2011年2月13日星期日

雨中告別 MCL

是德福 MCL 戲院的餐廳。兩年多前戲院重修開幕,餐廳就是我的好去處。我最愛那裏的寬敞,尤其是坐在陽光透入的落地大玻璃窗旁閱讀,我是可以消磨兩三個小時的。

餐廳開幕初期正值金融海嘯,為了吸引顧客是可以免費添飲的,而那裏茶啡的水準都很高,下午茶的蜜糖雞翼更是一絕。我基本上每個週末都會去,與那裏的員工熟絡了,他們都知我口味,會隨餐給我送上清茶,在我享受完那可口的咖啡後,那杯清茶就伴我一整個閱讀旅程了。

這確是喫茶的好去處,但不知為甚麼,生意似乎並不太好。這年來我看著它收縮,先是不再提供早餐,接著麵飽部也結束了。食物的水平也下降了點,以前下午茶的西多士是即叫即做的,現在卻是預先做好,用暖櫃放著,已沒了那種熱騰騰的新鮮。這一切,是象徵著生命的下滑與衰微嗎?果然過年前去,餐廳主任告訴我做到正月十四就要結束了。

我聽後真有點悵然若失,好不容易找到我喜愛的食物和地方,還有這一班很能掌握客人需要的員工,但我在這裏悠然自適的享受竟是如此短暫。

今天是農曆年後第一次去,也許就是最後一次了。在冷雨的下午,我走進餐廳,品嚐了我最愛的蜜糖雞翼,和水準很高的即磨咖啡,還有那杯清茶。我如常坐了兩個多小時,享受了心無旁騖的閱讀。

離去前,我跟最相熟的員工聊了兩句。原來是另一間公司接手了,餐廳會重新裝修,現有的員工則全部解散。唉,又是一段緣份的結束,很多東西都要過去了,永遠不會再被尋回。


相關文章:可以消磨戲為一弄
.
.
去年今日:急景雕年
.

23 則留言:

sun 說...

香港就是充滿了這樣的無奈.

之前在旺魚女人街找到了一間好吃的車仔麵.到最後跟你說的情況一樣.

另一種就是, 好食->出名->雜誌介紹->爆多人->唔好食.

SKII 說...

噢,我小時常常去德福,但從不知這個!還有,我也喜歡去比較靜的餐廳,但這些大多逃不過結業的宿命!

laulong 說...

Sun:

好食->出名->雜誌介紹->爆多人->唔好食.

唉,這就是一種從高峰跌下來的沉淪!




S:

商業上講,靜就是衰亡。我去 MCL 都會經過同在德福的星巴克,哇,又吵又窄又逼,卻人多到不得了,俾我就不會去了,但卻時常坐滿人,真諷剌。

卡臣 說...

可能轉做Sasa/卓越才能捱得住

l.minor 說...

我曾光顧德福另一間餐廳 - 茜廊(希望沒記錯名字),不好吃,但不知道為什麼能在德福十幾年~

對於香港的小舖,真的執下一間,執下一間,好吃多人的,就不斷的加你租,就算不出名的,一樣也加你租,最後只得連鎖店能留低

佛爺 說...

整個世界經濟趨向壟斷,文化就走向一體化,無奈吧!卻是現實!

largeheadboy 說...

很難得搵到一家自己喜歡的餐廳但又要執真係幾無奈。係喇,德福間星巴克咁嘅環境都唔知點解咁多人,啲人直頭喺你頭頂上面啊!

茜廊又貴又唔好吃哩~

Armadillo 說...

環境唔擠迫、食物質素好、員工殷勤體貼,如果再加埋價錢唔貴,真係唔執先奇!

新鮮人 說...

聽到這消息真有點愕然,
那裏地方寬敞,
又有落地玻璃窗相陪,
有時經過都會看上一眼,
不過總没有機會一嘗,
可惜可惜!

Coffee 說...

有冇叫人幫你影張你坐在落地玻璃窗旁,閱讀、茗茶的悠閒相呀?

laulong 說...

卡卡:

做女人生意,女人男人都會買,確係得嘅,但我覺得極有可能係星巴克之類的店,噢,貴到死!




minor:

茜廊真係唔掂,只去過一次。哩個世界好奇怪,有啲好生意嘅可能係僱客嘅迷信,亦有可能係佢地嘅市務計劃掂都唔奇。




佛爺:

係呀,所以曾智偉齣〈我愛 HK〉帶出信息係好正面嘅,但真係冇乜可能嘅痴人說夢,街坊檔,個體户,頂唔住架喇!




大頭哥:

>>啲人直頭喺你頭頂上面啊!

呵呵,我正有這感覺。我次次在扶手電梯上,都好似睇真人飲茶騷咁!

laulong 說...

Arma:

那該是缺乏市務策略,定位欠特色之故。講平講菜式多佢唔夠美心,中產優皮又唔夠星巴克,所以頂唔住。




新鮮:

嗰度最正都係下午茶,午晚餐都唔夠美心砌,所以就算硬件贏咗都冇用。




Coffee:

冇呀!我今時今日嘅身世,仲敢影相咩 :(

Ebenezer 說...

可惜!

laulong 說...

係呀,Eben, 我心都實埋 :(

篤篤篤撐 說...

我覺得呢間野定位有問題,

佢用餐廳定位, 太open, 而食物又唔見特別 -- 意粉一看就知係叮出黎, 香港人唔多arm。

如果佢定位為cafe, 如starbuck之類, 反而仲有得諗下...

篤篤篤撐 說...

茜廊屹立幾十年, 原因只得一個, 就係佢地一早買落鋪位。(印象中, 佢好似係集團經營)

laulong 說...

篤篤:

我都認同你講法,是定位模糊,空有好的硬件但沒有市務策略,生意不好卻只想著 cut 服務以節省成本,只會愈做愈縮。這是步向結束的笨方法。

一早買了鋪位,真是立於不敗之地。上環有間賣香的鋪(真係只賣香不賣衣紙),平時也少見人幫趁,竟然可以屹立不倒,想也該是自己的鋪了!

eric 說...

自置物業,真喺進可攻退可守,我有個叔公自己買落嘅舖,開咗間眼鏡舖幾十年,幾十年都冇裝修過或入新貨,都可以做到佢過身為止,都喺老街坊客。最記得喺地下嘅格仔紙皮石同埋木摺凳。
而家佢嘅仔女都費事做,放出去收租,工都唔駛返。

laulong 說...

Eric:

喺香港,有樓已經唔駛愁,更何況有舖。依家啲舖係以千萬千萬計數,又唔駛驚冇人租同租霸,真係掂上掂!

Carrie 說...

現在想找有陽光又坐得舒服的咖啡店/餐廳實在是太難了...而清靜的地方, 又通常好快就結業...

laulong 說...

所以好遺憾!

Carrie 你沒有再寫了嗎?

Carrie 說...

打算"搬新地方"呢...安頓後定必告知!

laulong 說...

哦,好的,當造訪以賀新居 :)