2008年7月4日星期五

飛唔飛

.
那年中五 (75-76年),長髮死飛仔一個,好多人話見到就想打!



.
.
.

68 則留言:

** 飛雪素素 ** 說...

你鐘意則則頭咁影相咖wo~~
你嗰條短褲仔有DD緊...
個樣都無大改變呀,幾型。=)
其實你笑得幾親切幾得人鐘意。=D

自由行 說...

你做乜唔早d post 出黎呀? 我直情要提名你參加香港先生呀..(註無年齡限制)
仲有, 如果將"妖唔妖"個頭貼落呢張相度, 就perfect呀!
連貽興黃都要行埋一邊...^^

laulong 說...

素素:

張相三十幾年前喇,到今日,不知已經過幾多風雨。

那時扮飛,食煙飲酒識女仔乜都齊,諗起又得意又汗顏!

laulong 說...

阿行姐:

Post 咗張人妖相後,醒起係喎,我都有張長毛相喎,咪摷番出嚟咯!

其實我好鬼雞架咋,你咁講我又自....穢喇(哈,易公子又有好籌喇)!

自由行 說...

睇你既意思,咁即係我又開個頭俾牌人上呀!hehe...
個個少年時都會有d 咁既經歷(飲酒、食煙)不過咁,最緊要個人本質無變壞咪得law。
話時話, 如果有一日你發現劉大少or二少食煙, 你做人亞爸既會點處理?

定風翼 說...

>做人亞爸既會點處理?

阿仔!食煙咁cheap架
拿!應該食雪茄呀嘛!

>又有好籌喇

我比較有興趣你後來點成為人之患遮
嘿嘿~仲有想知道有冇搞過師生戀!

>俾牌人上呀!

嗯~我對牌冇乜興趣遮!

自由行 說...

係喎..呢個都係好問題...."有無攪過師生戀"? 呵..呵..
唔好誤會, "俾牌人上"既意思係俾機會你地寸佢..hehe

卡臣 說...

溫拿: L~O~V~E~ LOVE~~lalala

F.E.L.I.X. 說...

e e~
好長wor d 頭髮~
我當年入 u 時都有咁長 :D

** 飛雪素素 ** 說...

我唸以前嘅【飛仔】同依家D【飛仔】係兩碼子嘅事。你最多咪:「喂,小姐。去邊呀? 一齊吖。」

自由行 說...

「阿仔!食煙咁cheap架
拿!應該食雪茄呀嘛!」

哈..哈..哈..
係喎..食雪茄麻...
我真係cheap cheap o地添

laulong 說...

阿行姐:

>>不過咁,最緊要個人本質無變壞咪得law。

咁我本質真係無變壞。可能因為我阿媽係超級好人,我做唔到佢咁,掹車邊都仲衰唔晒咯。

阿大少應該唔會食煙,二少就古靈精一啲,可能會試,不過該不會成癮。

laulong 說...

逆天而行:

你同阿行姐好好傾喎,好似同一條肋骨出黎咁。

食雪茄重大鑊過食煙,又貴又臭又扮野,我會打鑊佢(哈哈,到依家佢地都應該唔夠我打)!

教書,係因為我中六的班主任周老師實在太好啦,他包容我,鼓勵我,給我太多機會,咁我咪鍾意做教師咯!

師生戀?

......

無錯,佢地阿媽係我學生,但談戀愛係在佢畢業之後才開始。所以我無內疚,亦唔怕比人义!

不過,俱往矣喇,在這關節,真係過眼雲煙!

laulong 說...

卡卡:

係呀,嗰陣時我真係學溫拿架!最衰我學唔成樂器,唱歌又唔夠高音!

laulong 說...

Filex:

年輕時留過長髮都係好架,唔通到我依家老餅至留咩!

laulong 說...

素素:

我以前係通過派對識女仔,請女仔跳舞,傾吓計,抄吓牌咁咯,好少街頭搭訕。

其實去得派對,男男女女都諗住識異性架喇,所以唔會就住就住,只有啱唔啱嘴形。

哈哈,啱唔啱嘴形....

自由行 說...

你話我同"逆天而行"好好傾,唔通你想撈埋婚姻介紹? no thx la...吹下水o者
估唔到你都係like 做亞sir..抄牌
嘩..如果你而家先留長頭髮, 我只會覺得你係呢2種人是但一種:一係short 既, 一係乞兒...hehe..(版主唔好嬲呀!)

匿名 說...

Norman, 眨眼三十多載了.這照片,勾起了很多回憶.那時候,你真的不覊啊!

匿名 說...

laulong,你真係師生戀!

真係好想睇下你嘅學生前老婆係點樣.

laulong 說...

阿行姐:

我係隔夜油炸鬼,冇喱火氣,唔會嬲架!

不過,我好多時真係 short 架!我有時甚至想扮吓乞兒,體驗下。

其實逆天而行係男係女我都未知,婚姻介紹?係都介紹比自己先喇!

laulong 說...

吾兄:

三十幾年前,我地威盡喇。依家,就嚟要退隱喇,那得可以驕矜!

laulong 說...

匿名:

.........

真係唔係咁好。或者等我先調適吓心理,未必冇機會。

SillyCat~ 說...

Interesting...You really make my daaay~~~hahaaa

自由行 說...

um..如果你扮乞兒就一定唔合格la...邊有咁肥既乞兒呀..你可唔可以入戲d 呀? (例子: 乾柴烈火裡既張達明--佢o係戲入面係乞兒)
咪就係law, 你自已都未攪掂,幾驚你玩婚姻介紹呢家野...嚇得我@_@

海火火女 說...

我未試過食煙呢! 都未必一定要試吧...

師生戀?真的! 爸爸好激!

海火火女 說...

爸爸實在太不覊了! 還有美腿一雙! :p

mona 說...

好誘人啊!

對啊,其實你笑容很親切呢!從以前就笑得很燦爛~~

逆水行舟 說...

>佢地阿媽係我學生

opss....竟然

>婚姻介紹

行姐你咁正
佢伋實你心口架啦
點會介紹比第個先得架?
哈哈

shizuoka2002 說...

雲煙兄:

我反而諗起少林足球耍螳螂拳果位仁兄噃:P

Daniel.

laulong 說...

sillycat:

haha, I am a boyscout who just won a medal with highest honor!

laulong 說...

阿行姐:

有架,洪七公唔瘦架!

我喺灣仔見到個流浪客,乞兒身世,但肥屍大隻,好有氣度,應該喺我啲六、七袋弟子!

介紹啫?你驚乜!除非你結咗婚,或者離咗婚,有婚姻恐懼,又或者,你根本係男人,驚我介紹個男人比你,又或者,你根本怕男人...

哈哈,阿行姐,係嘅話,好多男人會失望!

laulong 說...

女女:

你阿爸好醜呀!

嗰啲激嘢,廿多年前喇,塵封到成寸厚!

嗰陣時我都係香雞腳。

喂,女女,你對腳才美嘛!

laulong 說...

Mona:

我唔笑嗰陣好鬼惡架,啲靚仔驚,同事驚,有時連老細都驚!

haha, 你信唔信?

啲靚仔都叫我笑多啲,現在因你之言,我仲要笑多幾錢重!

laulong 說...

逆流而上:

阿行姐梗係正,佢仲好有心架!

嗱嗱嗱,你慣咗逆流而上,今次上唔上?

你唔去馬呢,我....hea hea ...

laulong 說...

Daniel:

螳螂拳我就冇學過,洪拳就學過吓!

少林足球,好正呀!

自由行 說...

>行姐你咁正
佢伋實你心口架啦
點會介紹比第個先得架?
哈哈

um..我要重申講一次,心口大o個個係陳彥行,唔係自由行..仲有, 我無哨牙亦都無露牙肉..哈哈; 但你地好似思覺失調咁, 將我當係佢喎,就算係當,都整件靚d呀...2位大佬or 1位大佬+1位大姐!

>介紹啫?你驚乜!除非你結咗婚,或者離咗婚,有婚姻恐懼,又或者,你根本係男人,驚我介紹個男人比你,又或者,你根本怕男人...

嘩, 以上所有假設都唔係.介紹係好鬼老土o者..我地型人唔做law 事..呵..呵..

p.s. 你新post張相塊臉o個d係乜野黎? 睇相都知你玩得好happy...

laulong 說...

阿行姐:

番屋企拿,哈,等你成日!

睇嚟自由行好靚女,我同阿逆似乎揾錯比較噃。該用李嘉欣還是 Angelababy 呢?

咁又係,介紹真係好,都係自己撩下,撞下,浪下,過癮啲。

話時話,阿行姐自己有無 blog?等我同阿逆去拜訪下。一個不留神比我到你個靚樣,平生大慰啊!

哈,嗰啲係剃鬚膏,玩遊戲輸咗就抹上面,嗰晚,輸咗咯!

係好 happy 呀,88年啱啱辭咗份教書,原本報咗團去歐洲,失驚無神又出唔到團,結果 join 咗班唔識嘅後生仔番大陸,好玩到顛!

mona 說...

好呀..笑多D丫~
幻想下全世界人人都笑得咁燦爛..犯罪率實暴跌

自由行 說...

係呀,尋日返左一日學,好累..原本想睇埋"蕊樣少年少女" 都頂唔順去左搵周公呀..
嘩..多謝俾面, 用李嘉欣同我比,仲要俾人讚好靚女,如果尋晚睇到, 我實開心到訓唔著..呵..呵..
blog 我真係無寫,係懶+暫時未有野值得我寫, 或者將來有小朋友,我應該會為佢而寫..將我同佢既開心唔開心記低, 當係送俾佢一份禮物...
um...辭左份工去旅行好型架!我都試過因為工作辛苦,想停一停,抖一抖,去一個長旅行,真係好逍遙架.唔限自己幾時返歸.不過你有無"思鄉病"? 當年我都有小小, 一返香港連平時唔恨食既雲吞面都要第一時間整番碗.
不過而家唔會有機會lu..型+任性通常都係發生在後生..

SillyCat~ 說...

>>>haha, I am a boyscout who just won a medal with highest honor!

When I grow up.....I want to be like Lau sir~! LOL~~

laulong 說...

Mona:

係呀,我真係好鍾意笑,又鍾意講笑。有時我同你講笑過咗火位,你唔好嬲!

laulong 說...

阿行姐:

你仲讀緊書架?咁鬼後生?仲要睇"蕊樣少年少女"?死喇,同你差距頓然拉闊。我又用番個比喻喇:

[好像「時光倒流七十年」裏的基斯杜化李,在口袋裏掏出一個1979年的鎳幣,於是轟的一聲,影象飛離,從此永別了他年輕貌美的珍西摩爾。]

好慘架。不過都希望你做吓童軍,得閒同我chat 吓咯!

其實你讀緊乜野?至於無開 blog, 要等:

"或者將來有小朋友,我應該會為佢而寫...將我同佢既開心唔開心記低, 當係送俾佢一份禮物..."

其實都唔一定嘅,因戀愛的事寫也可以啊,一樣可以將你同佢既開心唔開心記低。正如我先前所做的一樣!

睇睇下,你又好似讀完書咯噃,可以好似我咁停一停,抖一抖,唔做嘢去透氣。睇黎我也又有 d 相似!

咦,咪住,"返咗一日學",唔通你唔係讀書係教書?

laulong 說...

sillycat:

你黎,已經行緊善喇!

我無嘢好,唯有心地不算太差咯!

自由行 說...

做乜o者?睇花樣少年少女就好細個架?我覺得套戲唔駛用腦又可以笑一餐, 幾好呀....仲有;我覺得瑞希好靚女+cute, 佐野唔靚仔, 但在戲裡都ok呀,即係"My cup of tea"...hehe
um..戀愛既野, 我想我會在心裡寫低就可以呀!唔係唔可以公開,而係開心公開無所謂, 但如果唔開心既野,我唔想成日睇到,因為我還要繼續我既生活,我唔可以永遠活在佢既陰影中..所以在心裡寫低會好d.
其實我係返一d人地認為好無謂既班-營養, 不過只係呢2日o者...因為個講者專誠來港, 所以我咪去聽law..以前一個人我一定唔會去,而家人大左,自己想做,一個人都唔理, 照去!
hehe..我o係前面d post都提過我在office 食蛇law, 又點會仲讀緊書..
你估到我咁細,我今晚又訓唔著...呵..呵..
教書...以前細個就成日玩,而家有得揀,就no la.. 不過話時話, 我初初出黎做野,第一份工係幼兒工作員. 而家諗番好在當年諗諗下都係唔撈轉行,費事誤人子弟..哈哈

laulong 說...

阿行姐:

新食譜:My cup of tea 加兩條膶腸,聽講話幾補!

睇落你都好忠於自己,幾好吖,哩啲性格我鍾意。

>>如果唔開心既野,我唔想成日睇到,因為我還要繼續我既生活,我唔可以永遠活在佢既陰影中..

哩種態度啱喇,我以前嗰個咪走唔出陰影咯,仲要自己匿入去添,咪唔掂咯!

啊,咁你今晚瞓唔著咪諗下臘味嘅食療價值,可以寫個報告喎!

>>費事誤人子弟..

哈哈,哩句有骨。你快啲生個出來,五歲跳讀中一,等我累累佢!

自由行 說...

>新食譜:My cup of tea 加兩條膶腸,聽講話幾補!
唔係呀far..又聽講?你又聽邊個師奶講呀? 如果呢個食譜o係非洲梗係補,至慘而家我同你都o係香港,簡直係肥人既大敵..包括我!
忠於自己..即係點呀..相士?
>你以前嗰個咪走唔出陰影咯,仲要自己匿入去添,咪唔掂咯!
你講你既前妻?
我以前都係咁, 一分手就好似世界未日咁,而家梗係唔會呀..傻既!舊既唔去, 新既唔黎麻^^
呢d係性格問題,要變真係要佢自己諗通架. 唔係駛乜咁多男男女女為情自殺呀!
>今晚瞓唔著咪諗下臘味嘅食療價值,可以寫個報告喎!
嘩..你當我"曉飛"呀? 掂我就走左去做營養師, 死打份牛工? 我初哥黎架..有興趣想知多多多d o者
>哩句有骨..
人地亞sir..唔好此地無銀呀..我知道你係一個好老師黎
>快d生個出黎..
似乎執個快過生過喎

laulong 說...

阿行姐:

我唔係講我 ex-wife. 我係佢嘅初戀,到依家都係佢曾經有過的唯一戀人。

我講嗰個係剛剛散咗嘅前度。佢常常把以前的人和事掛在口邊,其實我唔想知,因為知道只會令我比較,只會令我不開心,她就是佈了很多無謂的炸彈在我心中,時不時引爆。

好多謝你呀,你又做咗童軍日行一善喇,我算乜鬼好老師,都攞唔到乜鬼卓越教學獎!

執個?唔好,都係生個好,你都係諗諗佢啦吓!

自由行 說...

>我唔係講我 ex-wife. 我係佢嘅初戀,到依家都係佢曾經有過的唯一戀人。
有無機會復合? 話晒大家都有2個仔..

>佢常常把以前的人和事掛在口邊,其實我唔想知,因為知道只會令我比較,只會令我不開心,她就是佈了很多無謂的炸彈在我心中,時不時引爆。
um..呢個真係真係大忌黎架..如果係我,bf 唔問, 唔會提,問到..咪一句起2句止(不過我會問佢架, 女人八卦麻, 同埋唔想錯同一樣野^^)
>我算乜鬼好老師,都攞唔到乜鬼卓越教學獎!
呢d虛榮黎o者, 有就當然開心,無都唔代表d乜,份糧袋得安樂又對得住人咪得law...
>執個?唔好,都係生個好,你都係諗諗佢啦吓!
唉...十劃都未有一點, 唔好玩呀!

laulong 說...

阿行姐:

應該無喇,我同佢嘅關係太多 defect 喇!而且大家都不再喜歡對方,兒子們也習慣了現在的情勢。

如果女人問我之前啲嘢,除咗我的婚姻問題,我唔會講。你愛我的現在嘛,何須知道我過去的情愛事,我唔想在你心中佈雷!

咁我袋份糧又安樂嘅,好多比我教過,傾過的人都會多謝我,記住我!

肯生就得架啦,好似博友 Mona,我幾欣賞佢呀!

自由行 說...

um...生係一個問題, 不過最大問題係責任同教..玩下就好開心, 到自己有一件,細時驚佢養唔,大時又驚佢學壞..真law命..
p.s. 星期日我又去過亞媽癮(fd既家姐叫埋我去沙灘玩,佢就堅..3名)

蘇記 說...

想打不是因为长发,而是你的长腿。。。长腿叔叔你好吗~~~

laulong 說...

係呀,做阿爸阿媽係咁架喇!

咁 happy 呀,邊個沙灘,等我撞吓你。你見到個得九隻手指嘅乞兒係沙灘晒太陽,就係我喇!

laulong 說...

蘇記:

大駕光臨,有失遠迎,你好你好!

其實我唔長腿架,嗰時瘦,才影得腿長!我細碼人,連荷包都細碼,因為無錢裝,要咁大把鬼!

大家熟口熟面咯,今晚到府上去,依家走佬喇,唔係實比老細話嘥電!

自由行 說...

邊個沙灘? 我都唔清唔楚, 你知..我地做賓賓既,好小問太太去邊麻?
>你見到個得九隻手指嘅乞兒係沙灘晒太陽,就係我喇!
點解得九隻手指?解釋下...唔該..

laulong 說...

阿行姐:

我係肥屍大隻嘅乞兒王:九指神丐洪七公!

睇黎你闖蕩江湖的日子還短,跟我去乞幾年喇,包你脫胎換骨,我仲可以教埋你打狗棒法,等你做乞兒婆阿頭!

haha!

自由行 說...

入會...係咪架..師傅? 要唔要交入會費同學費架? 我每日得20蚊零用,唔夠俾入會費喎...哈哈

laulong 說...

行姐:

廿文夠我哩個乞兒公食幾餐喇,何況你每日廿文喎,長食長有,我等如揾到張長期飯票!

ha,你試下唔入會吖拿?靚妹,夠胆黎我地頭玩,嘿嘿...

自由行 說...

喂...你唔好乞兒兜拿飯食? 我自己都唔夠食喎...師傅
係..係..我入你地頭玩.知道..咁駛唔駛收年費? 收唔收咭??
收工呀...88

逆水寒 說...

紅漆工?
好似係華山度瓜左拉喎!

火鶴 說...

原來你一邊行姐心口
一邊摸瘟疫囉柚..

laulong 說...

行姐:

收收,乜咭都收,社團企業化喇!我嘅乞兒王國就係咁運作!

laulong 說...

阿易:

淨係識油紅油嘅漆工?點揾食呀,抵佢死喇!死喺華山都便益咗佢,山勢雄奇噃!

laulong 說...

嘩,火仔嚟喇!見到佢條著火尾巴,我就知死啦。

阿行姐心口人人,唔淨係我,易公子仲狼過我呀!

禽流疫 說...

哈哈死仔包終於搵到黎喇?

>仲狼過我呀!

係呀!我仲虎鶴雙形添喎!

自由行 說...

>收收,乜咭都收,社團企業化喇!我嘅乞兒王國就係咁運作!
咁"白咭"收唔收?
咁祝你生意興隆, o靚如輪轉!
社團企業化? 要唔要考ISO架?
>淨係識油紅油嘅漆工?
紅油唔係要黎淋架咩...?
撞鬼咯..點解無呀呀我做左呢個post 既女主角?仲要走性感路線喎...
我諗起d女星登台,成班餓狼o係台下個狼樣law..呵..呵..

laulong 說...

哈哈,睇漏咗火仔嗰句摸瘟疫囉柚,拿,我就唔好架喇,唔通瘟疫好?

該煨咯,火仔,咪嚇我!

laulong 說...

阿易:

虎鶴雙形?

虎者,四脚著地 pat pat 向天,同性交也!

鶴者,雞科,異性交也!

嘩,兩者都好?犀利犀利!

laulong 說...

行姐:

>>撞鬼咯..點解無呀呀我做左呢個post 既女主角?仲要走性感路線喎...

唔係女主角呀,係女主人呀!

哈哈,性感啲好,性感啲好!男主人話!