2011年9月30日星期五

一夕風流的代價

尋日好過癮吖,雨橫風狂後,踏著遍地殘紅,唔駛返工,午後繼續 happy 去也!到對手在位了,遂一撥衣擺,跨步登上圍城之巔,結果手揮五絃,目送飛鴻間,就把對手弄至眉頭緊皺,徒呼荷荷,結果當然是又一次臣服在我之下了!

打後觥籌交錯,酒酣耳熱,放歌的放歌,笑謔的笑謔,直至杯盤狼藉,遂踏上歸途,長街雖靜,卻沒有寂寞之思,畢竟今日能在圍城裏煑翠烹紅,嘿嘿,都是拜風暴納沙所賜。

今日回校,還未響鐘,登入網上銀行,一看,怎麼?羞澀的結餘數字告訴我 :未....出....糧 !!!

冇理由架!都 30 號咯,我雖不是由獅子或刀幣銀行直接出糧,但一直都會在月尾一天收到糧款,十多年來從來無誤!想起了,是昨天銀行不辦公,過數遲了。九時過後打電話到銀行問,確定了這個原因,但更大鑊是,明天又是公眾假期,糧款分分鐘星期一才有。

噢,那我的保險呀自動轉賬呀又要搞一餐了!這個週末要過一個超瘦的月頭了!

唉,國慶節前一夕風流,節日裏阮囊枯陋,真是成也納沙,敗也納沙啊!



寫到「殘紅」,就想起此曲了:



唉,此人堪記!
.
.
.
去年今日:消失了那尾魚
.
.

15 則留言:

Ebenezer 說...

你唔係大陸銀行出粮嘛?!佢地黃金周長假放到9號呀!

L L 說...

哇,你咪嚇我喇,我心血少呀!

我係中資銀行咯 ><

自由行 說...

校長大把$$$,駛乜驚?
快快去取床下底餅乾罐出黎呀!

L L 說...

哎吔,餅乾罐,連罐帶 $ 俾人攞咗去回收喇,嗚,渣都冇得剩 :(

新鮮人 說...

乜你又想寫"甜故"咩?
哈哈哈~~~~

naruto 說...

哈哈,我前日入嘅票今朝都未過到呀;不過你大劑D

L L 說...

新鮮 :

冇呀冇呀 , 我 d 好正經架, 決戰前夕, 紫禁之顛 !



naruto :

返緊屋企, 一陣 check 下, 再無就哩個星期守齋, 唔去街唔買波買馬 !

L L 說...

haha, 有喇有喇,咁都好啲,可以去 wet 咯!

largeheadboy 說...

咦,我都未 check 出咗糧未添~

新鮮人 說...

有錢就身痕啦,
你唔乖呀!

Armadillo 說...

又有斬獲,恭喜恭喜!出遲幾日糧,濕濕碎啦!

卡臣 說...

有錢.就身痕了

匿名 說...

底得你呀,有得風流就咪鬼晒啦,去偷笑嘛。轉賬事小,放下愁緒,收到,收到,我会多珍重。

「秋+心=愁」

唉!秋意濃又令人詩兴大發!

韻味熊貓 說...

校長:

唔買馬,唔買波,就叫守齋咩?嘻嘻!

L L 說...

大頭哥:

經濟充裕才不用 check 出咗糧未 ^^




新鮮:

有錢身痕就男女一樣架喇 :p




Arma:

同啲後生仔打,贏唔多呀!




卡卡:

好過無錢都身痕 :)




牛牛:

俾人睇到我偷笑會話我儍架!

何處合成愁,離人心上秋!雖然如此,但牛牛不要愁了,多想春風夏月。




佛爺:

好齋架喇!另外嗰啲, kekee~~~