2008年7月1日星期二

妖唔妖

.

.
.
.

132 則留言:

F.E.L.I.X. 說...

!!
@@

正到暈!小姐點稱呼?

laulong 說...

喂,登徒子,小心焚身。哈哈!

SillyCat~ 說...

哇哈哈~﹗
路過﹒﹒﹒請繼續﹒﹒﹒

laulong 說...

哈哈,繼續妖?

年紀大,冇乜貨賣!

卡臣 說...

妖!妖!妖!妖!妖....

shizuoka2002 說...

雲煙兄:

苑瓊丹一定話:可唔可以車巴佢?

Daniel就會話:你啲情傷是否變內傷!?

Daniel.

匿名 說...

哈哈,Norman,搞邊科?

匿名 說...

路過..
見到你個造型...嘩我即刻諗起哥哥既"大熱"...

laulong 說...

哈哈,卡卡,五妖鬧京華。

那個名詞?那個歎詞?那個動詞?

** 飛雪素素 ** 說...

WAA 人妖? hey.. hold on.. 你嚟咖???

laulong 說...

Daniel:

即係話:我係咪 short 咗?

哈,冇咁易!

做乜揾苑瓊丹啫?揾...揾個靚啲架大佬。

laulong 說...

吾兄:

冇嘢架,輕狂下啫,唔死人嘅,放心!

laulong 說...

匿名:

哇,哥哥簡直入聖呀,我見到佢造型都妖到收唔到聲,我二打六咋!

laulong 說...

素素:

係呀,哩個人妖係我黎架,尋晚映,今日就比人的咗去泰國做騷,啱啱番!

匿名 說...

你...你唔係情場失意失到轉左機呀?

** 飛雪素素 ** 說...

haha Laulong, 很有趣,我好鐘意你呢個look! 你攞埋個手袋就perfect la!

逍遙小妹 說...

朗兄~~

我同你互相交換呢~~你有做女人的天份呀~~~

F.E.L.I.X. 說...

唔係 wor,你果下蘭花手真係好掂 wor!

匿名 說...

哇,亞sir,你好過癮!

mona 說...

正呀~

撥頭髮的姿勢很嫵媚~hehe

laulong 說...

匿名:

係呀,轉左機去泰國,番黎冇耐,嗰邊話斟我做長喎!你話諗唔諗得過?

哈哈,今次就算殺校都有得撈咯!

laulong 說...

素素:

咁借個手袋黎用吓,不過我驚你會噴飯!

話時話,QC 仔知唔知你有棚咁 short 嘅 blog 友?

laulong 說...

小妹:

話啫,其實有得投胎我都係想做男人,就算做豬都要做豬公,可以享受來自女生的温柔嘛!

laulong 說...

Filex:

蘭花拂穴手係東邪黃藥師秘技,佢教我架,我仲同陳玄風爭梅超風,輸鬼咗咋,如果唔係,超風師妹跟我,就唔駛做乜鬼鐵屍啦!

唉,做劉師奶咪好咯,走去刀頭舐血!

laulong 說...

匿名:

哇,同學仔,知道好啦,唔好揚出去呀!

laulong 說...

Mona:

扮架咋,其實我好 man 架,哈哈!

** 飛雪素素 ** 說...

呢D叫外柔內剛。=)

laulong 說...

>>呢D叫外柔內剛。=)

剛乜鬼呀,素素,最近嗰壇嘢,peng 骨斷咁滯!

Hana 說...

着裙總正!:D

逆性 說...

>着裙總正!:D

應該著/show埋蕾絲bra 同漁網絲襪

匿名 說...

「匿名:

係呀,轉左機去泰國,番黎冇耐,嗰邊話斟我做長喎!你話諗唔諗得過?

哈哈,今次就算殺校都有得撈咯!」

梗係諗得過呀..淨係班blog 友輪住去踩你場都有排撈呀..未計世界各地既粉絲專誠黎捧場, 再加得閒返下hk 探親同埋去林狗"是但嗡"客串....份糧最正係自己袋晒, 連交稅, mpf都慳番..
話時話, 你業務繁忙, 要唔要簽番個經理人?

laulong 說...

Hana:

著裙?我怕影響你康復,你快啲好番喇!

laulong 說...

易公子:

性幻想搵錯人喇,諗到你會嘔架。

我都話你係見光人架喇,係咪夜晚掛住拍拖。

或者比阿嫂拑住!

laulong 說...

匿名:

邊有咁好景呀?

林海峰?人哋咁鬼叻,點高攀?淨係一招汪洋射尿已經豪盡啦!

諗落做哩家嘢都麻麻地,担心個後園!

匿名,好鬼想知道你係邊個,哈哈!

匿名 說...

擔心個後園? 哈哈....你賣藝不賣身, 點會會出事呢? 其實我路過多口 o者...人怕出名豬怕肥,我都係做番匿名開心d...hehe

laulong 說...

匿名:

有時唔到你架,雖然我唔會睇自己咁高,但無情情走個萌鼻菩薩,到時人在江湖,真係身不由己架!

咁你都係做番匿名啦,唔嫌棄嘅話,得閒行過就入黎飲杯茶。

其實我都做過匿名,大家同志!

小貝 說...

索到爆

亦男亦女 說...

呵呵
你唔比我係萬能插蘇架?

匿名 說...

「匿名:

有時唔到你架,雖然我唔會睇自己咁高,但無情情走個萌鼻菩薩,到時人在江湖,真係身不由己架!

咁你都係做番匿名啦,唔嫌棄嘅話,得閒行過就入黎飲杯茶。

其實我都做過匿名,大家同志!」

嘩..玩"男人的感慨"喎...
淨係得杯茶飲, 無野食架?
有無意見書, 我要填...

laulong 說...

小貝:

比人笑到爆就真,玩吓咋。不過我中四五時真係有咁長頭髮!

匿名 說...

話時話, 你做既匿名唔同我既匿名,睇你個樣都係為女o個隻...

laulong 說...

嗱嗱,易公子,易公主,咪同我玩亦男亦女呀,自從入 blog 初期患上性識別恐懼症,到依家都未好晒!見到男人不敢叫先生,見到女人不敢叫小姐。

好慘架,都唔知點好,滴晒汗,抝爆頭!

咁...,唔比阿嫂拑住就比阿哥....住啦!

laulong 說...

>>嘩..玩"男人的感慨"喎...
淨係得杯茶飲, 無野食架?
有無意見書, 我要填...


男人點會無感慨呀,好慘架,啱啱先至比人扔出咸水海...

好好,顧客至上。想食乜嘢,我去張羅,我最叻蝦仁炒蛋,我啲仔食到 lam lam 脷。

laulong 說...

匿名:

我嘅匿名有為過女,也有純為開玩笑,也有為睇唔過眼。總之大千世界,乜都為過。

最緊要係,我嚟真架,我講啲嘢,對得住自己對得住人。

匿名 說...

哈哈,Norman,代我倆向你的公子們問好.

mona 說...

有兩個小朋友的感覺如何?

laulong 說...

吾兄、嫂子:

謝謝!兩條化骨龍,中規中矩而已!

laulong 說...

Mona:

今日升留班會議,會好忙,晚一點才答你。

卡臣 說...

你可以做"星爸"
(不是starbucks)
是明日之星的老豆

匿名 說...

既然你都唔介意人地叫乜水!
又何必在意對方係男係女呢?
除非你有所圖謀
或者有性別歧視

匿名 說...

蝦仁炒旦係一樣易學難精既菜式, 唔係煮到水汪汪就係d旦老晒, 幾時開多個blog 教下我..? 話時話而家男既煮飯仲叻過d女, 你話係咪世界變?

匿名 說...

呀!! 講漏左一樣野...今時今日咁既服務態度就岩呀! 咁d 路過"自由行"就會入多d黎坐下呀!

Desertfox 說...

omg, Looks good. Just need to put on some makeup. How about a boob job as well?

laulong 說...

衝完,想死,嗌救命,番來喇!

laulong 說...

Mona:

有兩個小朋友的感覺?

如人飲水,冷暖自知。你會感到甚麼叫骨肉之愛。他們乖巧時你會欣愉,他們不是時你會激心。人世間最核心的情愛,莫過於此。

但漸漸,我會放手讓他們成長,因為他們有獨立的生命。

我不需要他們顯赫,他們只要是好人,能領受生活的樂,便已足夠。

Mona, 你也來生兩個呀!

laulong 說...

卡卡:

佢愈大愈唔靚仔喇,我都失望!

仲有,體能不像我年輕時強。星爸,唔敢諗喇!

laulong 說...

三個匿名都應該係一個人,唔係就單聲呀大佬!

>>既然你都唔介意人地叫乜水!又何必在意對方係男係女呢?除非你有所圖謀,或者有性別歧視。


無,從無歧視,哩個世界無人有資格歧視別人。我自己成隻鵪鶉咁,比人扔,比人賤視就有,仲點會歧視人。只係我試過網上錯認女生為男人;又錯以為男人係女人,比人笑到面黃而已。

我呀,對女人係有圖謀架,因為我唔係和尚!話時話,你係咪女人,哈哈,係就要小心啲!

laulong 說...

蝦仁炒蛋唔難架,試多幾次就知竅門。可以教,過我又驚比啲老行尊笑喎。

不過,揾日得閒啲,都可以切嗟下!

依家啲女有工作,又要花時間瘦身扮靚,係咁架啦!老實講,我都唔駛我的她入得廚房,她保住對柔輭的素手,比我時時輕握,就夠晒喇!

laulong 說...

喂,咁你食完飯冇嘢做咪多啲黎坐下咯,我好鬼好客。

如果怕我唔知係你,是但按個名都得架喇!

laulong 說...

Fox:

仲化埋妝就過火架啦,整兩整染咗易服癖就真係你愛啦!

喂,你燕爾新婚,哈,甜到漏油啦!

laulong 說...

今日做到嘔,去唔到 blog 友到八,悵甚!

自由行 說...

um..我要講..我地既"匿名"唔係同一個人, 我只係一個路過既自由行..都好呀, 免得你唔知邊個打邊個, 我就叫自己做"自由行"!

"依家啲女有工作,又要花時間瘦身扮靚,係咁架啦!老實講,我都唔駛我的她入得廚房,她保住對柔輭的素手,比我時時輕握,就夠晒喇!"
嘩, 淨係呢段, 我如果係你女友, 就一定好sweet sweet呀! 唔一定要有財力、靚仔、事業有成..只要有一顆善良的心再加對愛人的心思, 就已經可以迷倒萬千少女、中女.....祝你早日由咸水海俾人救番上黎, 唔駛再o係大海中浮游!

匿名 說...

laulong, 你啲仔咁靚,佢地阿媽一定都好靚,有無相睇?

亦剛亦柔 說...

>你係咪女人,哈哈,係就要小心啲!

好似有人話「患上性識別恐懼症,到依家都未好晒」呀呵? 哈哈!好似要小心d果個係你喎!呵呵

睇黎你番發既機會都好大!哇哈哈哈~

唔係有心裝你彈弓
不過今朝有d忙
所以懶得響朵遮

mona 說...

hehe..我會呀~但唔知幾時呢?!
都幾期待架~~ ^^"

laulong 說...

自由行:

好彩有你咋,如果唔係 2003年沙士後香港經濟都唔知點恢復。

>>唔一定要有財力、靚仔、事業有成..只要有一顆善良的心再加對愛人的心思, 就已經可以迷倒....

迷乜鬼,我之前夠一樣寫盡冧話,咪一樣死。心淡啦,依家啲女生好鬼現實!

咦,自由行,你似乎係女同胞喎,有機會帶你行吓皇后大道東。我偶像大佑哥時時去!

laulong 說...

匿名:

都已經係 ex 喇, post 相始終有難度。

laulong 說...

亦正亦邪:

性識別恐懼症啫,唔係性恐懼症!比我識別中呀,嘿嘿,你都幾係嘢!

不過你醒你勁,都依家比你搞到我仲蒙查查。番發咗喇,病情仲加深咗!

咦,今晚真係夜孖孖蒲頭喎!

laulong 說...

Mona:

咁真係好。哩個世代,我多數聽到人話唔生,好少好似你咁有擔帶!

預祝你生兩個,甚至三四個白嫩趣致小BB,只要你鍾意!漂亮的媽媽!

F.E.L.I.X. 說...

wao!! 我係七十樓丫!!!

癲左 :P

laulong 說...

Filex:

做乜嘢,你又醉咗?

自由行 說...

「迷乜鬼,我之前夠一樣寫盡冧話,咪一樣死。心淡啦,依家啲女生好鬼現實!」
喂..好灰下喎..係你撞唔到o者, 唔係無!

係,我係女同胞,不過唔駛你帶我行皇后大道東呀, 因為我日日都行緊, 行到厭呀!
你今時今日咁既受務態度係唔得架, 好"行" law, 有無d 新意d呀? 你應該帶我去買下假LV, 勞呀咁先有前途麻, 你都識話而家D女好現實架呀! 怪不得你衰完又衰。

我睇你個"性識別恐懼症有D好轉, 起碼你無分錯我係男...恭喜你!

laulong 說...

阿行姐:

我唔係衰完又衰架!今次失驚無神都係我人生第一次。食檸檬當然有,但開始咗後,到唔掂咯,都係我主動同人分手。

緣份哩家嘢認真難講,最緊要自己真係喜歡!

假 LV, 假勞,我自己真係唔鍾意。真嘅我都覺得虛榮,假嘅就更加虛虛榮。其實拖下手,行下街,去新釗記飲杯奶茶,都已經很好喇。大家若是鍾情,你就係我最佳風景,我都係你最佳風景。其他嘅,次要喇!

laulong 說...

唔記得講,阿行姐你真係日日都行皇后大道東呀?

大道東有間呂祺教育服務中心,前身係一間小學,也就是我的小學生涯所在。嗰時我真係日日行啦!

自由行 說...

嘩..巴閉呀...主動同人講分手, 係咪要在雨天先講? (分手總要在雨天)

「其實拖下手,行下街,去新釗記飲杯奶茶,都已經很好喇。大家若是鍾情,你就係我最佳風景,我都係你最佳風景。其他嘅,次要喇!」嘩..又黎呀, 又玩萬人迷..

話時話, 新釗記d奶茶好飲咩? 我未試過..我暫時like蘭芳園杯央,野食就真係麻麻地..

仲有, 你叫我行姐..我即刻諗起"陳彥行", 佢哨牙喎..唔好呀麻...我唔駛去參加刨西瓜比賽!

忠言逆耳 說...

答下爹先,嘿嘿!

>皇后大道東

咦!我都係果頭喎!

>都係我主動同人分手

係唔衰得驚比人飛
所以先下口為強?

>新釗記飲杯奶茶

係有誠意既應該帶人返屋企自己沖喇
出面咁吵點談心遮?

>最佳風景

如果真係咁的話
比我係女人就叫你對住我幅相就得喇
何須朝朝暮暮呢又


有d人類最基本既需求係唔可以忽略既──除左精神上既合一
行街睇戲食飯呢d野雖然無聊
但都唔可以完全抹殺架

咁食得茶餐廳多都要食下d好野balance返,反之亦然。
否則人類既神經系統對某樣stimuli既over stimulation會產生抗拒
如果你既出現只會令人聯想到茶餐廳
過左某個point就會產生repulsion架喇
呢個係人既天性
分別只係程度多少而已

laulong 說...

好好,兩位,學到嘢。依家去阿媽到食飯,飯後復。

阿行姐,哨牙嘅咩?我淨係知佢....

哈哈!

自由行 說...

忠言逆耳, 你講得好正...尤其o個個茶餐廳理論, 好到肉...真係想拍手拍手..可惜在office 食蛇, 唔可以咁揚!
喂...請人返屋企飲奶茶, 好驚喎...不過咁, 俾人請番屋企飲奶茶好過俾人請去廉記飲咖啡。
喂...你淨係望亞行姐個胸,人地話晒都係藝員, 你望下佢個樣得唔得? 佢哨牙架, 不過佢一上鏡, 在電視機前;有2/3以上都係佢個心口, 得番1/3係佢個樣...
我都要食lunch 呀, 一陣再傾..

燒雞翼 說...

>去阿媽到食飯

咁筍?係咪係皇后大道東呀?可以搭單嘛?

laulong 說...

阿行姐:

天要下雨,娘要嫁人,分手,並不一定要在雨天。

不要將分手睇得太衰,壞咗嘅始終都係壞咗,feeling 係 hard 架喇,無辦法啦,舊嘅唔去,無得開始過,新嘅點會有機會黎。

新釗記都有好多間,奶茶都有小小分別。蘭芳園,我都未試過,揾日去試下。不過央我就唔鍾意。若飲咖啡,我會去 Pokka.

>>有2/3以上都係佢個心口, 得番1/3係佢個樣...

咁咪係囉,你估我唔想望佢個樣呀,係望唔到嘛,鏡頭對住個樣嗰陣我唔係打噴嚏就打呵欠,再唔係就掛住打蚊,印象裏咪淨係...咯!

laulong 說...

易子而食:

你啲理論啱晒,我 buy 喎。我只係將簡單生活講作不慕富貴、不求高調、自然而然罷了。

貼張相我就唔認同喇,張相都唔識說話,唔識淺笑,唔識嬌嗔,冇得拖手仔,點過癮?

自己冲啲奶茶點都及唔上外面。飲完茶再去二人世界咯!


係呀,除咗精神合一,仲有身體合一呢,嘿,講唔出呀?


哈哈,我阿媽住皇后大道西,而且我同佢清茶淡飯,你捱唔到架喇!

翼 說...

>真係想拍手

謝謝

>在office 食蛇

?!好補喎!嘿嘿
講開行姐既... 又提起食蛇,不期然唸左過隔離...
相信係打錯字遮呵?
否則有人又有所圖架喇!
嘻嘻

>分手

世事無絕對
可能今日既分手
係為左明日既復合呢!

>清茶淡飯?

好呀!一於下個禮拜!不過清茶都係濃左d
我中意飲水!

laulong 說...

液態冰:

冇架喇,冇得復合!我哩個人愛就用心去愛,不愛就用心地去不愛。念已漸漸淡忘。

唔理你是男是女,聽講你係大隻翼,神高神大,我阿媽老咗,好細胆,失驚無神,會嚇親佢。

揾日我同你抝完手胍,先至見阿媽喇!

F.E.L.I.X. 說...

冇丫, 我果個留言剛剛好係第七十個 :P

匿名 說...

原來呂祺教育服務中心以前真的是一間小學.
很想知很久了, 因為其建築物外型很像一間六七十年代建成的官立小學.

lunch time 間中見到wardlaw跑步的局中人

laulong 說...

Filex:

哦,原來如此。你身體好了點罷!

laulong 說...

匿名:

wardlaw跑步的局中人?

唔係好明。

匿名 說...

凡在胡忠返工的局中人, 都經常見到wardlaw lunchtime時在皇后大道東跑步啊. wardlaw以前在澳洲教育部工作, 也是澳洲奧運選手呢~

局中人

海火火女 說...

爸:

總之我早d來啦~咁熱鬧! 哈哈哈!

laulong 說...

局中人:

哦,自從你哋前老細執政,就引入咗澳州幫喇。不過話時話,佢地嗰套認真麻麻,我唔 buy 喎!

哈哈,多謝你嚟,多個同行 chat 吓!

laulong 說...

女女:

你有好一排唔見人,阿爸都時時諗女女生活怎樣了?

匿名 說...

>>>自從你哋前老細執政,就引入咗澳州幫喇。
澳洲幫係contract黎架, 做左五年啦, 佢做埋今個學年走啦, 早半年登左ad請人添.

>>>佢地嗰套認真麻麻,我唔 buy 喎!
算啦, 佢下面咁大棚人, 佢諗d 乜, 通常佢下面嗰班搞下搞下, 會變左第二甚至第三樣野出黎...@@

>>>多個同行 chat 吓!
半個同行啦!

局中人

laulong 說...

局中人:

>>算啦, 佢下面咁大棚人, 佢諗d 乜, 通常佢下面嗰班搞下搞下, 會變左第二甚至第三樣野出黎...

咁又啱喎,你講啲就係政府機構現象喇!

半個局中人?唔通係借調?

定風翼 說...

>阿爸都時時諗女女生活怎樣了?

呵呵!你想同夕陽平起平坐呀?
人地有個火仔你又整個火女!
喔!不如拉埋火仔同火女
你地兩個結成襯家喇?

....但係咁你咪冇行囉?
呀!又唔係喎!
你呢度仲有個「行姐」!
仲有行,仲有行!哈哈!!

呵呵~真好玩!
嘿嘿!大劉你係得既!

嗯!就黎破百喇喎!

Midnight Singer/ 午夜歌手 說...

>>>咁又啱喎,你講啲就係政府機構現象喇!

佢地都係"微調"下d 政策, 以符合大眾利益啫~

>>>半個局中人?唔通係借調?

局中咩人都有啊, 有技術人員有借調老師有教育行政人有行政人有project officer有文員有司機有新聞主任有秘書有各級秘書長又有工友有會計師有物料供應主任, 包羅萬有啊~

laulong 說...

易公子:

啱啱想走,今晚夜返,不過唔瞓都覆你。



靚女歌手:

歡迎光臨寒舍,今晚唔瞓覺,陪你唱歌:

不知道在甚麼地方,傳來陣陣淒涼的琴聲,如泣如訴多麼動人,結他啊彈過不停....

laulong 說...

天使有對翼:

話過回就回,唔瞓都要回!

我係大劉就好喇,有人係咁幫佢生!

大概半年前,阿火仔同阿火女講,話見到我對佢阿媽流晒口水,話睇怕佢兩個會結成兄妹喎!

依家你話將佢兩個拉埋,咁我點呀!

阿行姐係正,但初黎埗到,唔知頭唔知路,有排培養呀!

唔係喇,一於棒打鴛鴦,唔比烈火拼埋熊火,要做,你兩個做兄妹喇,哈哈!

laulong 說...

午夜歌手:

做乜夜 ma ma 黎唱歌,貪靜,瞓唔著,要 um 男朋友瞓?

有無聽過我錄下歌詞的那首歌?

睇黎你就係局中人,如果唔係點會識咁多。請多多指教啊!

Wing 說...

>唔係喇,一於棒打鴛鴦,唔比烈火拼埋熊火,要做,你兩個做兄妹喇,哈哈!

is that a promise? hehe

laulong 說...

Wing Wing 地:

拿,唔好鬧我咁稱呼你,我好鬼貪玩!

Promise 唔係一個人落架,你頂多當係一個 唔知有冇得拑掣去煲嘅無米粥 intention.

不過我咁噏,又會比人狂抦架!你估易公子好相與呀?火仔阿媽啲 fans 你估嘢小呀!

Midnight Singer/ 午夜歌手 說...

有無聽過我錄下歌詞的那首歌?
<---冇喎, 在哪?

睇黎你就係局中人,
<---我快要是局外人了.

如果唔係點會識咁多。請多多指教啊!
<---我當年黎左一個星期已經識哂十個team head. 黎左三個月已經認得哂九十幾人!!!

laulong 說...

不知道在甚麼地方,傳來陣陣淒涼的琴聲,如泣如訴多麼動人,結他啊彈過不停....

呢首真係歌黎架,我十幾歲時好鍾意聽!

就快局外人?借調完畢?另有職務?

嘩,你記性超好呀,咁短時間識咁多人。話時話,我同你兩個前老細羅范與李國章都論過,談過!

Wing 說...

>Promise 唔係一個人落架

老豆promise個女買隻鶴型公仔比佢既promise係一個人落架!

兩個人約定果d叫合約agreement

Midnight Singer/ 午夜歌手 說...

不知道在甚麼地方,傳來陣陣淒涼的琴聲,如泣如訴多麼動人,結他啊彈過不停....

呢首真係歌黎架,我十幾歲時好鍾意聽!

<-------係咩???????諗起CONCERTO DE ARANJUEZ

就快局外人?借調完畢?另有職務?

<----我不一定是Edu grade嘅同事喎!!!我上個月辭左職啦.九月一返新工.

嘩,你記性超好呀,咁短時間識咁多人。話時話,我同你兩個前老細羅范與李國章都論過,談過!

<----我第一次見羅太係佢辭左職後,返office 執野, 啱啱喺AM車落車嘅一刻咋.超哥就係佢去各DIVISION 洗樓嘅時候見過一面囉.

Angel Asura 天使阿修羅 說...

hi gorgeous, u're so cute:)

laulong 說...

阿 wing:

答你嘅問題要用啲心思,開始要做嘢,遲些覆!

海火火女 說...

>喔!不如拉埋火仔同火女你地兩個結成襯家喇?

咁大鑊?! XD

阿爸留言過百好犀利!

laulong 說...

阿 wing:

冇錯, agreement 係 mutual 嘅,promise 係我對你嘅。但 make a promise 都要睇對方是否接受與認同你,是否當你係一個人物。假如佢同你根本冇乜關係,又或者不把你視作甚麼人,那就根本講不上 promise 不 promise 了。

laulong 說...

喂,靚歌手,快同行喇!預祝教學成功,桃李滿門!

laulong 說...

Angel:

哈哈,我玩架咋,我係喪波嘛!你近來可好?

laulong 說...

女女:

唔大鑊,火仔好有才華。不過當然,哩個世界邊有逼婚架,何況你網爸咁鬼開明!

過百,博友比面咋,希望個個博友青春永盛,個個長壽過百!

役 說...

>promise 不 promise 了。

大把痴男怨女明明對方根本開頭無當佢係野
一廂情願promise等人
後來竟然比佢地守得雲開
(當然有更多promise係不了了之)

不過個重點係promise係唔一定需要考慮對方既態度
(當然有的話會好好多
不過只限於對作出promise既一方係堅守承諾時"心理上既支持")

曾經有人堅守一個單方面既承諾
守左十幾年之後
最終死心
然而就係佢死心之後
對方頓然醒悟先識得感動
唉~

役 說...

>火仔好有才華

呵呵!
重有綠卡呢!
個人又長情
又有正義感
路見不平
拔刀相助
冇刀既時候
就口伐筆誅
為人風趣幽默
不單攝影技術一流
畫工更上層樓
佢阿媽又係你老豆最仰慕既對象
一於唔使唸咁多啦
除非你老豆保藏私心
怕你同火仔一齊之後
佢就無得埋佢呀媽身啦
佢話唔逼婚實在可能係以退為進
等你自己放棄架咋!

Midnight Singer/ 午夜歌手 說...

喂,靚歌手,快同行喇!預祝教學成功,桃李滿門!

<---Sorry 呀, 我一D都唔靚呀!!!
黎緊係廿級咁忙, 成鬼日開會, 冇眼睇!!!!!!!

Angel Asura 天使阿修羅 說...

Laulong, tks for asking:)

Busy in new stuff (job, host for a no-$ TV, love, travel etc) this summer ...

your son is very smart & lovely:)

火鶴 說...

呀温疫做セ咁風騷呀?
有喜牙?

火鶴 說...

係瘟疫至啱

laulong 說...

阿易:

今次寫得好深情噃,是否有感而發?

問世間,情是何物,直教生死相許...

我非情種,付唔出喇!

laulong 說...

又係阿易:

火仔叻我梗知,hana 認得做仔嘅梗係唔嘢小。

佢阿媽又係你老豆最仰慕既對象--哩句真!

除非你老豆保藏私心--哩句唔答,嘿嘿!

怕你同火仔一齊之後
佢就無得埋佢呀媽身啦--仲容易喇,話晒襯家

佢話唔逼婚實在可能係以退為進
等你自己放棄架咋!--哈哈,極有可能。

阿易,你真剔透!

laulong 說...

咁我叫你乜好呢?高山流水好唔好?

係呀,我最怕開會,

laulong 說...

Angel:

個衰仔依家麻麻喇!

你好充實啊,為你高興!

laulong 說...

火仔:

有乜鬼喜呀?哩啲係甩戀之後嘅異常亢奮後遺症,係狼顛,唔係豬瘟,不過都已發得七七八八喇!

Midnight Singer/ 午夜歌手 說...

咁我叫你乜好呢?高山流水好唔好?
<---唔掂, 高山流水我都係諗起廁廁...(嘔)
都係叫番午夜歌手算啦, 我唔靚架! 因為有同事講過, 女人越靚越麻煩, 我個人好隨和架喎!

係呀,我最怕開會,
<---我呢啲去坐咋喎, 唔駛發言.
不過我知有啲學校當meeting 係PD, 唔去要聽錄音架喎.
不過我好希望假以時日有機會參與策劃同討論!

禽流疫 說...

>有喜牙?

究竟blog界有冇喜就睇你可唔可以截劉狼糊喇!嘿嘿

C.M. 說...

好彩咁遲先睇到,如果唔係就妖多幾日

=p

laulong 說...

歌手:

>>女人越靚越麻煩。

真係永恆敗局,又靚又唔麻煩你話幾好呢!

>>不過我好希望假以時日有機會參與策劃同討論!

好嘢,證明你有心。

laulong 說...

阿易:

>>究竟blog界有冇喜就睇你可唔可以截劉狼糊喇!

火仔一定截梗,佢文武全才,後生英偉,我條老柴,行路都唔夠佢快喇!

laulong 說...

c.m.兄:

睇睇下我都覺得太唔似樣,有點兒那個呀!

好彩哩幾日返學冇人笑咋!唔係就要揾窿捐!

Midnight Singer/ 午夜歌手 說...

真係永恆敗局,又靚又唔麻煩你話幾好呢!

<---冇咁著數架喎!

靚嘅人一定會恃靚行兇!
我都識ok麻煩嘅靚佬, 但我又有辦法令佢間唔時乖乖聽話. 咁我又間中聽下佢話, 咪ok囉!

好嘢,證明你有心。

<---心, 我有.
但我會期望有回報. 呢個係最大問題.
有同事叫我唔好咁. 咁會好辛苦.
不過我控制唔到自己諗法!

laulong 說...

哇,歌手,你馭男有術噃!

渴望有回報,合理!但世界若非我們想象,也要豁然面對呀!

Midnight Singer/ 午夜歌手 說...

哇,歌手,你馭男有術噃!
<---佢對手經驗唔夠啫, 有咩理由比我玩番佢轉頭!
佢得閒掛, 佢time management好掛,有時間陪我顛.
其實佢都好忙…


渴望有回報,合理!但世界若非我們想象,也要豁然面對呀!
<---我擔心自己投資錯誤
我take up呢份新工唔多唔少因為我估計會有發展空間. 但似乎唔係我諗得咁容易. 老闆唔開位, 咪冇機會囉.

laulong 說...

歌手:

咁你都係叻架喇!

努力喇,教育界多過有心人!