2008年7月30日星期三

生命問答

.

兄:你的一件小事,我明白。有些人,
是終生不會愧悟的,這是病,你不用憤激了呀!


我:在同一個城市,同一片天空下一起活過,在同一條路徑上一起走過,也是緣了!我何忍見到有人竟可以偏執如此呢!於己有損,於人無益,我很是遺憾,甚至真的有點激憤!


易:看開一點!自然界孕育出不同的生命特質,以應付不同環境需要。雖然有些特質在某些特定環境好像不太適當,不過也有其存在價值。你的激憤無異於紅蟻質問其他螞蟻為甚麼是黑是白一樣。


我:好多謝你意見,人心不同,各如其面,生命的姿態、道路每人都有自己選擇。然而,這世界還是有一些共通的價值,譬如自愛、仁愛、公義...,但太多人只識自視而不自愛,迷醉於自我滿足而劣化性情。生而為人,曾而為伴,又怎能不令人痛心!


黑蟻,白蟻的顏色,上天所賦,於世無損無益。惟若其色乃錯誤居食而起的病變,就要改正過來啊,否則病情只會愈來愈深!對人來說,是生命的無限缺陷,無限損折!
.
.
.

16 則留言:

易理 說...

>對人來說,是生命的無限缺陷,無限損折!

哈哈!生命就是因為有這「遁去的一」所以才能幻化萬千精彩絕倫。杯子就是因為「空」所以才能裝得下水。人就是因為有「病」所以別人才會給予更多的關懷!如果人沒有病,那麼人與人之間的關心就會相對地少了!人生就是這麼弔詭。

自由行 說...

易理:

>人就是因為有「病」所以別人才會給予更多的關懷!如果人沒有病,那麼人與人之間的關心就會相對地少了!

呢句我唔認同!如果真係等到"病"先會關懷對方,呢d唔係關懷,係憐愛、憐憫. 當你康復.所有野咪還原基本步.

你地講既有時太深,我唔係全部能夠領悟,都係o個句老土野,人生匆匆幾十年,有時換個角度去睇、去感受,又會係另一回事.開心又過一日,唔開心又過一日,何必要令自己受苦?

*以上是個人廢嗡,唔代表本blog立場*

易理 說...

一早預左你咁差輪廚架喇。睇清楚d...人就是因為有病所以別人才會給予「更多」的關懷!...

關懷、憐愛、憐憫呢d野含糊不清就不必係蛋裏面研究邊條係手骨邊條係腳骨喇。重點係不論你有幾咁愛你身邊既人/或者果個係9唔搭8既人,如果人有事,正常人通常都會「多兩錢肉緊」。

呢d係惻隱之心人皆有之。當然如果後來因為其他原因所以埋沒左呢d係後話喇。

>當你康復.所有野咪還原基本步.
有d人係架!你有冇聽過「久病無孝子」呀?另一d人本來呢就事業至上,就係因為家人病左先醒覺到要關心佢地多d。就呢d人黎講,就算家人好返之後都會比以前關心家人多d(之前果類會打回原形)。不過關心程度就當然冇病緊果陣咁多喇。不過呢個係正常既。

自由行 說...

易理:

我點敢差輪廚你? 我唔驚你叫我留班呀!
關懷、憐愛、憐憫呢3個詞語真係幾唔清唔楚, 所以都係留番俾狼校長去講解.

「惻隱之心人皆有之」每個人基本上有,但隨著領野越多,「惻隱」就真係要揀人, 我老細成日講一句「對佢仁慈,即係對自己殘忍」我就深深體會到呀!

「久病無孝子」梗係聽過, 所以咪叫你地唔好咁執著,成日唔開心,個人都易病好多架..

laulong 說...

邪王:

「遁去的一」咁鬼深嘅,唔去 google 都唔知點解。

>>人就是因為有「病」所以別人才會給予更多的關懷!

這句我倒不同意。誰也不要病,我病了,除了自己受苦,我身旁邊的人也受苦,這又於心何忍呢!

laulong 說...

小行:

邪王也諗得很深!

由一件小事到生命問答,我都是有所投射的。就是剛結束了的那段關係。我是不想見到那人繼續偏執下去。那不健康,不可取,那是強厲自己,最終會令生命平白損耗,最終黯淡。

也許我真是多管閒事了,我們已了無關係。那,就當我無聊多此一舉罷!

匿名 說...

Norman,我就是明白你所講的.

laulong 說...

吾兄:

你當然明白!

佚名 說...

有時以為自己看透世事,但現實並不是如些。

能做到佛家所說放下「我執」、放下貪、嗔、癡,確實不容易呢!

我只可以說我是凡人,放不下凡人所煩之事!

laulong 說...

小佚:

爺爺又幫你改字喇,你不要介意!

假若人人都學點佛理,就好喇!我就是覺得很多人,都偏於所執啊!

自由行 說...

師傳:

始終曾經在生命中既一點相遇過, 雖然情己逝, 但心裡總想她過得好的..呢點; 我相信拍過拖既人都會明白.
不過從你的"海葬"、"一月祭"中, 雖然師傳你口中說已無事,但其實感覺你都好可惜呢段情及未放低.畢竟人係感情動物,唏噓下好呀!因為你仍然要過你既生活.

*人細鬼大添,師傳食鹽多過我食米^^*

佚名 說...

laulong爺爺:
爺爺又幫你改字喇,你不要介意!
假若人人都學點佛理,就好喇!我就是覺得很多人,都偏於所執啊!
-->我不介意,但你要告訴我改了甚麼地方?好讓我記住,不再重犯!^^

laulong 說...

小行:

情,我係百分百放低!她的事,我原本已沒興趣知道。只是偶然的情況下,看到她所寫的,一樣的固執,變本加厲的自以為是。

唉,那是過度自我,甚至自戀呀!心中只有自己,沒有別人,生命最終只會損折、孤單!

曾經相處,心有不忍,也是自然的罷!

自由行 說...

師傳:

呢d係性格問題, 無得幫,只有佢自己先可以幫自己.

>那是過度自我,甚至自戀呀!心中只有自己,沒有別人,生命最終只會損折、孤單!

我想起一個舊同事,我同佢好fd, 我當佢哥哥, 佢因為想升職,變成出賣朋友和同事既人, 仲要不擇手段,連我都出賣, 到而家都不悔改..我想...我對佢都係曾經相處,心有不忍,希望佢回頭是岸!

laulong 說...

小行:

江山易改,品性難移,真係珍珠都冇咁真!

至於你同事,唯利是視可能一早已經係咁,只不過入了職場,有了觸發點而已!

自由行 說...

師傳:

你講得o岩!佢之前跳過一次草裙舞,亞gm 話用半年時間觀察, 點知佢又唔等得, 去搵工, 又俾佢搵到, 而佢自己個大佬就藉著呢個好機會, 略施小計就攪掂左佢.o丁佢出局. 佢走得條氣唔順. 到今時今日, 佢成日返黎話: "你睇, 一無左我就攪成咁..." 又成日打電話索料, 睇我地點, 同成日問我做乜唔走呀, 留o係度無前途....攪好多小動作..仲要一個cheap 精買$100旦撻拎上去俾gm 食...
我只可以講一句..功力未夠, 我又領野law..
不過佢都真係教識我好多野既..