2011年3月2日星期三

爛財政預算是這樣走出來的

在民意壓力下,不認不認還「衰」認的財爺終於放下了自尊,撒庫房的錢作為他的贖罪金。

當然,我收這萬二文是無愧於心的,交稅交得我心如刀割,現在拿回一丁點,叫做給人揾笨揾少一點而已,倒是我的塞豆窿大仔滿了十八歲,對社會毫無貢獻的他無情情有六千文落袋,大概只益了那些電玩商呀、手機商呀而已。再衰啲嘅大細路可能攞去賭,去索K,去買煙,去 fing錢買偶像嘅嘢,十八歲腦筍未生埋唔好話投票,連點做人都未必識,俾錢佢地真係未必好事!

今次香港哩個國際大都會真係做了個很壞的示範,再一次話俾中央聽港人治港係唔掂嘅!鬍鬚仔道貌岸然,成個藍血族卻一肚草,知識貧乏到得人驚,好明顯佢係唔知道津校教師係行公積金嘅,佢下低班華服手下都唔知,或者知道都唔敢出言逆老細意,哩啲就係官場惡習咯,擦擦擦,向上擦,都係向上擦,個肥仔醫管主席就做咗個好好嘅拭臀示範喇!

無常識就無辦法可以正確思考,再加上自命精英,對市民要求不屑一顧,爛預算咪咁樣走出來咯,佢衰咗係自招嘅。睇番之前佢製定預算案前嘅宣傳片,真係得啖笑。
.
.
去年今日:自愛才能得愛
.

32 則留言:

l.minor 說...

佢嘅預算案廣告,我每次看也笑了

Ebenezer 說...

大家收咗呢六仟蚊掩口費,睇怕都少d人鬧佢喇,咪話,佢都幾醒架!

你地教育界,會唔會諗諗送番幾堂小學常識科俾佢,當係回報都好吖:)

雪山飛狐 說...

满了十八岁,有身份证就可以拿,不知道在下够不够资格呢?

拿了六千块,孝敬一下老人家也好嘛.

L L 說...

minor:

真係好鬼低 B 嘅廣告,照計班廣告佬冇咁屎嘅,一定係鬍鬚仔喺度哩哩 lulu, 結果出個怪胎!




Eben:

哇,佢藍血架,边會睇得起我地啲紅血的教師佬!




Desert:

根據定義講,只要年滿十八歲嘅香港永久性居民都可以,爭在領取嘅途徑,會唔會必須喺香港領取呢,哩個我就烏卜卜咯!

the8 說...

係!十八歲永久居民未有任何貢獻便可以拎呢六千,咁係咪第時我係街見到啲疑似剛成年嘅靚仔手上拎住個 iphone 5 咁可以走埋佢同佢講『細路,個 iphone 5 我有份送俾你咖,仲唔講句多謝?』。

唉,香港今年嘅財政預算案己經出名到海外,今次唔嫁又嫁更加係笑話中的經典!

L L 說...

我有啲中五學生已經 18 歲,但真係好歪好 hea,又煙又賭真係唔出奇,俾六千文,咪攞黎荒唐!

仲有啲蠱惑仔、爛鬼、咸濕佬、大耳loan, 墨七、殺人犯、醉駕車死人嘅,呵呵,通通都有,真係皆大歡喜!

largeheadboy 說...

呢個政府真係好醜怪!當年我做仔嗰陣又唔見有錢派喎!

匿名 說...

我們不想看見貧富懸殊,我們不想老弱無依,我們痛恨香港長期堅尼系數世界第一……無論你在乎的是什麼,用你那六千蚊,豪邁地,爽快地,大佢!
http://lazylife.org/2011/03/02/2380

HollyCow 說...

Hey, I still have an HK ID card, am I eligable to apply for the $6K refund.... ^_^ ???

I love to have some money from them too!!!

HollyCow 說...

Typo
"eligible"

Armadillo 說...

財爺今次就真係計錯數嘞,以為好似往年咁派糖就可以過關。殊不知人心無厭足,通縮嗰年都有綜援出雙糧,今年通漲猛於虎,班友冇三四五六糧又點會滿意呢!而中產年年俾人笨,已經去到爆煲嘅邊緣,財爺竟然又睇唔到!而家好啦,粒糖加咗碼,又多咗好多人有份分,今年都應該可以勉強過關喇。不過咁做可能只係飲鴆止渴,以後先至大鑊。經濟好嘅話,政府要還富於民。如果經濟差,政府又要紓解民困。總之粒糖一定要每年都有增長,問你死未!

L L 說...

大頭哥:

一年近千億盈餘該很罕有,不過現兜兜分咗都好過入咗強積金!




匿名:

貧富懸殊,老弱無依,當然是我們不想的。慈善嘅事,是會做的。




牛牛:

我都唔知細節,明天看報該會清楚些,希望牛牛, Desert 都有 :)

L L 說...

Arma:

怪只怪這個政府太小家,又冇偈,搞唔起香港,淨識食老本。其實佢應該立個機制,譬如說盈餘達幾多,扣除經常或預備突發支出,有幾多可派,派嘅涵蓋面如何。咁樣才可服眾。

naruto 說...

果條宣傳片,都唔知又使左幾多寃枉錢呀,好似捧自己做明星咁,但結果攪壇爛野出嚟咪就係自己攞嚟衰囉

新鮮人 說...

18歲就攞得又係有啲問題,
不過定係21又係咪好啲,
真係好難講,
點做都唔會完美,
最重要係做家長嘅要教育年青人如何運行啲錢,
做官嘅連自己份工都未做好,
好難幫手教埋人家子女了。

婉兒 說...

我想知道我們家會不會收到六千元!我覺得今次益左Apple呀!

eric 說...

嘩哈哈,我又要攞,我都有香港身份証㗎!不過我從來都冇貢獻過香港庫房!
就算要返香港領取,貼少少錢就夠買飛機票,有機會同大家見下面,都唔錯吖!

Carrie 說...

最頂癮係佢今天的我打倒昨天的我。

咩份預算無微調空間、咩派錢會刺激通脹... 而家搞咩呀?份預算係飲大左既時候做出黎架?跟住又飲大左搞個d優化方案?

而家我最擔心佢d administrative arrangement...我地班小卒可能又有排做....

篤篤篤撐 說...

派 $6000, 真係有幫到有需要既人 ?
派 $6000, 對我地生活有影響咩 ?

又話面對通脹, 又話面對貧富懸殊, 又話面對高樓價, 成份預算案竟然交白卷。

今次開先例, 預算案係可以改的, 以後年年都會有人抽水, 特別係選舉年。

派 $6000, 我冇開心過~~

韻味熊貓 說...

咁樣做,盈餘好易變赤字。

Terence Yun 說...

如果要考慮埋這樣又hea又壞的人都有六千元的話,那麼是很難推行任何一種社會政策,這些問題人士多還是社會基層人士多呢?斷估賊都冇幾十萬罷。

這次的確是顯示到市民的力量何在,但好肯定這粒糖必然帶來長遠的壞後果。這並不是人人要錢,而是在制度看到會有人挾住來拿威和要脅。

昨日李卓人其實說得對,六千元是好,但其他問題仍然未解決,六千元可以讓樓市降溫和大家可以有個安樂窩嗎?這些核心問題政府仍然沒有提供一個政確和有解決的答案,但建制派已經叫好仲要有人說「香港人自豪」呢下先叫人覺得核突。

有幾自豪?唉。

大家有能力許可的話,或者六千元拿一千元捐給食物銀行予有需要人士,其實真係幫到人。基層人士在通脤壓力下是最需要幫忙的一群。

肥貓 說...

老實講我不讚成派錢, 因為這是一個極壞的先例, 令當今民粹主義更氾濫; 不過若要拿去mfp既話, 我就寧願派錢!

L L 說...

naruto:

就是。我都做過廣告,知道啲客難服侍,以鬍鬚仔的高傲,自然以為自己嘅意念最好咯,点知卻是最爛的。




新鮮:

依家未夠 18 嗰啲又係度嘈喇,總之點派都有人唔滿意。尋晚我個15歲細仔又話要大佬分啲俾佢,真係冇又煩有又煩 :)




婉兒:

今日嘅明報話移民海外嘅、或在海外讀書嘅都有噃,你地都有喇,haha, Apple 啱啱公佈 ipad 2 喎!




Eric:

該有喇,咁番黎可以飲紅酒咯, cheers !

L L 說...

Carrie:

今日我都同啲學生傾該點派呢?海外嘅合資格人士又點派呢?樣樣都係問題!




篤篤:
有需要嘅會係幫助嘅,譬如欠債人士、借錢交稅人士、家用短絀人士,對某啲人黎講,都係有好過無。

至於通脹, 貧富懸殊, 高樓價問題,要 barn 應該 barn 當奴曾,鬍鬚仔財政預算應該跟施政報告走,老細無料到,馬仔都一個样了!




佛爺:

去年度盈餘該有 800 – 900 億,今次派唔晒,但開咗先例,將來就頭痕了!





鹿兄:

我只係呻吓而已,社會唔可能有機制去寫定同一群組裏边好人有壞人就冇,但總係覺得有部分是公帑亂投。

解决社會問題才是最治本的,貧窮、通脹、醫療、教育、住屋,對症下藥才是王道,但這政府太廢了,做不出來的。

L L 說...

貓姐:

認同呀,揼落強積金是絕對餿主意!

Terence Yun 說...

相信有校長教導下,都有好多乖學生既。

L L 說...

鹿兄:

很是慚愧,我只是盡量為所當為,然而社會負引力太強了,做教師的只能致力從事 :)

新鮮人 說...

可能到係人都有嘅時候,
啲狗主貓主都會話佢隻貓狗都應該分錢架,
起碼分一半三千呀!

Hana 說...

>有需要嘅會係幫助嘅,譬如有需要嘅會係幫助嘅,譬如欠債人士、借錢交稅人士、家用短絀人士,借錢交稅人士、家用短絀人士,

校長你太善良了。前幾日中過六合彩頭獎開槍自殺果個警察都係欠債人士啵!好多人買名牌去旅行...而冇錢要借錢交稅啵!今日報紙有報導住公屋齊人被二奶上門追討家用而同大婆大打出手上差館啵!

L L 說...

新鮮:

總之就係煩,哩啲官昧於形勢,自以為是,結果只會愈弄愈糟!




花花:

正如鹿米講,哩啲實有架喇,就算只係退稅,都有唔少穿緊櫃筒底,作姦犯科嘅人會得益。社會冇辦法做到道德判別,要不就不派,要派就焗住合資格嘅都派。只怨啲廢官太廢,害苦了成個香港。

瞎子 說...

「自命精英」呢個先係致命傷。最慘班高官好多都自以為精英,其實就……無左個英國腦,換左d人頭豬腦。豬腦治港,睇來有排衰,香港,唯有當睇戲,保全真氣呀。

L L 說...

>>「自命精英」...

對,這班官長久順境,在名校天子學府官場接受讚美久矣,卻不知道,政治民生,極大部分就在普羅大眾的民生!而他們的驕縱,也就是他們的死穴!

香港有排衰,我認同,因為既有家鬼又有家賊!