2010年9月12日星期日

原來奧巴馬都好 muddle

.
本來這人真的不錯,年輕,有幹勁,沒架子,要做一個受歡迎的美國總統真的不難。只是金融海嘯、伊拉克戰爭留下的爛攤子實在不容易應付,在他搔破頭顱的時候,最近又爆出個傻佬牧師要燒可蘭經,嚇得奥巴馬急忙喝停,甚至急就章說美國永不與伊斯蘭開戰。

你可能會覺得這句話沒不妥,但不要忘記,奥巴馬只是這一屆的美國總統,也只是來自民主黨的美國總統。在這個崇尚所謂政黨輪替的國家,沒有一個總統能為下一屆,甚至每一屆的總統說一定做,或一定不做些甚麼。

再從語理分析,伊斯蘭是指甚麼?是信徒?是教派?是國家?奧巴馬也是語焉不詳。美軍也正在阿富汗跟塔利班打仗啊,咁即係點?

事實上,天下間只有一黨專政的國家較能說「永不會」這話,像中國說永不稱霸,在共產黨裏早已成了共識,甚至成為主導思想。我們可以預見,在共產黨還是中國的唯一執政黨時,永不稱霸是較為可能的。

當然,這短文不是要討論一黨專政好還是政黨輪替好,可不要捉錯用神,若要論的話,改天罷!
.

11 則留言:

eric 說...

其實真喺多得啲美國傳媒,如果唔喺日講夜講,嗰山kala小小教會要燒經燒像燒乜都好,都冇人知冇人理綵佢都傻喇。

多數都喺有幕後人士攪攪震㗎喇。
就嚟要midterm選舉啦嘛。

Ebenezer 說...

說甚麼一生一世,根本上是言詞空癈,何必對之太認真呢?

L L 說...

Eric:

都係架喇,政治背後太多計算,太多推力與拉力。人世間最複雜嘅莫過於此。




Eben:

唉,我就係講過,也聽過甚麼一生一世的,不過係兩個人中間嘅事。海枯石爛?原來係無嘅!

篤篤篤撐 說...

政客up野, 只係表態ge, 只不過用"never"如此感性字眼, 在西方世界比較少。

牧師不是傻佬, 佢個教會只是小貓幾十人, 經此一鬧, molala全國知名, 應該會多好多損款了。

以此觀之, 以後扮激進者陸續有來, 美國政府~有排煩了

L L 說...

篤篤:

照計總統公開噏嘢,應該事先俾班智囊斟酌吓過濾吓,除非係佢爆肚。無論前後者,佢地政治智慧都有限咯。

911 紀念真係有人燒可蘭經,假如因為咁樣而令一啲激進回教徒走上街隨便隊霖幾個美國人,就真係太唔值喇!

Armadillo 說...

我想奧巴馬是指伊斯蘭教吧,不過他這句話真是說了等如沒說。在一個政教分離的國家,政府根本就不會挑戰任何一個正當宗教。當然,法輪功是例外。但法輪功是一個正當宗教還是一個掛羊頭賣狗肉的政治組織,這倒是一個問題。其實李教主當眾示範一下他白日飛昇的本領,不就能讓人釋疑了嗎?

呵呵,扯遠了!

L L 說...

哈哈,那個可愛教主?你都咪話唔把炮,話中共販賣人體器官致富,怕要劏幾百億人至可以賺到幾萬億外儲咯!

政府挑戰任何一個正當宗教,就似清朝去滅南少林咁。喺依個時世,肯定匪夷所思喇。

HoLLyCoW 說...

哈哈,換秋裝!同我的Blog一樣!淺藍色!

奧巴馬是另一個普通的人!

L L 說...

kaka, 係喎,睇番同你嗰個一樣,不過你文章在右面!

噢,奥巴馬係普通人,怎麼民主選舉選了個普通人來了?

HoLLyCoW 說...

選了個普通人就是"真民主"!哈哈,哈哈!

L L 說...

噢,普通人做咗總統好危險呀,所以我唔信哩挺普選咯!