2011年11月18日星期五

卿本佳人,為何咁賤

網上照片
蘋果日報 幾天前頭版報道了一個學界病假王,這位樣貌娟好的英文老師,竟然全年請了過百日病假,而且發病多在星期五及星期一,比生理週期還要準。

報道說這老師請病假是去了秘撈,做導遊揾真銀。學校不用上班就人工照支,學生跟不上進度、麻煩同事代課就懶理,真的很卑鄙,用「好眉好貌生紗蝨」去形容就最貼切不過。

老師請病假上三天才需醫生證明,結果造成了躲懶的空間,只要不連續請假三天,就可以逍遙法外,為所欲為。最要命的是,連續請假三天才可以用公帑請代課,請一兩天的就要原校老師去啃,怎不天怒人怨!

更不該的是,學生因為老師缺課學唔到嘢,貪財吞仆卑劣的反面身教又汚染學生心靈,這人之患的反社會功能真叫人氣憤!

但聽說此人被補習社聘用了,搖身一變成為名師,嘿嘿,真係世情混沌,夫復何言!
.
.
.
去年今日:幸遇星雲大師
.
.

17 則留言:

貓頭鷹 說...

其實學生學唔學到野同老師缺唔缺課影響唔係好大........
小子當年econ當個阿sir都成日缺課(據小道消息佢係過大海.....), 大家依然學到野, 冇人drop科, 合格率都唔錯.
其實中學既老師, 最重要既唔係日日出現教書, 而係應該令學生對學習有興趣. 有興趣佢地就識自動波, 教唔教既影響已經唔大.

Ebenezer 說...

如今,這個人盡皆知的漏洞,學界以至教育局,將如何跟進?

Armadillo 說...

係咁架喇,鬼叫而家人權高漲咩!就算懷疑有人呃病假都唔可以做啲乜嘢,否則實會俾啲工會同病人權益組織鬥誇鬥臭!

the inner space 說...

之前有個 immigration officer 都有類似事件,被報章報導!

個人認為不應因為一兩個害群之馬就強加制約令到一班好馬添加不必要的麻煩。

管理層就應該多加留意不要讓這些枯枝留下影響士氣!

laulong 說...

貓頭鷹:

謝謝光臨!你講嘅老師應該令學生對學習有興趣,我絕對認同,但學生的水平差異太大,有些你用百分之二百課時還只是寸進。

名校教師唔教書很普遍,但學生因社經背景、家庭支援、優群效應取得好成績容易,中低階學校老師唔用心教,死梗!

而且老師的身教很重要,哩條蛇王 miss 只會教壞人!




Eben:

我服務的辦學團體在聘書裏規定一天假都要医生紙,所以濫請假不嚴重。

現在香港不少直資學校,可以除時把老師解聘,老師就不敢離譜了。

laulong 說...

Arma:

所以走直資都有好處,校方直頭唔駛理你真 sick 還是假病,總之校方唔滿意就可以炒(當然炒時唔會講明話你請假太多喇 )!




Inner:

嗰條肥仔我都寫過,最後佢為了呃多半日衰咗咯,退休金都冇埋,我不知幾心涼呀!

SKII 說...

我一直以為呢樣野係勞工法例規管的!以前做的公司全部兩天才要假紙,現在的公司一天已經要。從來冇想過有機構係三天呀!睇報導,呢位姐姐其他方面都唔係一個好人,但偏偏成績又幾好,真係不知所謂!

naruto 說...

做人係咪真係要做到咁賤狗呢

laulong 說...

S:

哩啲就係有能而缺德,仲衰過高分而低能。為人師表就是以自己為表率,盡責是首要的!

至於教育局,啲高官只識做大龍鳳而不幹實事,不補疏漏,廢官而已!




naruto:

就係有人如此,這是我們的教育只重功能而不重情意之過!

l.minor 說...

其實而家外邊的補習"名師"都係主打攻題目,並不是教導學生去健康成長,呢咁嘅工作,相信啱哂佢...

p.s. 當然我唔認同佢嘅行為同理念

匿名 說...

嘩!連請三日假先要病假紙?!有冇攪錯?!我幾年都未請過病假啦。。。就算係病最多都係行開一頭半個鐘睇醫生就算,而家D人真係離譜!
Derek

五珍 (Jan Ng) 說...

幸好這種人只是少數,我認識的老師朋友都是很盡責的,不過就做得半死。

laulong 說...

minor:

我都認同你睇法,哩條病假女王去咗補習社就唔會告病假喇,因為有返就有錢。唔喺津校教就唔會教壞人。




Derek:

個人主義高漲,最緊要自己 likey, 別人、群體死活真係話之,這就是我們部分的新世代!




珍:

那就好,那是人的基本責任。至於教育局考評局,我已經心死!

熱血艾德 說...

做老師應該有理想有抱負...但她....

嘿嘿 說...

没有责任感的人,再怎么好,也是废物!

匿名 說...

人在做,天在看!
我整傷腰椎壓住神經線,已放左3個幾星期病假,我的工作要其他人分擔,雖然同班賤人零交流,但心裡都有"唔好意思"的念頭!
點解有人可以咁自私?

自由

laulong 說...

艾德:

好明顯,哩位老師既抱負就係揾錢!




嘿嘿:

對,做好份工!假如要呃錢嘅,請離開教育界,不要誤人子弟!




小行:

原來你身體違和。你好好休養,不要讓短傷變成久患。

心裏對別人有歉,就是負責任之人了!