2010年6月12日星期六

愉快的博奕者

.
不賭還是最好的。想想為甚麼有人開賭,因為開賭一定贏,那麼誰輸了,去賭的一定輸,尤其是長賭。

賭一定輸,那麼還要賭?那就是為了樂趣,去考眼光,考博奕,驗證自己的思維。從這目的出發,你實在毋須要押重注碼,因為沒可能靠賭致富。上面不是說過,賭錢一定輸嗎?嬴的永遠是開賭的那個。

老生常談是小賭怡情,每個月用你收入的幾個百分點去賭,即使全輸了就當作娛樂費,而且注碼不大,人就不會精神緊張,不會歇斯底里,這才是享受。

我是有賭的,但賭得不大,用的時間也不多。每個月奉獻馬會的很少,有時甚至低至不足收入的一個百分點。付出不多,但我非常享受那思考和驗證眼光的過程。

昨晚世界盃開幕,兩場我都押中了,但你會笑我投注那麼少?是的,因為這樣我才不會在長途的博奕裏輸得多。

於是,我永遠是一個愉快的博奕者。
.
.
.
去年今日:
他不想死
.

24 則留言:

嘿嘿 說...

小赌怡情,大赌伤财!严重的话还会造成家破人亡……

果然懂得生活情趣,这样才有意义。

L L 說...

係呀,嘿嘿,不過這體會也是要輸過不少才能獲得,原來我的交學費就是讓我明白這道理。

Coffee 說...

>>你用不了收入的一個百分點。

嗨,你收入的一個百分點可以是很多架,校長是高收入人士吖嘛!:p

L L 說...

唔多噃,就算+萬元一個月(我梗無),百分一只不過一千元,真的很少呢!!

篤篤篤撐 說...

我從來唔賭波, 因為押左注, 就唔可以客觀欣賞; 至於賭, 除了初睪業時喜歡和同學打麻雀之外, 真係完全冇興趣賭

我應該係冇賭性既人

L L 說...

篤篤:

唔賭最好!我見唔少賭到周身唔掂嘅人,能自我控制嘅人畢竟唔多。

我雖然買波,但反而唔睇波,只係今日頂唔順個仔才訂番有線。今日頭兩場都估中,南韓羸同阿根廷贏一球 ^^

Coffee 說...

>>付出不多,但我非常享受那思考和驗證眼光的過程。

原來這就是賭最吸引人的地方!

L L 說...

係呀,世界盃頭四場我都估中,好有滿足感!

C.M. 說...

>>我應該係冇賭性既人

嘿嘿,你話班房中人邊個會信你呢番話!?

嘿,我則喜歡非常理性地賭。

L L 說...

CM:

非常理性地賭,我都係,我甚至同學生講自己博彩嘅態度,分析賭的性質,贏嘅或然率,同賭嘅遺害。

依家有啲嘢拑唔到架喇,好似青少年嘅性隨便,只能夠教佢地將負面影響降到最小!

C.M. 說...

咦?睇黎佢地都係學緊我同你,好理性咁賭喎?(拿,妹妹仔,唔洗驚喎,開心咪得囉,唔會有事既....)

L L 說...

依家調番轉呀,係: 哥哥仔,唔洗驚喎,開心咪得囉,唔會有事既....

我真係間接聽到係女仔鼓勵男仔搞。

拿拿拿,女 blogger 咪插!

C.M. 說...

嘩,弊弊弊!

原來我out得好緊要!(要調整一下博弈環境先)

L L 說...

hahaha, 我都唔知係慶幸自己出世遲,還是可惜自己出世遲!

C.M. 說...

同感同感。

L L 說...

咁有啲定力差,心態歪嘅年輕老師都衰咗,睇黎都係早出世好,我成舊朽木,安全呀!

C.M. 說...

衰人... 你提起,查實我... (zipped)

L L 說...

kakakaa, 我翕咀...

Fair仔 說...

查实係吾係你睇到马来西亚赌波争论有感而发写的?

L L 說...

Fair 仔:

冇呀,不過嗰邊係明禁賭,實可賭架係咪?

Fair仔 說...

我地有3间合法嘅六合彩,4D, 3D公司。 又有彩票公司,仲有CLUB入边嘅老虎机, 云顶赌场(唯一合法赌场),赛马。

除左赌波,赛狗,斗鸡非法之外赌法都算几齐全下。

没有好似香港嘅麻雀馆,但如果系会所/会馆赌,私下计数,执法人员都很难捉。

L L 說...

哇,賭嘅花款仲多過香港好多,我諗大馬嗰边病態賭博唔少喎!

Fair仔 說...

所以先有赌波牌照唧争论。

有病态赌徒实有大耳窿,人伦惨剧接踵而来。再黎多笼赌法仲得掂?

须知大马回教徒不能赌,可以合法赌博唧人数只有几百万人。华人人口600万加上印度人150万,既係750万当中包括未成年人。同香港人口咁上下。

可以讲除左香港人"过大海"之外, 马来西亚人对赌博花款种类唧比例係高过香港人。这对于"回教国家"来讲係种讽刺。

L L 說...

Fair仔:

大馬雖係回教國家,但長久以來滲合了華人文化宗教特色,不像中東、南亞回教國家那樣原教旨。這是文化形勢使然啊!