2012年3月31日星期六

麻雀就是邪之二

網上圖片
自從七連勝一敗再十連勝後,近半年來就陷於低潮了,十一戰九敗,在麻雀枱上基本一籌莫展,只是坐著捱打,看見過去常敗的雀友眉開眼笑的樣子,心想,也好,總不能永遠讓他們做鬥敗公雞,人生,快樂的感覺又豈能獨佔?

只是牌運實在太差了,每次取牌回來,混三色混四色,都是垃圾,摸手又差,可以摸和到尾只能摸入一兩章想要的,但出銃卻準繩到不得了,能不叫人仰天長歎?

運氣走低就像進了一條長長的暗黑管道,只有繼續走,直至看到管道的另一端傳來光明。我是信的,順逆有時,好運惡運都要一段時間去完結,不能抗拒也不可忤逆。

最终昨晚還是看到光明了。

昨天上午因校舍借出作公開試試場停課,工作完了,就與三位舊同事雀局去了。重走四方城,起初還可以,但當打錯一隻牌後,運氣又走低了,首四圈已輸了過十底。

執位過後,奇事來了,我竟然相隔三鋪連糊了兩盤十三么,都是由上家出銃,第一鋪還取得了 Jackpot, 共追回十三底。雀友都瞠目結舌,說要我為今晚雀局埋單。我說好呀,若再有第三盤我請!

十三么難糊大家都知道,有時打十場牌都未必有一盤,但這次我竟然五鋪裏就糊了兩盤!打後我又自摸了一盤清一色對子。可對手們也不賴呀,牌吃得愈來愈大,雀友都說背後操縱的「兄弟」返工了。

到了飯後尾聲,想來第三鋪十三么該不會出現了罷,但麻雀就是邪,既然說了,就要撞口卦,我又糊了,由平時最謹慎,今次卻是大輸家的「院長」出銃。

終局下來,我由輸十底變倒赢三十七底,除去埋單的七百多元,叫做追回近半年來的一點失地罷!


相關文章:麻雀就是邪
.
.
.
去年今日:我要大食
.
.
.

22 則留言:

Hana 說...

勁!

恭喜恭喜!

L L 說...

哈哈,一場麻雀食三鋪十三么,真係未試過 :p

Quality Alchemist 說...

真是命裹有時終須有!

chiseenjai 說...

「邪」字用得好呀!

我既麻雀運自上年中依家都未好過,逢打必輸!

好似琴晚打台雀,俾對於接三野,又四百!我都有糊食,不過就係唔夠對手快!

心想,都係唔打啦,用輸左既錢買貓糧好過!

Haha

卡臣 說...

順便買埋六合彩啦

S 說...

嘩,我要介紹阿仔睇呢篇!

牌品好,人品好,啲牌自然會來... ^_^

bittermelon 說...

現實版"嚦咕嚦咕新年財"呀!

匿名 說...

哗!厲害過三太公,我从未食過十三么,太難,只靠自摸,我無耐性。還是网上poker啱我D。

韻味熊貓 說...

校長:

三年內唔好再打麻雀,會好邪!嘻嘻!

L L 說...

QA:

係呀,但我都信命裏無時莫強求架,財富是,感情也是。




chiseenjai:

你很愛貓啊!

運氣唔好就歇一下,至於台雀,我是一竅不通。




卡卡:

六合彩一直都有買呀,但就是長做善事咯!




S:

你仔仔都有打牌?

打牌求開心咋,試過有雀脚在某雀房接連勁輸兩仗,再下次訂房我就講明不要那房了。




苦瓜兄:

之前都輸架,希望繼續好運喇 :p




牛牛:

咁勁唔勁過六嬸? XDDD

網上 poke, 我完全唔知係乜冬冬。

L L 說...

哇,佛爺,唔打牌我冇咗一半人生樂趣咯!!!

話時話,你打唔打架 ^^

匿名 說...

佛爺有豔女陪就打啦!
我知, 你poke就懂,poker就一舊雲:)))

L L 說...

hahaha,佛爺 ~~~

韻味熊貓 說...

校長:

我好耐無打麻雀,我的雀技好屎,成日輸,所以無癮打呀!

以前有個鬼婆同事教過我玩poker,唔難玩,不過我無乜興趣玩,唔記得佐。

那個鬼婆有兩個女,一個黑人,一個白人。後來我至知她結婚兩次,都離了婚。她為人十分斯文和好人,無諗過她兩次婚姻都失敗!

韻味熊貓 說...

牛牛:

三個AV女同我打麻雀,我都唔制呀!比人當鷓鴣!

l.minor 說...

雖然我唔識打牌,不過都知你好旺喎

Coffee 說...

其實即係總共打咗幾多鋪呀?點解冇人問贏三十七底又即係幾多錢呀?個個都知架,我唔知,我問咯 :p

the inner space 說...

嗜悲很小就懂得打麻雀
幫大人行開做事湊湊腳
但我是胸無城府之小輩
自己知絕不是麻雀之材



sPace

匿名 說...

校長:

贏37底,發達呀你!

自由

L L 說...

佛爺:

若成日輸就不要打咯,寫多啲艷情小說,解我地一眾宅男枯澀好過 :p




minor:

唔識其實係福份,因為識咗,有可能沉溺的。

我先排都霉過梅道登呀!




Coffee:

總共打咗 15 圈,4,8,12,16 完整打上去的圈數打唔完。我地打 100 元一底,贏 37 底即係贏咗 3700。




inner:

麻雀最緊要講運。冇運就幾叻都冇用,早排我都輸到無晒癮咯!




小行:

發達等聽晚咯 XDDD

雪山飛狐 說...

小弟打牌不多,但非常热衷于做十三幺,但最多只叫过一次胡,从来没有食出过。

L L 說...

若開枱次數多了,糊出十三么的机会也会隨之增多,可能你那边麻鵲腳較少罷 :)