不是說女人的曲線，而是說某些人走路的姿態。
今天午飯後，以一貫的中快步速步行回校。走著，見前面有個小夥子一邊走一邊聽手機，在窄而斜的行人道上狀甚優閒地慢速前進。我趕上了，想從他左邊的空位超前，他卻忽然把軌跡移向了左邊。那我自然轉向他右邊了，正想超前，他又忽然移回右邊。我心裏已經嘀咕，搞啥呢？接著我唯有再移到他左邊去，嘿，他竟又移到左邊去！
我真是有點光火了，搞攔截嗎？瞄瞄這個大專生模樣的年青人，看樣子該是聽電話聽得入神，而且聊得很愜意啊，身體便左往右去的，軌跡常變，竟完全忘記了這路是還有其他行人的！
好，忍你，看你也不是故意的，我正想再移到他右邊去，他卻左轉走進了前面建築物去了。前路廓清，我舒了口氣，自然長驅而進了，但他的 S 型線路，卻令我在午飯後憋了淺淺的半肚子氣。
.
26 則留言:
踢9佢la....
kakakaka, 篤篤，我雖未致起腳，但經過他身旁我真係 ung 了一句。
佢會唔會係索咗K？
睇佢背面同側面都唔似，不潮不惡不暴，似一個不太戇居嘅戇居仔多啲！
哈哈...我有寫過呀！就係因為俾激親，都唔知佢想點？左又唔係，右又唔係。
係呀，我行得比較快，所以都成日遇到呢情況。人又真係好，好似有後眼咁，可以封殺得咁準！
haha, Coffee, 咁睇黎哩類人唔少噃！如果真係可以 kick his/her ass 就好咯！
Arma：
哩啲係另類嘅梅菲定律，總係咁啱俾佢封到。仲有一種行得慢嘅又係激死人，阻鬼住晒！
你還算好，我好像每天也會遇到一個這類人．．．
哈哈，我不會忍，會開聲囉！
Minor：
咁睇法，S 一族已成了一個人數不少的群體，睇黎學校教育都應該要教埋行路的道德守則喇！
巴黎：
如果個 S 男唔係轉咗入去個建築物，我真係會出聲架，打籃球咩， flick 左 flick 右！
我就唔kick his ass喇，費事益佢！
哈~？
梗~係！
不過我次次都幾乎忍唔住要出聲咁滯，啲說話已衝到嘴唇邊，「喂，你企定啦！」
我已將行路人士劃分出三大類，第三類就係要捉去受訓果類。
minor︰
你每日一個，我雖然深表同情，但實在好好笑，我笑ing！我擔心你有一日忍無可忍，真係一嘢kick出去。嗱，我而家提醒你先，你kick出去時，記得講︰我無你咁識扭「史x花」吖嘛！(講笑)
Coffee：
若果嗰啲係士弗鬼,kick 佢咪即係益佢，但又真係好難喺嗰刻分辨咯，總之遇到哩啲 S 族或者慢過鬼嘅蟻族，就一個字：煩咯！
都唔係剩係後生仔，好多人都行到移下左移下右。。。。我成日覺得似打機，行到去，佢就block你
係呀，我尋日放學至俾個阿毛撞到個膊頭，本來佢有佢軌跡，我有我嘅，就係因為佢失驚無神走歪少少，再加埋無情情擰頭就撞到喇！好彩佢冇事，唔係我都唔安樂咯！
我也超討厭這些"阻往地球轉既物體"!!
不要為這些物體憋氣, 因為他們的數目實在太多!!
我早兩個星期踢到阿婆枝拐杖（我已經唔係行得快，兼有少少距離，枝拐杖突然伸左係我隔離），我無仆，佢仆，我直頭雙手攬住佢，佢先無跌，嚇到我吖
真係要教育下d新一代，路窄幾個人平排行，S型步法，行行下突然回頭真係日日總有一個係我左近，靠你啦！
Coffee:
我日日總會遇到呢類人，kick就唔好，浪費氣力，最多行過怨佢幾句洩心頭憤～:ｐ
貓姐：
仲有嗰啲打橫一排，又慢慢行嘅堵族，塞晒成條行人路。最無奈係路边有圍欄，不可以兜出去。冇圍欄兜出去又有俾車撞嘅風險，真惡頂。
naruto：
哇，好險呀！第時行路見到阿公阿婆就要打醒十二分精神，我都要及少啲女仔咯，唉！
minor：
會架喇，我會揾機會教吓啲細路，其實仲有好多，好似男生用厠所嘅守則呀，都係要教。
laulong,
你去我個網誌度係咪有咩想講呀,
我文章得不好, 請常來指教下呀
以前常有睇，以後都會架，網友相互支持吓嘛 :)
呢類S形步，有可能係佢步姿本身不正確，幼時腰背沒學到正確姿勢
傾電話時relax了，於是步姿問題就大幅突顯出來
黑兄：
我多希望前面行緊的是個體態 S 型，又行緊 S 軌跡嘅美女，待我被她擋著時深嗅她的髮香...
但最衰不是呢，是個宅男的腰背呀，陰功！
噢，我用Ｓ做自己的代號，咪無端端自動對號入座咗？不過話時話，我成日遇倒呢種Ｓ型人，至憎！ >_<
SKII：
如果我講個 S 係你，就一定讚你架喇 ^^
哈哈，校長，在此先謝過！ ^_^
發佈留言