2011年2月11日星期五

被自己的側面嚇了

平時照鏡,都是照正面,面上多了幾兩肉我是知道的,畢竟寒冬是肥人的季節,太冷的天氣就叫人瑟縮著,動也不想動了。為了禦寒,更要不斷進食,熱量進的多去的少,結果一個冬天下來就已經胖了不少。到春節過年,雞鴨鵝大魚大肉,糖果雜食非煎即炸,體重就是跟前幾天的恒指背馳,我的是屢創新高了,而且更在高位徘徊,伺機突破。

每天上磅,數字都叫人不悅,我竟然不想再去磅重了,來一個眼不見為其利的自欺欺人,但昨天暖和,沒穿外套外出,經過窗櫥的鏡子,我竟然瞥見自己吹脹了的側面,啊呀,橫看成嶺側成峰,那是一個打側看海上升起的奇峰呀,我又不是女人,那脹起的又走到腰間去了,真是一片惱人的新大陸!

視覺從來比抽象的數字震撼,我再不能瞪著眼說我看不到,我看不到罷,於是要開始減肥了,少吃一點、多動一點。嚴寒天要近尾聲了,不用再倦縮在被窩裏養脂肪;狂吃的春節過後,要好幾個月才到另一個肥人的節日,還不行動,就是另一種因循怠惰,苟且偷安了,我還可以原諒自己嗎?



一些數字:
吃一隻油角等於進食了半碗飯的熱量,而含油量也驚人,吃幾隻就等同飲了大半碗油。又聽說一片糖蓮藕的含糖量等同三粒方糖。哇,暈!
.

27 則留言:

Ebenezer 說...

減肚腩可能係天下間其中一件最難嘅事。

L L 說...

嗚嗚,我知,但難都要做呀!

卡臣 說...

唔使驚, 有我陪你!

L L 說...

係咪架?你從來都 fit 過水螆,你個海上奇峰喺心口度哩!

新鮮人 說...

人過青年就好易肥,
諗起都頭痛,
唉~~~

naruto 說...

大家咁話

Coffee 說...

唔使驚,唔肥冇朋友!^^

(其實我好驚!我肥到唔見咗條腰喇!哇,我唔係男人呀!)

匿名 說...

肥肥地好呀, 抱落去好舒服! ;-)

L L 說...

新鮮:

就是嘛!未入冬天都已經察覺脂肪易請難送,入了冬天就更厲害!




naruto:

kekee, 喺你度睇到喇!要消晒啲新年禮物都唔係容易。




Coffee:

唔肥冇朋友?點解呀?

呵呵,唔見咗條腰?我直頭多咗條士啤呔呀 :)




匿名:

kaka,咁黎抱吓咯….

largeheadboy 說...

我又要減肥喎!一齊努力喇,我諗住去跑步,不過仲係諗住~

Coffee 說...

這年頭,誰不是不該大的,大了,不該細的,又偏細了,太完美,邊個敢企在側邊呀?相形見拙嘛!

HollyCow 說...

洗唔洗咁驚呀?!發個片片來瞧瞧!

順便說一下,Fit 和 Fat 字只有一個英文字母不一樣!

L L 說...

大頭哥:

我跑步唔得喇,基本上好多嘢都唔得喇.....只可以,食少啲,做多啲................ 步行 :)




Coffee:

哦,原來如此,咁我以後大把朋友咯,連食神韜韜都鍾意企喺我身邊咯 :p




牛牛:

仲拍片?依家唔拍得片喇!我每次沖完涼出黎都苦埋口面喇!

Fit 同 Fat, 有智慧呀 i 字 slim 到呢,a字就突咗出黎!

HoLLyCoW 說...

咁唔沖涼咯 ^_^

HollyCow 說...

I have 6 people who came from Hong Kong staying with me since Wednesday. They scared me, they eat so much, of course have big fat tummy!

S 說...

我相信睇相易明過睇文字! :D

eric 說...

劉兄底子咁好,真喺要減,話都冇咁易啦。

L L 說...

牛牛:

沖呀,乜唔沖?我咪埋眼,叫個婢女幫我沖,跟手著埋衫 :p

啊,咁熱鬧!你睇到啲朋友大肚 dump,我的也差唔幾啊!




S:

唔好睇呀,好難睇架,連我自己都唔想睇 >.<




Eric:

今晚仲有一餐團拜,之後就冇乜大餐喇,可以高速起動 :)

l.minor 說...

這個新年,我也不斷吃吃吃

人好像比以前縮水了,但車軚卻有越來越厚的跡象

影張相黎看看吧!

自由行 說...

校長:

祝減腩成功! 我都肥左, 大家要努力纖纖先得呀!

Armadillo 說...

唔緊要啦,男人踏入中年,穩重少少都唔係太大問題嘅。只要沖涼嘅時候耷低頭望吓,應該見到嘅都仲見到就得啦。哈哈,唔好亂諗,我係講緊腳尖呀!

L L 說...

minor:

唔制呀,影唔落手呀,等瘦番至影 :)




小行:

從此新年真可叫肥人節,把人槽肥了啊!

好,大家努力 V

韻味熊貓 說...

校長:

我唔做運動,但食量好有節制,所以無肚腩這回事。但我的朋友就有勁腩囉!

L L 說...

kakaka, Arma, 我耷低頭仲見到,應該見到嘅嘢仲見到嘅!

我有時甚至要抬高個頭睇架 ............ 咦,邊個校到個花洒咁鬼勁, kekeke

L L 說...

佛爺,咁你真係好有紀律,少食對身體百樣好,我都要收緊番咯,我原本都係生活嘅紀律部隊呀:p

肥貓 說...

照側面會見到個雙下巴, 好驚!!

L L 說...

貓姐:

那就把側面叫做「最真實的一面」罷!

今次都好,一個偶然的側面影子一巴掌把我摑醒了。