最近法律超人新聞多多，因惡遊客事件而跟某師奶局長上演的一幕羅生門，其實也沒啥看頭，最多只來個盲俠鬥盲毛格局，大家向空氣虛耍幾招而已，看也是白看。而且師奶局長早已選擇收口避戰，獻醜與露餡都不會出現的了。
倒是情人節前夕，生果報在頭版刋載了一段法律超人與才女姐姐的報道，說才女在某電視節目上透露，她與超人相戀廿載，超人一直都不肯與她接吻。
搞甚麼呢？沒有吻的愛情算是愛情嗎？才女姐姐以前在大氣電波替無數癡男怨女紓解心結，卻原來她自己也有不能釋解的憾。
據說歡場女子是不易把吻送給客人的，因為那兩片朱唇，象徵真愛所在，只留給自己的情郎。所以縱然身體賣了，靈魂與吻還是不賣的。超人不把吻送給才女姐姐，二十年來守吻如玉，咁即係點？
假若我的情人不給我吻，我一定會放棄這段關係。愛情是從嘴裏走出來的，收起吻？縱使給我萬種風情，我還是覺得自己只像一個恩客多一點！
.
20 則留言:
唔通對方勁口臭?
如果愛對方 勁口臭都咀!
哈哈，有意思，我也覺得吻(lip to lip)是很重要的，你感受到愛或不愛，是從一個吻開始。我不會把我嘴唇，吻一個沒有愛的人！
濃情轉淡都勉強說得通，但一次都冇就真喺聞所未聞。看來白姐姐都喺怨女一個。
咁多年都未放棄，難道法律超人有絕世秘技？哈哈。
哈哈，白姐姐好好笑呀！不過我唔係好信呢個白姐姐，有時覺得佢鬼話連篇咁咯！
點可能呢？相愛的人怎會不親咀呢？
同樣，我也不會隨便吻我不愛的人~
姐姐同咗全世界講佢冇得打茄輪，會唔會搏到好多人同情呢?
其實白姐姐都不只一次透過大氣電波說超人這樣那樣, 如果所言屬實, 他們的關係又真係幾耐人尋味. 不過正如你所言, 如果情人不給我吻, 再世潘安我唔要.
我就唔信佢講野啦
學佢以前話齋：你個男友唔吻你，分手啦
哈哈，呢對真係神人！佢地嘅神交關係，絕對唔係我地呢凡夫俗子可以理解架！
校長：
二十世紀最偉大的女心理學家「凱倫．霍尼」話，人是需要親密關係的，但若果這些慾望有著不愉快的經歷，或見到其他人有不幸的遭遇，就會產生恐懼，這些基本慾望就會被轉移。
白姐姐會唔會在半個世紀前，曾經被狼吻？所以嘴唇已經唔係佢既情慾之門。因為過份恐懼，所以佢既情慾大門，轉移佐去屁股！其實超人律師，早晚都吻佢既屁股！
但係報章上，佢又唔能夠話佢既屁股，至係佢既動情區！而超人每日都：「Kiss My Ass！」
唔記得講添，嗰個電視節目咁啱我都有睇。白姐姐施展混身解數，七情上面，演技都不知幾了得！如果佢拋個身出嚟拍電視劇，最佳女配角獎肯定如取如攜！
卡卡:
如果深愛,當也接受了對方的缺點.
牛牛:
咀咀是靈與愛念的交流.那感覺是最令人沉醉的!
Eric:
我想從一開始超人已經有所保留.兩個人投入的愛該有差距罷!
Coffee:
才女姐姐呻所得到的愛不多已非第一次,我想該不是吹水的.
大頭哥:
相愛的人一定親嘴
超人不親姐姐的嘴
所以.......
Eben:
我覺得才女姐姐好慘,那兩片唇空待廿年,最好的年華都早過去!
貓姐:
對呀,講笑咩!唔錫點愛呀,我都係最鍾意錫!
naruto:
才女姐姐以前就口響,原來係能醫不自醫,都好諷剌!
Arma:
才女姐姐該是追求靈慾合一的,但超人連咀都唔俾姐姐嘴,可能真係想神交算了.
才女姐姐大半生在染缸裏為人,戲該也好的了.
佛爺:
俾你笑死!我曾在街上碰見他們姊弟戀兩人,才女老態早具,超人卻像如在壯年.他們是有明顯落差的, 但不等於說超人可以唔俾才女錫嘛!
一樣米養百樣人,
從前我不明白,
近年開始了解這個世界裏有些愛情的進行方式和我們的可以完全不同,
接吻對於一般人來講可能好好好好重要,
但對於一些人來講可以是完全不需要,
或者會覺得恐怖,
在我們看來可能是不可思義,
但實際上的確有人這樣想和做着的。
新鮮：
這也是的，世界上還有柏拉圖式戀愛，只重精神交往而沒有肉慾。然而於我，是難以想象也不能接受的。
才女姐姐該不是這類人，她提出了他們的無吻歲月，該盡唏噓的！
濕吻好淺吻好,好歹都要吻喇否則呢....曉轉彎都無用~
天呀!我 (出去) 咁話俾大家知我是一個咸濕婆!!!
hahaha, 唔算唔算，哩樣嘢好正常。
我絕對同意，吻是必須的，濕好乾好深好淺好都要！
真係奇人奇事,相戀廿載,但不肯與她接吻,唔通真係神交?
minor：
係神化之交。我一直覺得超人之與才女，並不一對，是很勉強的結合。
發佈留言