平時照鏡，都是照正面，面上多了幾兩肉我是知道的，畢竟寒冬是肥人的季節，太冷的天氣就叫人瑟縮著，動也不想動了。為了禦寒，更要不斷進食，熱量進的多去的少，結果一個冬天下來就已經胖了不少。到春節過年，雞鴨鵝大魚大肉，糖果雜食非煎即炸，體重就是跟前幾天的恒指背馳，我的是屢創新高了，而且更在高位徘徊，伺機突破。
每天上磅，數字都叫人不悅，我竟然不想再去磅重了，來一個眼不見為其利的自欺欺人，但昨天暖和，沒穿外套外出，經過窗櫥的鏡子，我竟然瞥見自己吹脹了的側面，啊呀，橫看成嶺側成峰，那是一個打側看海上升起的奇峰呀，我又不是女人，那脹起的又走到腰間去了，真是一片惱人的新大陸！
視覺從來比抽象的數字震撼，我再不能瞪著眼說我看不到，我看不到罷，於是要開始減肥了，少吃一點、多動一點。嚴寒天要近尾聲了，不用再倦縮在被窩裏養脂肪；狂吃的春節過後，要好幾個月才到另一個肥人的節日，還不行動，就是另一種因循怠惰，苟且偷安了，我還可以原諒自己嗎？
一些數字：
吃一隻油角等於進食了半碗飯的熱量，而含油量也驚人，吃幾隻就等同飲了大半碗油。又聽說一片糖蓮藕的含糖量等同三粒方糖。哇，暈！
.
27 則留言:
減肚腩可能係天下間其中一件最難嘅事。
嗚嗚，我知，但難都要做呀！
唔使驚, 有我陪你!
係咪架？你從來都 fit 過水螆，你個海上奇峰喺心口度哩！
人過青年就好易肥,
諗起都頭痛,
唉~~~
大家咁話
唔使驚，唔肥冇朋友！^^
(其實我好驚！我肥到唔見咗條腰喇！哇，我唔係男人呀！)
肥肥地好呀, 抱落去好舒服! ;-)
新鮮：
就是嘛！未入冬天都已經察覺脂肪易請難送，入了冬天就更厲害！
naruto：
kekee, 喺你度睇到喇！要消晒啲新年禮物都唔係容易。
Coffee：
唔肥冇朋友？點解呀？
呵呵，唔見咗條腰？我直頭多咗條士啤呔呀 :)
匿名：
kaka，咁黎抱吓咯….
我又要減肥喎！一齊努力喇，我諗住去跑步，不過仲係諗住~
這年頭，誰不是不該大的，大了，不該細的，又偏細了，太完美，邊個敢企在側邊呀？相形見拙嘛！
洗唔洗咁驚呀？！發個片片來瞧瞧！
順便說一下，Fit 和 Fat 字只有一個英文字母不一樣！
大頭哥：
我跑步唔得喇，基本上好多嘢都唔得喇.....只可以，食少啲，做多啲................ 步行 :)
Coffee：
哦，原來如此，咁我以後大把朋友咯，連食神韜韜都鍾意企喺我身邊咯 :p
牛牛：
仲拍片？依家唔拍得片喇！我每次沖完涼出黎都苦埋口面喇！
Fit 同 Fat, 有智慧呀 i 字 slim 到呢，a字就突咗出黎！
咁唔沖涼咯 ^_^
I have 6 people who came from Hong Kong staying with me since Wednesday. They scared me, they eat so much, of course have big fat tummy!
我相信睇相易明過睇文字！ :D
劉兄底子咁好，真喺要減，話都冇咁易啦。
牛牛：
沖呀，乜唔沖？我咪埋眼，叫個婢女幫我沖，跟手著埋衫 :p
啊，咁熱鬧！你睇到啲朋友大肚 dump,我的也差唔幾啊！
S：
唔好睇呀，好難睇架，連我自己都唔想睇 >.<
Eric：
今晚仲有一餐團拜，之後就冇乜大餐喇，可以高速起動 :)
這個新年,我也不斷吃吃吃
人好像比以前縮水了,但車軚卻有越來越厚的跡象
影張相黎看看吧!
校長:
祝減腩成功! 我都肥左, 大家要努力纖纖先得呀!
唔緊要啦，男人踏入中年，穩重少少都唔係太大問題嘅。只要沖涼嘅時候耷低頭望吓，應該見到嘅都仲見到就得啦。哈哈，唔好亂諗，我係講緊腳尖呀！
minor：
唔制呀，影唔落手呀，等瘦番至影 :)
小行：
從此新年真可叫肥人節，把人槽肥了啊！
好，大家努力 V
校長：
我唔做運動，但食量好有節制，所以無肚腩這回事。但我的朋友就有勁腩囉！
kakaka, Arma, 我耷低頭仲見到，應該見到嘅嘢仲見到嘅！
我有時甚至要抬高個頭睇架 ............ 咦，邊個校到個花洒咁鬼勁, kekeke
佛爺，咁你真係好有紀律，少食對身體百樣好，我都要收緊番咯，我原本都係生活嘅紀律部隊呀：p
照側面會見到個雙下巴, 好驚!!
貓姐：
那就把側面叫做「最真實的一面」罷！
今次都好，一個偶然的側面影子一巴掌把我摑醒了。
發佈留言