2008年7月8日星期二

孩子,跑罷


.
跑罷!你知道你爸爸喜歡速度,喜歡那一種永遠向前,飄風在側的感覺!


記得我年初給你寫的文章嗎?那天你很緊張,因為你很想進這間中學。這半年來,你很勤奮,今天放榜了,你終於達成所願。


當然,你更要知道,新學年就要開始另一場更高難度的比賽,你不要滿志,更不能鬆懈。


跑罷,孩子!站上起跑線就再沒理由退卻,再沒理由左顧右盼。我在旁邊,會看著你,怎樣揚起一度又一度的飄風!
.
.
.

41 則留言:

自由行 說...

>今天放榜了,你終於達成所願。
恭喜..恭喜..
新學年除左讀書,仲要好好享受你現在所擁有既一切.^^

卡臣 說...

恭喜..恭喜..

張相赤柱哦呵?!

laulong 說...

哩幾日都多嘢做,會幾困!未能及時去博友到八,又係幾悵!

阿行姐:

多謝你對你朋友的溫馨提示。哩個係細仔,鬼靈精,多野講,最叻同人 social!

laulong 說...

卡卡:

多謝你呀!

張相係去年暑假拍,北京那處乜鬼門城樓,呢,賣貔貅玉石嗰度呢!

好彩冇買,番黎同啲舊同事傾,原來揾笨到暈!

自由行 說...

細仔性格會唔會似你多d呢?

laulong 說...

應該係。不過我細個時都好內向,唔出聲,又孱仔。

後來自己發覺唔係路,才銳改變性格同練好體能!

逆風 說...

恭喜令公子

不過講真你會比佢睇個blog架?

laulong 說...

易公子:

唔會,我唔想比佢地知,不過佢地已經知道都唔奇!

都唔緊要嘅,等佢地認識吓易公子哩啲高人,佢地見到阿爸比人打殘,會笑得好燦爛,哈哈!

翼 說...

可能見到老豆要「走出去」
為你難過呢

KaKa 說...

好溫馨呀,你一定是個好爸爸 :>

匿名 說...

Norman,恭喜呀,為小朋友高興!代我向他致意.

SillyCat~ 說...

恭喜..恭喜..

ot: 多謝你呀~~~樓上張相係你影架﹖勁得意既肥B~﹗LOL

F.E.L.I.X. 說...

恭喜公子!人生先扙頭籌!

多謝賢兄送禮!丫 b 個 pat pat 好棧鬼!!

laulong 說...

易公子:

我和異性約會,他們是知道的。走出去的那幾天,我的心情很差,他們也知道。打後的日子,夜晚、周末日唔出街在屋企埔蛋,知乜事喇!

佢地唔會難過卦,佢地冇得玩就難過!

laulong 說...

Kaka:

多謝你嚟呀!

好爸爸我不敢說了。事實我能夠給他們的並不太多。畢竟不完整的家對小孩子是一個很大的缺陷。但我又希望缺陷能給他們另一種所得,仿如比賽,墜入敗部,最終仍有復活勝利的機會!

laulong 說...

吾兄:

謝謝!最緊要小朋友要強,繼續努力!

laulong 說...

sillycat:

係呀,廿幾年前了,是南區那個沙灘已經忘記了。

想來這孩子現在或已為人母!

laulong 說...

Filex:

係呀,肥肥的,很得意!外國人畢竟比較開放,佢父母還笑著讓我拍攝呢!

不過,影相,我 out 喇,新靚作品,要看你,sillycat 和火仔喇!

自由行 說...

埔蛋? 哈..哈..
咁埔完未呀? 小心責爛d旦呀..

Wing 說...

>我和異性約會,他們是知道的。

do they know how did you get to know this 'friend'?

shizuoka2002 說...

小雲煙:

俾心機,走自己應走的路~~~~~~:)

Daniel.

海火火女 說...

恭喜「細佬」達成所願~

laulong 說...

行姐:

未埔完呀,你肯同我去街咪埔完咯!haha!

laulong 說...

Wing:

They don't, I think.

laulong 說...

Daniel:

我代小朋友向你致謝。

laulong 說...

多謝你呀女女。佢地知道有個好姊姊,一定很高興!

役 說...

>They don't, I think.

咁你要講佢地知啦
等佢兩兄弟學下野呀嘛

laulong 說...

阿易:

依家啲靚仔溝女唔駛出我地啲阿伯招喇!

佢地會笑鬼我,話我低.....B 呀!

自由行 說...

>未埔完呀,你肯同我去街咪埔完咯!haha!
你慣用既招數黎架? 呵..呵..

>依家啲靚仔溝女唔駛出我地啲阿伯招喇!
你地3父子交流下o者..佢地點敢話你低b,如果唔係, 點會有佢地呀?

laulong 說...

唔得喇唔得喇,要走喇,今晚繼續!

laulong 說...

行姐:

係呀,我慣用哩招架? 呵..呵..受唔受啫。

我同啲仔差幾代,方法唔會同架喇!佢地第時溝女,我咪開吓眼界囉!

自由行 說...

>係呀,我慣用哩招架? 呵..呵..受唔受啫。
um..果然係橋唔怕舊, 最緊要受..呵..呵..
>我同啲仔差幾代,方法唔會同架喇!佢地第時溝女,我咪開吓眼界囉!
咁又無幾代呀? 唔好誇大得咁離譜..嘩. 呢d情況,你梗係要買定爆谷等睇戲..人地未來老爺..

laulong 說...

haha, 最緊要受...咁你究竟受唔受啫?唔好顧左右言他喇!

三年一個代溝呀行姐,我同佢地爭咗過十代呀!

咁我同你,又爭咗幾代呢?

自由行 說...

師傅..咁計法,都爭好多架.呵..呵..
最緊要溝通到咪得law,理得佢爭幾多代o者..
你點睇都無50呀..個樣. 心境就更加無50.
你唔係年年廿五歲咩?

mona 說...

當我監考入學試時,看見試場外等候著的父母,閃過一句:可憐天下父母心~

恭喜你和你的兒子!!
身為父母真偉大呢~

laulong 說...

行姐:

真係認咗我做師傅啦,嘿嘿,你小心啲,我擅長師生戀!

係呀,我好鬼低 B 架,心態 15 歲都唔知有冇!唔好話 25 !

laulong 說...

Mona:

多謝你呀!

從你一向所言,我覺得你一定是個好媽媽!

自由行 說...

>我擅長師生戀!
車...呵..呵..
>係呀,我好鬼低 B 架,心態 15 歲都唔知有冇!唔好話 25!
下..咁大鑊..你d老人痴呆真係好嚴重喎...

laulong 說...

行姐:

我擅長師生戀你都唔驚,仲叫我師傅?喂,雖然話老人家,但我仲係血氣方剛噃,唔驚?

逆 說...

>血氣方剛

有心無力

laulong 說...

太液芙蓉未央柳:

前面答咗喇,最近 check 過副偈,仲得仲得。

拿,唔好問我點 check!