2009年4月15日星期三

可以消磨

.

坐在德福 MCL 戲院餐廳,落地大玻璃旁透入了稍稍燠熱的陽光。假期裏的很多個下午,我就坐在這裏,讀報,看專誠往深圳買回來的攝影雜誌,想一些想。就這樣,很多個需要等待的日午,得以消磨。

這裏很隨意,沒有連鎖快餐店的擁擠與喧鬧,也沒有星巴克的刻意中產與優皮。你用八達通,嘟一聲扣減了十八元,把票遞到取餐間,便換來了一隻美味的燒雞翅膀,一客份量適中,外脆內綿的薯條,一杯充滿錫蘭茶香的濃茶。我敢說,這茶,絕對比得上任何以奶茶著名的店,甚至超過。

用舌尖細細品嘗了茶香,當杯子空了,你可以拿到取餐間免費添飲。仍舊要奶茶嗎?或是換杯咖啡,都沒有問題。這裏的咖啡同樣不賴,跟著名咖啡店的家製品牌相去不遠。

飲奶茶咖啡膩了,去要一杯清茶罷,備餐員欣然奉上。回到座位,又可以繼續閱讀,品味人生!
.

28 則留言:

巴黎旅客 Voyageuse de Paris 說...

噢很便宜呢!
另一tea time去處。

火女 說...

真係好正~

望有機會都在這裡和爸爸你tea一tea!

the8 說...

很難得呢!

我討厭那些裝修格調懶中上但食物水準比快餐店還差的連鎖店啊!

而且這類連鎖店的名字都吸引一大班吵過不停的人來高談闊論,想靜都幾難!

肥貓 說...

laulong,
好羨慕啊呀! 你可以如斯優閒看書和嘆茶, 我忙到顛, 連寫blog都無時間, 嗚嗚~~

L L 說...

巴黎:

真係又平又好食又好坐,正正正!




女女:

網爸幾時再去通知你吖,你就腳嘅話來坐坐,帶埋男朋友嚟都好。

哈哈,嗰時真係外父見女婿,口水...




the8:

這裏就好。啱時間啱心水嘅話仲可以買飛睇場戲,一日節目就好豐富喇!




貓姐:

係長假期啫,仲要聖誕、新年、復活這些假期才可以,暑假反而多嘢做!

依家時勢,忙碌就表示公司有生意,好好架喇!

Mag Yip 說...

laulong..

好悠閒的下午呢!!
我平時一個人有錢去咖啡店時,
也同你一樣消磨時間,
係好好0家!!
你講呢間又真係好好喎!!
等我下次去找下先...
找不到再問你啦!!

篤篤篤撐 說...

MCL 餐廳, 真係好好hea, 又有陽光...

自由行 說...

好hea 呀!!
有時坐在落地玻璃, 望著街上既人, 嘆下咖啡, 都幾嘆架!

L L 說...

Mag:

你搭地鐵去九龍灣,上德福商場,就喺 MCL 戲院裏面架咋。




篤篤:

係呀,好開揚,冇封閉的感覺。窗內看書,窗外看人,都自在。




小行:

hea hea 吓真係又唔想番學。

番學唔想放假,放假唔想番學,人就係咁。

自由行 說...

o個幾日, 我hea到心都散晒!!!!

梁奕 說...

劉朗兄,
國內的攝影雜誌水準真係越來越高,我都會特登去買...希望有日係德福咖啡店撞到你啦,以《中國攝影》為記^^!

Mag Yip 說...

laulong..

咁容易去,我都找日去坐坐先!!
thanks!!

聶秀康 說...

我公司好近呢!九龍灣行過來便是了...碰到面的話飲番杯...

L L 說...

小行:

冇去旅行咩?

我都心散,要慢慢收拾。




Denzel:

好呀,好多時 weekend 裏面我都會去一日,期望相見 。




Mag:

不要客氣,你同老公若去開睇戲,小坐最好!




3妹妹:

好呀,见到面 I buy you a drink !

佚名 說...

爺爺:
MCL我只是試過晚市
沒有試過下年茶
原來下午茶也是那麼好!

自由行 說...

師傳:

原本諗過泰國, 最終夾唔到時間, 無得去!!
o個幾日只是約朋友、舊同事相聚, 已經夠忙呀!!

L L 說...

小佚:

晚市都好,依家好似八點後還會打折,又係抵!




小行:

咁都好充實喇!見吓朋友,心情暖暖呀!

丹尼 吳 說...

好正呀><
劉SIR 好介紹
我都成日去德福
有機會見到你BO @@

Midnight Singer/ 午夜歌手 說...

laulong

4月16日放緊假嗎?
我已經返左學, 學生已經要測統測了...

L L 說...

丹尼:

見到我請你食嘢!




歌手:

一早番咗學喇。我地早放嘛!

佚名 說...

我都一早返左學,14號就返啦

Midnight Singer/ 午夜歌手 說...

忘了提及, 上個禮拜我都去過德福這個地方吃東西啊, 坐露天地方幾好, 很舒適!

L L 說...

小佚:

考試喇,俾心機呀!




歌手:

露天都好,但我還是喜歡室內。

小丁 siuding 說...

必然回看了這你的舊 post,已經七年前。時間過得真快。看你近日已經不再寫了,也沒法在新 post 裡留言,你最近還好嗎?

L L 說...

謝謝小丁相問,一切還可以,惟剛病了三星期 ( 卻只請了兩天假 :D ),現在逐漸康復。

七年,近七分一,八分一人生了,很多很多事情發生,緣起,寂滅,走過了一場又一場南柯夢!

待退休後的一次人生變態,不遠,兩年後就是了 :)

小丁 siuding 說...

祝你有更美滿的人生。有些人說,退休後才是真正人生的開始,生活加油。

小丁 siuding 說...

還有,希望你早日痊癒,現在病菌很利害,即使傷風感冒有時也不容易好起來,多休息。

L L 說...

謝謝你,小丁 :)

大家都要珍惜健康,涵泳生活。朋友的關注來鴻,實在窩心珍貴 :D