2011年9月20日星期二

陶傑,真係低處未算低

我講嘅係個格!

昨天拿不到爽報,今天拿到了。嘿嘿,小到唔恨的小小報,裏面有十九才子的情色小說,這人性愛賣弄,語言刻薄,崇美反華,欺師背祖,面目可憎,真不明白電視台怎會找他主持中國史地節目,藥業公司怎會找他拍補藥廣告,而他又毫無愧色的去跑這些充滿中國味道的龍套!

知道嗎?看見這個嘔心的人物,電視我會立即轉台;買補藥我會挑選第二家。找這個人是逆推銷,負廣告,只是搞製作搞廣告的人已經盲了眼,還在迷信這個所謂香江第一才子的魅力!

才子個屁呢!爽報裏的那篇色甚麽的,寫得格調低下,想不到一個年輕時滿有才華的文藝中人,走進了蘋果後,隨即與銅臭一起酸腐,賣文愈賣愈賤。肥佬黎用銀彈覊糜文人,學者,醫生,該自這個十九才子和老不死李X開始!
.
.
.
去年今日:冇癮
.
.

25 則留言:

Ebenezer 說...

So far, 我都末見過有人覺得<爽報>掂。

鹿米館 說...

只覺得佢寫得好「小學雞」,有點老土,佢講既反華崇洋,其實已經好out下,內地高官子女來港讀書,係人都知,並不需講。海外港人回港讀大學,向來都是不少在政府工作的父母供子女到英國讀書的常見途徑。
佢仲講?我想有少少新意多些。

C.M. 說...

今日先知原來已經出左爽報,仲聽到周圍既comment都係咁。真係有機會想見識下。

laulong 說...

Eben:

肥佬黎都唔係無敵,佢搞蘋果直銷經已差唔多反艇。




鹿米:

真係好小學雞,寫情色遠遠比不上網友佛爺的。色字行頭嘅小說,卻不見華色艷色!

laulong 說...

CM:

感覺好粗糙!蘋果寫財經專欄的利世民也在質疑爽報的發行策略。

不過蘋果由 50 萬份跌到 30萬樓下,肥佬黎無可選擇是要硬試一煲了!

Hana 說...

我幾有興趣知佢嗰份酬勞有幾多呀,事關佢讀出來嗰啲完全係口語、俗語(加埋英父!)同篇文嘅書面語都幾大分別!

真係幾似榕樹頭金魚阿伯講咸估!正常途人就企都費時啦!昨天同今天嗰兩篇我都只係睇/聽咗一半咋!實在是太惡啃了。

C.M. 說...

想升番上?換過個編輯風格先喇!

唔通班友真係唔明點解當年d人咁“擁戴”蘋果?!

laulong 說...

花花:

我知道有得聽,但一諗起佢煞有介事兼造作,就唔去聽咯!佢啲文字都描述得差,不能令人想象異性身體之美。

榕樹頭金魚阿伯講咸估,呵呵,花花你形容得好好啊!




CM:

形勢去咗就番唔到轉頭!隨着代議政制發展,蘋果陷身政治太多,就要付出代價。

SKII 說...

吓,乜有啲咁嘅嘢咩?我兩日都有攞,但睇唔倒喎。

嘿嘿 說...

算不算香港本色?哈哈哈~

hollycowplanet 說...

哈哈,我曾經說過我"不喜歡"陶傑, 就被一網友罵得狗血淋頭!!

哈哈,爽!

best actor 說...

看過他一本名為風流花相的散文集﹐才情也好風流也好﹐遠遠不及黃霑倪匡蔡瀾﹐說尖刻也拍馬不及李碧華。也許慕才子之名開卷﹐所以失望。

largeheadboy 說...

我都唔明點解份報紙搞成咁
攞完第一日之後我都無興趣再攞喇~

l.minor 說...

拎咗份爽報,我以為係一份男極圈~

佛爺 說...

校長:

嘩!乜咁誇獎我呀!嘻嘻!

不過陶傑真係亂鬧到無哂邏輯,好似黐線咁!

Sun Sun 說...

我覺得陶傑只係崇英反華, 英國以外所有番邦都係低等.

無論爽報成功與否, AM730絕對係最大受害者, 用蘋果印刷廠, 唔準加量同頁數, 等同阻止發展空間.

同時睇到頭條日報日日自我膨漲, 日日大賣自己銷量升同蘋果跌, 用下腦都知免費報紙無可能同收錢報紙做比較啦, 唔同TVB要日日講自己收視多過有線咩?!

東方太陽重自賤身價即時減, 無自信就要用埋晒呢d下三流手段, 唉...

laulong 說...

S:

該看到了罷,那連載的爛作叫〈色錮〉!




嘿嘿:

這特色我情願不要!我甚至喜歡國內的媒體多一點,尤其電視節目。




牛牛:

糞土都有盲頭烏蠅蹖埋去的,由它們掏糞罷!




ba:

時人向聲背實,打造個偽才子出來,叫人失笑!

laulong 說...

minor:

嘿嘿,正是如此,肥佬黎除了鹽花之外,還是鹽花!




佛爺:

你睇唔到咋,睇到你就會話:乜寫成咁呀!




Sun:

啱,佢對英國有戀後母情意結,我之說崇美,是因為美英沆瀣一氣,而美為大佬國。

愈多免費報紙,廣告市場就愈分薄,結果該有報章會被淘汰。爽報會爽幾耐呢?嘿嘿!

laulong 說...

大頭哥:

咪就係益晒啲回收檔咯!

新鮮人 說...

未睇過哩份報紙,
因為無特別慾望想睇,
依家更加無興趣了,
反而想睇肥佬黎仲有乜怪招多點。

陶生的書我睇過買過,
有些地係有point 的,
不過今時今日仲有無新野呢?
我無留意佢好耐了,
家裏本海豚男預備送去救世軍,
唔要就當柴燒囉。

laulong 說...

肥佬黎近年只有一招,就是:看招,灑鹽花!

噢,依家嘅十九才子只識寫 T back 呀 T back 的,冇 point 架喇!

Armadillo 說...

呢件十九才子,個樣陰陽怪氣,真係見佢前面憎埋佢後面!寫嘢又尖酸刻薄,立論偏頗,就等我贈佢七個字:狗口長不出象牙!

laulong 說...

haha, 我地有共同厭惡的人。其實嗰啲買媒體斟 talent 嘅廣告佬應該黎睇吓佢幾咁乞人憎,揾佢拍嘢即係倒客户米!

匿名 說...

黎智英係有啲辦法的.

蘋果由第一天就比人閙, 又如何?

情況是, 大部份人一邊閙一邊看:

甚至台灣的報業生態也給改變了, 奈何嗎?

諸君雖看不過眼, 然而, 你話佢點衰點賤, 但是, 佢真係成功噃!

大家從道德上指責佢, 然而, 他只是個生意人, 你有你憎, 佢有佢執金

laulong 說...

你哩個係執金大晒論,OK 嘅,執金成功道德敗壞,肚滿腸肥血管閉塞,銀包脹滿聲譽掃地,真係無問題架!

肥佬黎唔係冇輸過,只不過唔知点解佢有無限既大水喉啫,啲錢喺边度黎嘅哩 hea ?