇嘢睇，連女仔睇嘅十三點都殺埋呢^^
個肥仔唔駛慌會咯，細膽仔，點會追女吖，唔追女，唔慌會修身咯，呵呵！
哈哈..哈哈..
果個？！
校長，請留意我更新網誌:)
laulong..
你真是一個好爸爸呢!!
會細心揀公仔比兒子,
他們有你這個爸爸,
實在太幸福了!!
吓？ Coffee, 唔通嗰個係你細個時？
Mag：
其實我不是好爸爸，只能算是好貪玩的爸爸。我跟其他爸爸不同，只在我不會在家裏建立和行使父親的絕對權威。
他們兩個，所得到的其實比我父親給我的少，這，我是有歉疚的。
貼了，明日開估！
校長晚安！
还玩公仔？哈哈哈~ 岂不是老顽童一个？ 嘿嘿嘿~
haha, Coffee, 看到了，錯以為了 :p
嘿嘿：
我係呀，我還懂得左右互搏，但最怕蜜蜂，也敵不過楊兄弟的黯然消魂拳 :p
發佈留言