2011年11月30日星期三

獅子噬人,情何以堪

網上照片


今天在信報讀到 凌通〈中環解密〉這篇文章,很慨歎。在這高度資本主義,股份化的商業運作環境裏,良心僱主早已是稀有名詞,中間就只羅織著冷冷的利益計算與工具關係:

   獅子殺人 哭聲響徹三層樓

滙控(005)為省靚業績,大刀闊斧裁員,仍然好賺錢嘅香港區都要開刀,貢獻完盈利,再貢獻人頭。 

新一波裁員行動上周五開始,噚日有網民喺 facebook 寫文章,形容裁員行動「由早到晚,一層一層的殺戮,每個人都戰戰兢兢地等待死亡的一通電話。是次裁員行動,上至部門經理,下至辦公室助理均無一倖免。」 

據凌通所知,重災區之一係將會消失的 PFS 屬下的零售銀行及財富管理部門,其中電話銀行70人一齊起身,按揭部門、投資產品部門都好傷,有條 team 有16人被裁淨7個,有啲成 team 冇晒。


                                                              「人人全日等死亡電話」 

禮拜一,又展開新一輪「屠殺」,聽保險部老友講,成個地區 office 的主管包括經理、助理經理都郁晒,大概係要由將多兵少變為少將多兵,人事、財務、傳訊之類功能部門亦係落刀之地,睇到大家心驚膽戰。而且被裁嘅人不少只有一個月代通知金,其他乜都冇得賠。 

呢一輪裁員被形容為「1128大屠殺」,據講,當日個個員工都好緊張,有關於幾時派信封嘅流言四起。有人話三點,有人話四點,人心惶惶。「整個辦公室都瀰漫着一股死亡氣息,只見一個又一個人拿着紙皮箱,一方忙着執拾,一方顧着安慰。」氣氛哀傷到連負責睇住被炒員工執嘢嘅保安都難忍淚水,仲有人聽到哭喊聲由六、七、八樓傳出。最恐怖係,整個行動仲陸續有來,唉!
.
.
.

15 則留言:

新鮮人 說...

政府d高官早前話過哩件係單一事件喎。

Ebenezer 說...

白色恐怖,令人心寒!

Coffee 說...

篇文真係有世界末日的感覺!
家庭開支打亂晒,仲要年尾流流!

the inner space 說...

George Clooney 的 up in the sky!

卡臣 說...

我細個果陣有騎過獅子像拍照

SKII 說...

最近沒什麼時間看新聞,沒有看到關於這個資料添。

匿名 說...

睇完...心都寒!

自由

Armadillo 說...

資本主義社會係咁架喇,物競天擇,適者生存!相對於做又三十六,唔做又三十六嘅共產主義社會,我就寧願接受挑戰囉!

火女 說...

冇陰公!

(這不是單一事件啦)

laulong 說...

新鮮:

香港啲官最叻就係淡化!




Eben:

嗰種待宰嘅心情真的好難受!




Coffee:

鬼佬旗手就話之你,香港嘅冬叔當然做到家零二,哩一刻做獅子行份工原來咁慘!




Inner:

專搞裁員,即係職場嘅黑白無常!




卡卡:

我都係。依家冇人咁做喇,可見成熟的公民意識是需要時間打造的。

laulong 說...

S:

你忙於照顧世伯。一忙起上來,是會冇晒餘暇讀報聽新聞的。




小行:

就是!有惻然的感覺。




Arma:

最惨係歐美蝕錢就小裁,香港賺錢就大裁,真係唔公道!




女女:

忽然冇咗份工,仲要無情情俾人否定,好慘!

the inner space 說...

得魔術師指正,應該是 George Clooney 的 up in the air 電影中,炒人者必終極被炒!

laulong 說...

炒人者必終極被炒,這現象歷史常有,假汝之手殺人,事成後當然最好令汝消失了!

文少 說...

炒人者必終極被炒﹐老細除外(閃)
不過我覺得你濫用良心二字﹕
點解賺錢裁員就係無良先﹖
我又唔係拖糧又唔係唔守勞工法例﹐炒你又跟足法例補水﹐點無良先﹖
點解賺錢就唔可以炒人先﹖

係咪即係話﹐只要我賺緊錢﹐即使公司有冗員﹐養住班蛀米大蟲我都唔炒得先﹖

以你post那篇文為例﹐佢某程度上講出炒人原因﹕
「大概係要由將多兵少變為少將多兵」

將比兵多﹐唔好話公司啦﹐就算一隊軍隊都有問題啦﹖
唔通就因為賺錢﹐所以有問題都唔裁得人﹖

laulong 說...

其實我都睇過你就滙豐裁員的貼文,這行動沒有抵觸法律,也不能說不道德,僱傭雙方,從來都是建基於互惠互利,一旦其中一方覺得沒甚麼利了,或利相對少了,就中止關係,僱與被僱都可以如此。

我所說的良心僱主是即使利潤少了,或行將少了,都情願保住員工,這些公司不是沒有,像四叔的公司,幾次經濟低潮都鮮聞裁員的。

我讀到信報這篇文章,只是心有惻然而已,假若事情發生在我身上,我會覺得很慘!