幾個月前在 fb 上與舊生閒聊，突發奇想，何不搞校友旅行呢？舊生們反應熱烈，叫我搞，但我名不正言不順嘛，建議由校友會搞。果然月前就收到消息，校友會推出了個兩天遊，我自然是要參與了。
上星期天氣還是陰冷的，這幾天漸晴，和暖的天氣最好外遊，真是天公做美。
暫且毋視那茉莉花罷，也不再想那份把教師摒出 6000元注資以外的荒謬財政預算，來兩天吃喝玩樂，讓肚皮更渾圓更脹胖一點罷！
剛接到短信，提醒要帶泳褲，噢，是有溫泉浸嗎？但我的米芝蓮，能在我親愛的舊生面前顯露嗎？
.
.
.
去年今日：通識殺人
.
.
17 則留言:
米芝蓮 = 法国轮胎？
春光明睸，出遊一定好開心哦:)
嘿嘿：
係呀，掛在我腰間的車胎 :(
Eben：
該會的，天氣好，這幾天心情也暢快了！
桃李滿門真不錯啊!
有乜所謂吖，出得去玩就豁出去喇~
校長:
>>>>提醒要帶泳褲
仲有我地會提醒你貼番張泳褲照!
卡卡：
看著他們成長確是快慰而滿足的。
大頭哥：
我豁出去，但我怕啲細路睇到嚇到彈番出去
:(
小行：
仲貼泳褲照？趕客呀，你想師傅個博摺埋咩 XD
哈哈，浸溫泉咁過癮？或者係游冬泳呢！不過唔使驚，米芝蓮有禦寒功能，游冬泳都冇有怕！
Yup, 米芝蓮 no problem, enjoy life!!!
米芝蓮係好嘢黎架,
人人都喜歡的!
哈哈哈~~
米芝蓮分級數架喎，去到三星未先？
今日天氣好好, 去了樓下的公園走了一圈, 感覺很愜意, 如你所言真的是 "春光明媚正好遊".
咪以為得你有，大有可能你啲學生嘅米芝蓮俾你更優勝！
Arma：
米芝蓮係可以禦寒，但搞到個身重晒，膝頭哥壓力大增呀 :(
牛牛：
個團麻麻地，坐車坐到個人吽晒！
新鮮：
但係我都仲係唔想呢！如果可以好似劉華咁有個平坦嘅小腹就好喇！
naruto：
三級即係食神韜韜咁，咁未到嘅，阮兆祥咁掛，仲算一級掛！
貓姐：
春係好暖咯，廣州木棉樹已開，但香港一啲影都冇。享受暖暖嘅風，真係薰得遊人醉！
8妹妹：
哩班學生後生的，最大嘅二十五六，細嘅今年大一，個個都好 fit, 哇，我更自慚形穢，嗚！
响边度呀？
可以多一個話題，說說減肥嘛！哈哈！
牛牛：
去廣東省北部嘅清遠，真係太遠喇！
婉兒：
我以前猛叫人不要吃太多，依家自己又係咁，真係有口話人冇口話自己 :(
發佈留言